ᏧᏩᎩ
![](http://upload.wikimedia.org/wikipedia/commons/thumb/1/14/Redmaplefoliage.jpg/220px-Redmaplefoliage.jpg)
ᏧᏩᎩ, ᎩᎦᎨ ᎠᏥᎸᏍᎩ, ᎩᎦᎨ ᎠᏥᎶᏍᎩ, ᏃᎴ ᎧᎳᏩᎩ ᏂᎦᏓ ᏚᏙᎥ ᎤᏐᏱ ᏧᎬᎢ. ᎯᎠ ᏧᎬᎢ ᏎᎦᏨ ᏂᎬᎢ ᎧᎸᎬᎢ ᏃᎴ ᎠᏰᏟ ᎠᎹᏰᏟ ᎬᏩᏛᏗ. ᏧᏩᎩ ᎤᎦᎿᏩ-ᎧᎸᎬ Manitoba Ontario ᎾᎥ ᎠᎵᏰᎲᏍᎪᎢ, Newfoundland ᏗᏣ ᎤᏪᏅᏍᏗ ᎠᎵᏰᎲᏍᎪᎢ. Newfoundland Florida ᏩᏍᏗ ᎤᏪᏅᏍᏗ ᎠᎵᏰᎲᏍᎪᏍᏉ ᏃᎴ ᎧᎸᎬ TexasᏍᏉ ᎠᎵᏰᎲᏍᎪᎢ. ᏧᏆᎶᎦ, ᎠᏥᎸᏍᎩ, ᏃᎴ ᎤᏯᎷᎦ ᎨᏍᏗ ᏧᏂᏐᏱ ᏱᏗᎧᏃᏗᎢ ᏂᎬᎢ. ᏧᏩᎩ Florida ᏯᎵᏰᎲᏍᎪ ᏰᎵᏉ ᏙᏳ ᏄᏓᎴ ᏧᏩᎩ ᎧᏍᏚᏱ ᎾᎥ ᏯᎵᏰᎲᏍᎪᎢ. ᎤᎵᏰᏅ ᏱᏂᎦᎵᏍᏗᎭ ᏧᏩᎩ, ᎢᏳᏓᎵᎭ 100' ᎢᏂ ᎢᏗᎦᏘ ᎢᏳᎵᏍᏙᏗ. ᏧᏩᎪ ᏓᏥᎸᏍᎩ, ᎦᎾᏍᏓ, ᏃᎴ ᎠᏂᏤᎢ ᏧᏆᎶᎦ ᏂᎦᏓ ᎩᎦᎨ ᏗᎧᏃᏗᎢ. ᎤᎳᎪᎲᏍᏗ ᏱᏂᎦᎵᏍᏗᎭ, ᏙᏳ ᎤᏬᏚᎯ ᎩᎦᎨ ᎤᏑᏫᏓ ᎾᏂᎦᎵᏍᏗᏍᎪᎢ ᏧᏩᎩ ᏧᏆᎶᎦ.
ᏧᏩᎩ ᎬᏩᏛᏗ ᏌᎷᏱ ᎠᎹᏳᎸᏓ, ᎡᎶᎯ ᎤᎧᏲᏓ, ᏃᎴ ᏎᎦᏨ ᏄᏓᎴ ᎤᎾᎵᏰᏗᎢ ᎠᎵᏰᎲᏍᎪᎢ. ᎠᎹᎡᏉ ᎾᎥ ᎠᎵᏰᎲᏍᎪᎢ ᏃᎴ ᎦᏚᏏᏍᏉ ᎡᎯ. ᎤᏰᏟᏛ ᏙᏳ ᎤᏬᏚ ᏧᏆᎶᎦ ᎾᏂᎦᎵᏍᏗᏍᎪᎢ ᎤᎳᎪᎲᏍᏗ ᏱᏂᎦᎵᏍᏗᎭ ᏍᏈᏍᏓ ᎠᏂᏴᏫ ᏧᏩᎩ ᎤᎾᏛᎯᏙᏗ ᎠᏂᎸᏉᏗ.
