Чэмпіянат свету па шашэйных велагонках

Чэмпіянат свету па шашэйных велагонках (афіцыйная назва — англ.: UCI Road World Championships) — штогадовы чэмпіянат свету па шашэйных дысцыплінах веласпорту, які праводзіцца пад эгідай Міжнароднага саюза веласіпедыстаў (UCI). У рамках чэмпіянату свету праводзяцца шашэйныя групавыя гонкі і індывідуальныя гонкі на час з раздзельнага старту сярод мужчынскай эліты, жаночай эліты і мужчын ва ўзросце да 23 гадоў. Чэмпіянат праводзіцца ў канцы сезона, звычайна пасля Вуэльты Іспаніі.

Чэмпіён свету ў групавой гонцы выступае ў вясёлкавай майцы ва ўсіх шашэйных групавых гонках (акрамя этапаў з раздзельным стартам) на працягу наступнага пасля перамогі года. Чэмпіён свету ў індывідуальнай гонцы на час выступае ў вясёлкавай майцы толькі на этапах з раздзельным стартам, якія праводзяцца на шматдзённых гонках сезона.

Спартсмены, якія выступаюць на чэмпіянаце свету, прадстаўляюць нацыянальныя зборныя сваіх краін.

Гісторыя

Першы чэмпіянат свету па шашэйных велагонках быў праведзены ў 1927 годзе на Нюрбургрынгу ў Германіі. Першым чэмпіёнам свету сярод прафесіяналаў стаў італьянскі велагоншчык Альфрэда Бінда.

Да 1995 года ў рамках чэмпіянатаў свету праводзіліся асобныя гонкі для аматараў і прафесіяналаў.

Чэмпіянаты свету праводзяцца як на адносна роўных трасах, у гэтым выпадку звычайна перамагаюць спрынтары, так і па пагорыстай мясцовасці, дзе звычайна перамагаюць горныя спецыялісты або ўніверсалы.

Чэмпіянаты свету

Год	Краіна	Горад
1927	Германія	Нюрбургрынг
1928	Венгрыя	Будапешт
1929	Швейцарыя	Цюрых
1930	Бельгія	Льеж
1931	Данія	Капенгаген
1932	Італія	Рым
1933	Францыя	Манлеры
1934	Германія	Лейпцыг
1935	Бельгія	Фларэф
1936	Швейцарыя	Берн
1937	Данія	Капенгаген
1938	Нідэрланды	Валкенбюрг-ан-дэ-Гёл
c 1939 па 1945 чэмпіянаты не праводзіліся з-за Другой сусветнай вайны
1946	Швейцарыя	Цюрых
1947	Францыя	Рэймс
1948	Нідэрланды	Валкенбюрг-ан-дэ-Гёл
1949	Данія	Капенгаген
1950	Бельгія	Моарследэ
1951	Італія	Варэзэ
1952	Люксембург	Люксембург
1953	Швейцарыя	Лугана
1954	Заходняя Германія	Золінген
1955	Італія	Фраскаці
1956	Данія	Капенгаген
1957	Бельгія	Варэгем
1958	Францыя	Рэймс
1959	Нідэрланды	Зандварт

Год	Краіна	Горад
1960	Усходняя Германія	Карл-Маркс-Штат
1961	Швейцарыя	Берн
1962	Італія	Сала
1963	Бельгія	Ронсэ
1964	Францыя	Саланш
1965	Іспанія	Сан-Себасцьян
1966	Заходняя Германія	Нюрбургрынг
1967	Нідэрланды	Херлен
1968	Італія	Імала
1969	Бельгія	Хёсдэн-Золдэр
1970	Вялікабрытанія	Лестэр
1971	Швейцарыя	Мендрызіа
1972	Францыя	Гап
1973	Іспанія	Барселона
1974	Канада	Манрэаль
1975	Бельгія	Івуар
1976	Італія	Астуні
1977	Венесуэла	Сан-Крыстобаль
1978	Заходняя Германія	Нюрбургрынг
1979	Нідэрланды	Валкенбюрг-ан-дэ-Гёл
1980	Францыя	Саланш
1981	Чэхаславакія	Прага
1982	Вялікабрытанія	Гудвуд
1983	Швейцарыя	Альтэнрайн
1984	Іспанія	Барселона
1985	Італія	Джавера-дэль-Мантэла
1986	ЗША	Каларада-Спрынгс

Год	Краіна	Горад
1987	Аўстрыя	Філах
1988	Бельгія	Ронсэ
1989	Францыя	Шамберы
1990	Японія	Уцуномія
1991	Германія	Штутгарт
1992	Іспанія	Бенідорм
1993	Нарвегія	Осла
1994	Італія	Агрыджэнта
1995	Калумбія	Дуітама
1996	Швейцарыя	Лугана
1997	Іспанія	Сан-Себасцьян
1998	Нідэрланды	Валкенбюрг-ан-дэ-Гёл
1999	Італія	Верона
2000	Францыя	Плуэ
2001	Партугалія	Лісабон
2002	Бельгія	Золдэр і Хаселт
2003	Канада	Гамільтан
2004	Італія	Верона
2005	Іспанія	Мадрыд
2006	Аўстрыя	Зальцбург
2007	Германія	Штутгарт
2008	Італія	Варэзэ
2009	Швейцарыя	Мендрызіа
2010	Аўстралія	Мельбурн і Джыланг
2011	Данія	Капенгаген
2012	Нідэрланды	Лімбург
2013	Італія	Фларэнцыя
2014	Іспанія	Панферада
2015	ЗША	Рычманд
2016	Катар	Доха
2017	Нарвегія	Берген

Спасылкі

Афіцыйны сайт UCI