ဒေါဝ်
ယာကပေါႏထန်ႏလွဉ်ဒျာႏနောဝ်ꩻ ခလားကတွိုႏ ခရစ်နေင်ႏ ၁၈၀၀ ကာႏသွူ။ ဒေါဝ် ကပေါႏထန်ႏလွဉ်နောဝ်ꩻ ခရစ်နေင်ႏမုဲင်ꩻခါ ခွိုင်းမုဲင်ꩻကရိုꩻ တွက်လဲင်ꩻတဒါႏတောဝ်းဒုမ်သွူ။
![](http://upload.wikimedia.org/wikipedia/commons/thumb/8/8f/Liquor_Still_Frankfort_489226997.jpg/220px-Liquor_Still_Frankfort_489226997.jpg)
![](http://upload.wikimedia.org/wikipedia/commons/thumb/4/40/Cocktel_fantasia_gin.jpg/220px-Cocktel_fantasia_gin.jpg)
![](http://upload.wikimedia.org/wikipedia/commons/thumb/d/dc/Flaming_Raspberry_Knowles.jpg/220px-Flaming_Raspberry_Knowles.jpg)
![](http://upload.wikimedia.org/wikipedia/commons/thumb/a/a8/Common_alcoholic_beverages.jpg/220px-Common_alcoholic_beverages.jpg)
![](http://upload.wikimedia.org/wikipedia/commons/thumb/d/d8/Spirituosen-im-supermarkt.jpg/220px-Spirituosen-im-supermarkt.jpg)
ဒေါဝ်ယိုဓာတုဗေဒအဟဲ့ꩻအဟောင်နောဝ်ꩻ ဟဲ့ꩻဒျာႏ အီသိုင်းအယ်လ်ကိုဟော(Elthyl Alcohol)(မိဉ်ႏတမွေးတောဝ်း) အက်တနော(Ethanol) နောဝ်ꩻသွူ။ ယစ်လိုꩻမျိုꩻ ဥပဒေႏအလꩻ ဒေါဝ်စဲစ် အီသိုင်းအယ်လ်ဟော အယာႏခိဉ်ႏတောမ်ႏဒွုမ်နမ်းအချိုꩻ(၂ mg%)ကပါလွိုဒါႏ အထီမျိုꩻနောဝ်ꩻ ဟဲ့ꩻဒျာႏဒေါဝ်နောဝ်ꩻသွူ။
ဒေါဝ်ယိုနောဝ်ꩻ ကဲဉ်းအာအာ ဟဲ့ꩻဒျာႏ ဘီယာစွုမ်ႏစွိုꩻ (Beer)၊ ဝုဲင်စွုမ်ႏစွိုꩻ(Wine) တောမ်ႏ ဒေါဝ်ကျံꩻ စွုမ်ႏစွိုꩻ (Spirit or Strong)ဖုံႏနောဝ်ꩻသွူ။ ဘီယာစွုမ်ႏစွိုꩻကိုယို ကဲဉ်းအာအာနောဝ်ꩻ ဒေါဝ်စဲစ်စဲစ်(Pure Alcohol) အယာႏခိဉ်ႏတောမ်ႏ ဒွုမ်နမ်းအချိုꩻ ပါဝင်ႏသော့ꩻ ၃mg% ဗꩻတွိုႏ ၁၀ mg% နောဝ်ꩻသွူ။ ဝုဲင်စွုမ်ႏစွိုꩻကိုယို ပါဝင်ꩻသော့ꩻ ၉mg% ဗꩻတွိုႏ ၁၅ mg% နောဝ်ꩻသွူ။ ဒေါဝ်ကျံꩻစားဖုံႏနောဝ်ꩻ ပါဝင်ႏသော့ꩻလုဲင်ႏ ၃၀ mg%မာꩻကီနောဝ်ꩻသွူ။ ဝုဲင်စွုမ်ႏစွိုꩻကို ကထေထန်ႏဒါႏ သေင်ႏရောင်ꩻသေင်ႏရာႏ အလွောက် တဗက်ဝုဲင်၊ ကောဝ်ရာႏဝုဲင်၊ မောက်ကိန်ꩻရာႏဝုဲင် စတဲင်ဟဲ့ꩻဟောင်ဒျာႏနောဝ်ꩻသွူ။ ဒေါဝ်ကျံꩻစွုမ်ႏစွိုꩻကို ဝီစကီ၊ ဘရန်ဒီ၊ ဂျက်(ဒေါဝ်)၊ ရမ်ဖုံႏပါနွို့သော့ꩻဒျာႏနောဝ်ꩻသွူ။ ထန်ꩻထီ၊ ဓနိထီဖုံႏအကို အယ်လ်ကိုဟော ၂mg% မိဉ်ႏလွိုနောဝ်ꩻ ဝင်ႏထိုꩻဒျာႏဒေါဝ်သွူ။ ဘီယာယိုလဲ့ ထွာဒျာႏ ဒေါဝ်တမျိုꩻနေနေသွူ။