ئەندروو گارفیڵد

گاڕفیڵد لەساڵی ٢٠١١
لەدایکبوون	ئەندرو رەسڵ گاڕفیڵد (١٩٨٣-٠٨-٢٠) ٢٠ی ئابی ١٩٨٣ لۆس ئەنجلس, کالیفۆرنیا, ئەمەریکا.
خوێندنگە	زانکۆی لەندەن
پیشە	ئەکتەر ، بەرهەمهێنەر
چالاکبوون	2004–تا ئێستا

ئەندروو ڕەسڵ گاڕفیڵد (بە ئینگلیزی: Andrew Garfield) (لەدایکبووی ٢٠ ئۆگەستی ١٩٨٣) ئەکتەرێکی بەڕیتانی-ئەمەریکیە و بەرهەمهێنەریشە.لەدایکبووە لە لۆس ئەنجلس و لە ئێپسۆمی بەڕیتانیا گەورە بووە و کاری نواندنی سەرەتا بە شانۆ و زنجیرەکانی تیڤی دەستپێکردووە. لەساڵی ٢٠٠٧ بەشداری یەکەم فیلمی کردووە بەناوی Lions for Lambs.گاڕفیڵد یەکەم دەرکەوتنی گەورەی لە ساڵی ٢٠١٠ بوو لە فیلمی The Social Network , کە تیایدا پاڵێوراویش کرا بۆ خەڵاتی گۆڵدن گڵۆب و خەڵاتی بافتا ، هەروەها بۆ فیلمی Never Let Me Goش ، دووبارە بۆ بافتا پاڵێوراو کرایەوە.

گاڕفیلد ساڵی ٢٠١٢ ڕۆلی سپایدەرمانی گێڕا لە هەردوو بەشی The Amazing Spider-Manدا ، هەروەها لەپاڵ فیلیپ سەیمۆر هۆفمانیش بەشداربوو لە شانۆی Death of a Salesman ، کە تیایدا بەمهۆیەوە پاڵێوراو کرا بۆ خەڵاتی تۆنی.لەساڵی ٢٠١٤ ڕۆڵی لە فیلمی 99 Homes گێڕا و وەک بەرهەمهێنەریش بوو. لەساڵی ٢٠١٦دا بەشداربوو لە فیلمی Hacksaw Ridge لە دەرهێنانی مێڵ گیبسن، وە لە هەمان ساڵیشدا بەشداربوو لە فیلمی Silence لەپاڵ ئەکتەر لیام نیسندا ، و فیلمەکە لەدەرهێنانی ماڕتن سکۆرسێزی بوو.

سەرچاوەکان

• بەشداربووانی ویکیپیدیا، «Andrew Garfield»، ویکیپیدیای ئینگلیزی. سەردان لە ٢٤ی ئازاری ٢٠٢٢.