Paol Keineg

Paol Keineg

den

Reizh pe jener	paotr
Bro ar geodedouriezh	Frañs
Anv-bihan	Paol
Deiziad ganedigezh	6 C'hwe 1944
Lec'h ganedigezh	Kimerc'h
Yezh vamm	galleg
Yezhoù komzet pe skrivet	galleg, brezhoneg
Micher	barzh, dramaour, kelenner skol-veur
Implijer	Dartmouth College, Brown University, Duke University, University of California, Berkeley, Skol-veur Harvard
Bet war ar studi e	skol-veur Breizh-Izel, Brown University
Diellaouet gant	Kreizenn an Enklaskoù Breizhek ha Keltiek
Prizioù resevet	Q131300727, Prix Max-Jacob

Paol Keineg, bet ganet e Kimerc'h d'ar 6 a viz C'hwevrer 1944, zo ur skrivagner hag un dramaour brezhonek ha gallek.

E skol kentañ-derez Kimerc'h e voe kent mont da Gemper evit an eil derez. Goude-se ec'h eas da ziwaller e Kemper, e Pont-'n-Abad hag e Brest. En UBO Brest e tapas e 1968 un aotreegezh war al lizhiri a-vremañ. Goude-se e voe adkelenner e Montroulez a-raok distreiñ da Vrest gant ar memes karg. Er bloaz 1972 avat e voe skarzhet hep abeg ofisiel, marteze abalamour ma oa unan eus diazezerien ar strollad politikel UDB e 1964.

E 1972 end-eeun e voe leurennet e bezh-c'hoari kentañ, Le Printemps des Bonnets rouges, gant an dremmour gall Jean-Marie Serreau (1915-1973) er sal-c'hoariva Théâtre de la Tempête bet diazezet gantañ e Pariz er bloaz kent. Dilabour edo Paol Keineg goude kuitaet an Deskadurezh-Stad, setu ec'h eas da vinter en ur chanter-bigi a-raok ober ur staj souder e 1974, ma voe diplomet.

E 1975 e krouas ar gelaouenn Bretagnes, ma'z embannas troidigezhioù diwar skridoù ar varzhez stadunanat Rita Frances Dove (Akron, Ohio, 1952), a oa peuzdianav d'ar mare-se, en niverenn 2.

Betek 1978 e voe embannet ar gelaouenn, met diouzhtu an niverenn 2 e lestras Paol Keineg war-du Kalifornia. Paotr e vil micher e voe eno, en ur zeskiñ saozneg ar vro. E 1977 ec'h eas da studier ar Brown University e Providence, Rhode Island, ma voe diplomet war al lizhiri saoznek e 1981, oadet a 37 vloaz. Goude-se ec'h eas da gelenn e meur a ensavadur : Brown University ; Darmouth College e Hanover, New Hampshire ; Duke University e Durham, North Carolina ; University of California, Berkeley, Kalifornia ; Skol-veur Harvard, Cambridge, Massachusetts.

Ne zisoñje ket e vro c'henidik avat, gwech ha gwech all e tistroe da Vreizh, ma krouas ar gelaouenn Poésie-Bretagne gant Alain Le Beuze (Kemperle, 1958) ha Denis Rigal (1938-2021).

Oberennoù

• Le poème du pays qui a faim, 1967
• Hommes liges des talus en transes, 1969
• Chroniques et croquis des villages verrouillés, 1971
• Le printemps des Bonnets Rouges, 1972
• Histoires vraies / Mojennoù gwir 1974
• Lieux communs, suivi de Dahut, 1974
• 35 haiku (e brezhoneg), 1978
• Boudica, Taliesin et autres poèmes, 1980
• Préfaces au Gododdin, 1981
• Oiseaux de Bretagne, oiseaux d'Amérique, 1984
• Guernica, 1989
• Silva rerum, 1989
• Tohu, Wigwam éditions, 1995
• À Cournille, 1999
• Dieu et madame Lagadec, 2001
• Anna Zero, 2002
• Triste Tristan, suivi de Diglossie, j'y serre mes glosses, 2003
• Terre lointaine, 2004
• Là et pas là, 2005
• Quatre Poires / Peder berenn (sic), troet diwar Añjela Duval, 2005
• Wiersze Bretonskie, troet diwar ar Polonad Kazimierz Brakoniecki , 2007
• Les trucs sont démolis, 2008
• Abalamour, 2012
• Histoires vraies / Mojennoù gwir / Histórias verícas, troet e katalaneg gant Ruy Proença, 2014
• Qui?, troet diwar R. S. Thomas, a-gevret gant Marie-Thérèse Castay ha Jean-Yves Le Disez, 2015
• Mauvaises langues, 2014
• Un enterrement dans l'île, troet diwar Hugh MacDiarmid (892-1978), 2016
• Johnny Onion descend de son vélo, 2019
• Korriganiques, 2019.
• Scènes de la vie cachée en Amérique, 2021

Pezhioù-c'hoari

• Le printemps des Bonnets rouges, 1972
• (Manque d')aventures en Patagonie, 1983
• La Reine de la nuit, 1992
• Kaka, ou l'Entrevue céleste, 1994
• Anna Zéro, 2002
• Terre lointaine, 2004

Enorioù

• Priz Fénéon, Pariz, 1974, evit Lieux communs, suivi de Dahut.
• Priz Max Jacob, Pariz, 2015, evit Mauvaises langues.

Liammoù diavaez

• Fonds Paol Keineg