ᏙᎩᏳᏍᏗ ᏗᎧᏃᏗ
[ᎦᏁᏟᏴᏓ ᎰᏪᎸᎦ]![](http://upload.wikimedia.org/wikipedia/commons/thumb/f/f6/Acer_rubrum.jpg/220px-Acer_rubrum.jpg)
ᎢᏳᏓᎵᎭ ᏧᏩᎩ ᎬᏕᎶᎰᎯᏍᏗᎢ, ᎠᏎᏃ ᏍᏈᏍᏓ ᏗᎧᏃᏗᎢ ᎤᏤᎵᎢ ᏂᎦᎵᏍᏗᏍᎪᎢ. ᎠᏰᏟ ᎠᎴ ᎤᏔᏅ ᏧᎬᎢ. ᎤᎵᏰᏃᏅ ᏱᏂᎦᎵᏍᏗᎭ ᏧᏩᎩ ᏧᎬᎢ, ᎡᎵᏉ 90' 120' ᏩᏍᏗ ᎢᏂ ᎢᏗᎦᏘ ᎨᏎᏍᏗ. ᏧᏩᎩ ᎤᏴᏣ ᎧᎴᎾ ᎦᏚᏏ ᎠᏁᎯ ᎢᏳᏓᎵᎭ ᏙᏳ ᎤᏔᏅ ᎠᎾᎵᏰᎲᏍᎪᎢ - ᎢᏳᏓᎵᎭ 135' ᎢᏂ ᎢᏗᎦᏘ. ᏧᏩᎩ ᏧᏆᎶᎦ ᎠᎾᏥᎶᏍᎪᎢ 3.5" 4.25" ᏩᏍᏗ. ᎤᎵᏰᏃᏅ ᏧᏩᎩ ᏧᎬᎢ ᎠᏰᎵ ᎪᏌᏆᎵ ᎤᏥᎶᎥ 18" 35" ᏩᏍᏗ. ᎢᏳᏓᎵᎭ 60". ᎠᏙᎯ ᏯᎵᏰᎲᏍᎪᎢ ᏧᏩᎩ, ᎦᎸᎳᏗ ᎨᏎᏍᏗ ᏧᏩᏂᎦᎳᏅ, ᎠᏎᏃ ᏧᏩᎩ ᎨᏍᏗ ᎠᏙᎯ ᏯᎵᏰᎲᏍᎪᎢ, ᎡᎳᏗᎨᎢ ᏧᏩᏂᎦᎳᏅ ᎨᏎᏍᏗ. ᏧᏩᎩ ᎬᏂᎨᎢ ᎤᏍᎪᎸᎦ ᎤᏯᎷᎦ ᎤᎭ. ᏧᎬᎢ ᏯᎵᏰᎲᏍᎪᎢ, ᎬᏂᎨᎢ ᏂᎦᎵᏍᏗᏍᎨᏍᏗ ᎤᏯᎷᎦ ᏃᎴ ᏄᏓᎴᏨ ᏗᎧᏃᏗᎢ ᎨᏎᏍᏗ. ᏭᏔᎾᎨ ᏧᏩᎩ ᏃᏉᏃ ᎠᎾᎧᏔᎭ 125' ᎢᏂ ᎢᏗᎦᏘ. ᎻᏏᎦᏂ ᎠᎵᏰᎲᏍᎦ.
ᏧᏩᎩ ᏗᎦᎾᏍᏓ ᎩᎦᎨ ᎤᏑᏫᏓ ᎢᏳᏍᏗ ᏗᎧᏃᏗ ᏃᎴ ᎦᏲᏟ ᎤᎸᏌᏗᏳᏍᏗᏍᏉ. ᏧᏩᎩ ᎠᏂᏍᎫᏓᏔᏍᎩ ᎨᏍᏗ ᏍᏓᏱ ᏱᎩ. ᎠᏤᎢ ᎩᎦᎨ ᏩᏍᏗ ᎤᏑᏫᏓ. ᎪᎳ ᏱᎨᏐᎢ, ᏕᎬᎪᏩᏛᏗ ᏧᏩᎩ ᎠᏂᏍᎫᏓᏔᏍᎩ ᎤᏰᏟᏛ ᏧᎾᏔᏅ ᏃᎴ ᎩᎦᎨ ᎢᏳᏍᏗ ᏗᎧᏃᏗ.
![](http://upload.wikimedia.org/wikipedia/commons/thumb/1/16/Acer_rubrum_drummondii_drawing.png/220px-Acer_rubrum_drummondii_drawing.png)
ᏧᏩᎩ ᏧᎬᎢ ᎠᎾᏥᎸᏍᎪᎢ ᎥᏍᎩᏱ ᏕᎷᏱ ᏩᏍᏗ. 8 ᏑᏕᏘᏴᏓ ᎾᎥ ᏧᏩᎩ ᏧᎬᎢ ᎤᏥᎸᏗ ᎠᎾᎴᏂᏍᎪᎢ, ᎠᏎᏃ ᎢᏳᏓᎵᎭ ᏅᎩ ᏑᏕᏘᏴᏓ ᎾᎥ ᎠᎾᎴᏂᏍᎪᎢ. ᎩᎦᎨ ᏓᏥᎸᏍᎩ ᏧᎭ ᏧᏩᎩ.