Ourdoueg
| Ourdoueg (Urdū, اردو) | |
|---|---|
| Perzhioù | |
| Komzet e : | Pakistan, India, meur a vro all |
| Rannved : | Azia ar Su |
| Komzet gant : | 104 000 000 (61 000 000 mammyezher) |
| Renkadur : | 19-21 |
| Familh-yezh : | Yezhoù Indezeuropek Yezhoù Indez-Iranek |
| Statud ofisiel | |
| Yezh ofisiel e : | Pakistan, India (Kachmir, Uttar Pradesh, Delhi) |
| Akademiezh : | hini ebet |
| Kodoù ar yezh | |
| ISO 639-1 | ur |
| ISO 639-2 | urd |
| ISO 639-3 | |
| Kod SIL | URD |
| Sellit ivez ouzh ar pennad Yezh. | |
Ur yezh indez-aryek eo an ourdoueg (اردو; RLVK: urdū) komzet gant tro-dro da 104 milion a dud en India hag e Pakistan dreist-holl, met kavet e vez ourdouegerion dre ar bed a-bezh.
Goude ar sinaeg ec'h eo an ourdoueg asambles gant an hindeg an eil yezh muiañ komzet er bed-holl e-keñver an niver a dud a ra ganti.
Gant ar saozneg ec'h eo an hindeg unan eus div yezh ofisiel pennañ India ha yezh ofisiel Pakistan eo an ourdoueg.
Tost-tre eo an ourdoueg d'an hindeg ha kentoc'h evit yezhoù disheñvel penn-da-benn e vez komz alies a-walc'h eus rannyezhoù eus an hevelep yezh a reer hindoustaneg anezhi.
Evit ober an diforc'h etre an daou zoare yezh, pe an div yezh, hindeg hag ourdoueg ec'h eo ret goût e vez skrivet an hindeg gant ar skritur devanagari evel ar sañskriteg hag e vez implijet al lizherenneg arabek evit skrivañ an ourdoueg evel ma vez graet gant ar perseg.
Dre vras e c'heller lâret int liammet tamm-pe-damm o-div ouzh bep a relijion gant ur sevenadur da heul: an hindeg gant an hindouegezh hag ar sañskriteg, ma'z eo bet levezonet e c'heriaoueg gantañ, tra m'eo bet levezonet hini an ourdoueg gant ar perseg ha drezañ gant an arabeg diwar levezon an islam.
Skrivet e vez gant stil persek al lizherenneg arabek gant lizherennoù ouzhpenn evit sonennoù na vezont ket kavet en arabeg