Марцін Марцінавіч Карклін

Марцін Марцінавіч Карклін
Марцін Марцінавіч Карклін
	лат.: Karkliņš Mārtiņš
	1925 — снежань 1929
Кіраўнік урада	Язэп Адамовіч; Мікалай Галадзед
Нараджэнне	13 (1) лютага 1894; Курляндская губерня
Смерць	11 красавіка 1938 (44 гады)

Ма́рцін Ма́рцінавіч Ка́рклін (лат.: Karkliņš Mārtiņš; 13 (1) лютага 1894 — 11 красавіка 1938) — беларускі савецкі дзяржаўны дзеяч, намеснік старшыні Савета Народных Камісараў Беларускай ССР, старшыня Дзяржплана БССР (1927—1930).

Біяграфія

Нарадзіўся ў Курляндскай губерні, працаваў рабочым на заводах.

Удзельнік Кастрычніцкай рэвалюцыі ў Ніжнім Ноўгарадзе.

З 1918 года намеснік старшыні выканкама Ніжагародскай і Самарскай губерняў, старшыня выканкама Церскай губерні.

З канца 1925 года намеснік старшыні СНК БССР і адначасова старшыня камісіі заканадаўчых меркаванняў пры СНК БССР (1926—1927). З 1927 года старшыня Эканамічнага савета пры СНК БССР.

У лютым 1927 года прызначаны старшынёй Дзяржплана БССР. Вызвалены ад пасады старшыні Дзяржплана ў студзені 1930 года ў сувязі з прызначэннем намеснікам старшыні праўлення Дзяржаўнага банка СССР.

Са студзеня 1930 года ў РСФСР — намеснік старшыні ВСНГ РСФСР, намеснік наркама лёгкай прамысловасці СССР, старшыня ЦК Саюза работнікаў гаспадарчых устаноў СССР.

Арыштаваны 25 снежня 1937, расстраляны 11 красавіка 1938 года.

Член бюро ЦК КП(б)Б (1925 — 08.01.1930). Член ЦВК СССР (1922—1937), член Прэзідыума ЦВК БССР (1928—1930).

Спасылкі

Старшыні Дзяржплана і Дзяржэканомплана Беларускай ССР, Міністры эканомікі Рэспублікі Беларусь. Сайт Міністэрства эканомікі Рэспублікі Беларусь.