Хенг Самрын

Хенг Самрын
кхмер.: ហេង សំរិន
4-ы Старшыня Нацыянальнай Асамблеі Камбоджы з 2006
Папярэднік	Нарадом Ранарыт
1-ы Старшыня Дзяржаўнага Савета Дзяржавы Камбоджа 1 мая 1989 — 6 красавіка 1992
Папярэднік	пасада заснавана
Пераемнік	пасада скасавана
1-ы Старшыня Дзяржаўнага Савета Народнай Рэспублікі Кампучыя 27 чэрвеня 1981 — 1 мая 1989
Папярэднік	пасада заснавана
Пераемнік	пасада скасавана
2-і Генеральны сакратар ЦК Народна-рэвалюцыйнай Партыі Кампучыі 1981 — 1991
Папярэднік	Пен Саван
Пераемнік	пасада скасавана
1-ы Старшыня Народна-рэвалюцыйнага Камітэта Народнай Рэспублікі Кампучыя 7 студзеня 1979 — 27 чэрвеня 1981
Папярэднік	пасада заснавана
Пераемнік	пасада скасавана
Нараджэнне	25 мая 1934(1934-05-25) (90 гадоў) Ponhea Kraek District[d], Кампангцям, Камбоджа
Веравызнанне	тхеравада
Партыя	Народная партыя Камбоджы[d]
Званне	генерал і генерал арміі
Узнагароды
Медыяфайлы на Вікісховішчы

Хенг Самрын (нар. 25 мая 1934, вёска Как, Камбоджа) — палітычны і дзяржаўны дзеяч Камбоджы (у 1976-91 гадах Кампучыі). Член Народнай (да 1991 года Народна-рэвалюцыйнай) партыі Камбоджы з 1959 года; член яе выканкама (з 1977 года), генеральны сакратар (1981-91), ганаровы старшыня (з 1991) ЦК.

Удзельнік узброеннай барацьбы супраць рэжыму Лон Нола (з 1970 года), пасля яго падзення ў арміі рэжыму «чырвоных кхмераў»: палітычны камісар і камандзір дывізіі, намеснік начальніка штаба Усходняй ваеннай зоны (1976-78). У 1978 годзе ўзначаліў паўстанне вайсковых частак (падтрымана в'етнамскімі войскамі) супраць улады Пол Пота. З канца 1978 года старшыня ЦК Адзінага фронту нацыянальнага выратавання Кампучыі. Старшыня Народна-рэвалюцыйнага савета (1979-81), Дзяржаўнага савета (1981-91) Камбоджы. Ва ўмовах фактычнага кантролю В'етнама над краінай і працяглай грамадзянскай вайны з прыхільнікамі Пол Пота праводзіў курс на пабудову сацыялізму на в'етнамскі ўзор.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).