Музей этнаграфіі (Магілёў)

Магілёўскі музей этнаграфіі
Профіль	этнаграфічны
Заснаваны	1981
Падпарадкаванасць	Магілёўскі абласны краязнаўчы музей
Месцазнаходжанне	вул. Першамайская № 8, г. Магілёў
Адкрыты	з 10.00 да 18.00, выходныя: серада, чацвер.
Медыяфайлы на Вікісховішчы

Музей этнаграфіі ў Магілёве — філіял Магілёўскага абласнога краязнаўчага музея. Размяшчаецца па адрасе вул. Першамайская № 8.

Адкрыты ў 1981 г. Плошча экспазіцыі 760 м², 4,5 тыс. экспанатаў асноўнага фонду (2000 г.). Матэрыялы музея знаёмяць са станам матэрыяльнай і духоўнай культуры сялян Магілёўскага Падняпроўя і гарадскога побыту магіляўчан канца XIX — пачатку XX стст. Сярод экспанатаў прылады працы, прадметы побыту, народнае адзенне магілёўскага і краснапольскага строяў, калекцыі самабытных ручнікоў Магілёўшчыны, абразоў, кафлі і драўлянай скульптуры XVII—XIX стст., царкоўнай кнігі, часопісы XIX — пачатку XX стст.

Будынак музея стаіць на падмурках Магілёўскага езуіцкага калегіума. Унутраная сцяна, якая выходзіць у двор музея, з'яўляецца аўтэнтычнай сцяной XVIII ст., колішняй часткай калегіума.

• Інтэр'еры
• 
  Кабінет чыноўніка
• 
  Дваранская гасцёўня
• 
  Мяшчанскі інтэр'ер

Літаратура

• Музей этнаграфіі // Беларуская энцыклапедыя: У 18 тамах / Беларуская энцыклапедыя; Рэдкалегія: Г. П. Пашкоў (галоўны рэдактар) [і інш.]. Том 11: Мугір — паліклініка. — Мн.: Беларуская энцыклапедыя, 2000. — С. 13.

Спасылкі

• На Вікісховішчы ёсць медыяфайлы па тэме Музей этнаграфіі (Магілёў)