DAX
| DAX | |
|---|---|
 | |
| Дата пачатку разліку |
1 ліпеня 1988 |
| ISIN | DE0008469008 |
| Аператар | Deutsche Börse |
| Біржы | Франкфурцкая фондавая біржа |
| Базавае значэнне |
1000,00 пунктаў |
| Максімальнае значэнне |
13,525,56 пунктаў (7 лістапада 2017) |
| Кампаненты | 30 |
| Тып кампанентаў |
Вялікая капіталізацыя |
| Вэб-сайт | dax-indices.com |
DAX (ням.: Deutscher Aktienindex) — гэта адзін з найважнейшых фондавых індэксаў Германіі. Індэкс вылічваецца як сярэдняе ўзважанае па капіталізацыі значэнне коштаў акцый 40 найбуйных акцыянерных кампаній Германіі. DAX з’яўляецца эквівалентам брытанскага FTSE 100 і амерыканскага індэкса Доу-Джонс.
DAX быў створаны 1 ліпеня 1988 года, яго пачатковае значэнне складала 1000 пунктаў.[1] Індэкс вылічваецца кампаніяй Deutsche Börse AG.
24 лістапада 2020 года Deutsche Börse абвясціла аб пашырэнні склада індэкса на дзесяць дадатковых кампанентаў з мэтай больш поўна адлюстроўваць сучасную структуру эканомікі Германіі. Пашырэнне адбылося ў 3 квартале 2021 года.[2]
Разлік індэкса
[правіць | правіць зыходнік]Са студзеня 2016 года індэкс разлічваецца кожны гандлёвы дзень з 9.00 раніцы па Цэнтральнаеўрапейскім часе. Пры вылічэнні DAX выкарыстоўваюцца кошты акцый на электроннай біржы XETRA.[3]
Для разліку, заснаванага на формуле Эцьена Ласпейрэса, цэны акцый выбраных лістынгавых кампаній узважваюцца ў адпаведнасці з іх рыначнай капіталізацыяй.[4]
Улічваюцца толькі акцыі, якія знаходзяцца ў свабодным звароце. Калі капітал кампаніі падзелены на некалькі тыпаў акцый (напрыклад, звычайныя акцыі і прывілеяваныя акцыі), выкарыстоўваецца тып акцый з больш высокай ліквіднасцю.[5]
Крытэры выбару
[правіць | правіць зыходнік]З верасня 2021 года кампаніі маюць права на ўключэнне ў DAX толькі па аднаму асноўныму крытэрыю — рынкавай капіталізацыі акцыянернага таварыства.[6] Улічваецца сумарны кошт усіх акцый, якія знаходзяцца ў вольным звароце, а не ў руках стратэгічных інвестараў. Іншыя ранейшыя крытэры, як, напрыклад, актыўнасць гандлю дадзенымі паперамі, адпалі.
Дадаткова ўведзена новая строгая ўмова: кандыдаты ў DAX 40 павінны, як мінімум, два гады працаваць з прыбыткам, а таксама рэгулярна прадстаўляць не толькі гадавыя і паўгадавыя, але і квартальныя справаздачы, якія прайшлі пэўны аўдыт.[7]
Акцыя можа быць выключана з індэкса паміж датамі рэбалансавання, калі яе вага перавышае 10 %, а 30-дзённая гістарычная валацільнасць кошту акцыі перавышае 250 %.[8]
Крыніцы
[правіць | правіць зыходнік]- ↑ Looking back on 30 years of DAX. dw.com. Праверана 7 лютага 2022.
- ↑ DAX Stock Index. investopedia.com. Праверана 7 лютага 2022.
- ↑ Pulse Online: DAX Index Grows to 40 Constituents – Looking at Impact on Market Cap and Liquidity. xetra.com. Праверана 7 лютага 2022.
- ↑ DAX(недаступная спасылка). memim.com. Архівавана з першакрыніцы 3 лютага 2022. Праверана 7 лютага 2022.
- ↑ DAX – benchmark and barometer for the German economy. deutsche-boerse.com. Праверана 7 лютага 2022.
- ↑ DAX Technical Analysis. comparebrokers.co. Праверана 7 лютага 2022.
- ↑ DAX with 40 constituents and additional criteria. boerse-frankfurt.de. Праверана 7 лютага 2022.
- ↑ New DAX index rules to strengthen qualification criteria, adopt international standards. qontigo.com. Праверана 7 лютага 2022.