Wadai Taradisiunal Banjar
![](http://upload.wikimedia.org/wikipedia/commons/thumb/6/62/Penjual_Wadai_Banjar.jpg/220px-Penjual_Wadai_Banjar.jpg)
Dalam adat wan budaya masarakat Banjar Kalimantan Salatan kitihan manis atawa wadai adalah sabuting nang kada kawa tapisah. Wadai Taradisiunal Banjar nang bamacam-macam baik barupa bantuk, rasa, wan warna maisaratakan sabuah makna nang tatian dalam kasaharian masarakat. Dalam ritual adat wadai banyak dipakai gasan sarana palangkap.
Sajarah
[babak | babak asal-mulanya]Taradisi wadai sabujurnya sudah maakar matan jaman bahari, labih pasnya wayah masa karajaan Hindu Nagara Dipa. Wadai 41 adalah istilah nang marujuk ka macam-macam wadai sabanyak 41 janis. Wayah masa karajaan bahari wadai dipakai jadi sasaji gasan bubuhan aruwah panggana alam supaya kada mangganggu kahidupan manusia.
Tagal imbah kadatangan Islam, budaya sasaji bamula taugah wan digantiakan lawan akulturasi budaya nang labih islami. Wadai 41 wayah ngini ada dalam parayaan-parayaan islami kaya Baayun Mulut, Batamat Al-Qur'an, Badudus, wan palangkap ritual adat lainnya. Guna matan Wadai 41 labih dilambangakan lawan kasalamatan wan rasa sukur masarakat.
Wadai jua adalah simbulisasi masarakat Banjar nang susial. Dalam ngini marujuk ka taradisi mawarung. Di mana kitihan nang disadiaakan rancaknya wadai taradisiunal Banjar. Diumpati lawan teh atawa kupi langat masarakat Banjar rancaknya bapandiran saikung sama lain.