Нясвіжскі павет (БССР)

Нясвіжскі павет
Краіна	БССР
Уваходзіць у	Менская губерня (1920—1921)
Адміністрацыйны цэнтр	Нясвіж
Дата ўтварэння	29 ліпеня 1920
Дата скасавання	18 сакавіка 1921

Нясвіжскі павет — адміністрацыйна-тэрытарыяльная адзінка ў БССР у 1920—1921 гадах. Цэнтр — горад Нясвіж.

Гісторыя

Утвораны 29 ліпеня 1920 года ў Мінскай губерні БССР. 6 жніўня 1920 года да павета далучаны Жухавіцкая і Мірская воласці Навагрудскага павета. З 18 сакавіка 1921 года згодна з Рыжскім мірным дагаворам тэрыторыя павета была перададзена міжваеннай Польскай Рэспубліцы (за выключэннем Магільнянскай воласці, частак Пацейкаўскай, Цімкавіцкай і Цялядавіцкай воласці), дзе апынулася ў складзе Нясвіжскага павета Навагрудскага ваяводства.

Воласці

• Гавязнянская
• Гарадзейская
• Грыцэвіцкая
• Жухавіцкая
• Клецкая
• Ланская
• Магільнянская
• Мірская
• Пацейкаўская
• Свержанская
• Сіняўская
• Сноўская
• Цімкавіцкая
• Цялядавіцкую.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Нясвіжскі павет // Энцыклапедыя гісторыі Беларусі: У 6 т. / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. Т. 6. Кн. 1: Пузыны — Усая. — Мн.: БелЭн, 2001. — 591 с.: іл. — С. 347. — ISBN 985-11-0214-8.