Энгельбрэкт Энгельбрэктсан

Энгельбрэкт Энгельбрэктсан
шведск.: Engelbrekt Engelbrektsson
Нараджэнне	каля 1390 Norberg parish[d], Швецыя
Смерць	4 мая 1436(1436-05-04) Возера Ельмарэн, Кальмарская унія
Медыяфайлы на Вікісховішчы

Энгельбрэкт Энгельбрэктсан (шведск.: Engelbrekt Engelbrektsson) (? — 4 мая 1436, востраў на возеры Ельмарэн) — кіраўнік найбуйнейшага ў сярэднявечнай Швецыі народнага паўстання 1434-36, народны герой.

Мадэль помніка Энгельбрэкту Энгельбрэктсану, пастаўленага ў Эрэбру ў 1865 г.

Дробны дваранін, бергсман (горны майстар) у Нурборгу (Даларна). Паўстанне было накіравана супраць палітыкі дацкіх каралёў у Швецыі (а фактычна на скасаванне Кальмарскай уніі). Паўстанцы вызвалілі большую частку краіны ад дацкіх гарнізонаў і дамагліся звяржэння караля Эрыка Памеранскага. Пад іх націскам у студзені 1435 у г. Арбуга было склікана пашыранае пасяджэнне дзяржаўнага савета (рыксрода), у якім прынялі ўдзел не толькі дваране і духавенства, але і прадстаўнікі гарадоў, а магчыма, і сельскіх абшчын (лічыцца ўмоўна першым шведскім рыксдагам). Энгельбрэкт Энгельбрэктсан быў абвешчаны «правадыром дзяржавы» (rikshövitsman) і ўведзены ў склад рыксрода. Арыстакратыя здолела фактычна адхіліць Энгельбрэкта Энгельбрэктсана ад кіраўніцтва рухам. Энгельбрэкт Энгельбрэктсан у 1436 годзе зноў падняў народ, але быў забіты Бенгтсанамі, паўстанне разгромлена.

Спасылкі

• На Вікісховішчы ёсць медыяфайлы па тэме Энгельбрэкт Энгельбрэктсан