Ankara

Prifddinas Twrci a'r ddinas ail fwyaf yn y wlad honno yw Ankara (hefyd: Ancara; hen enwau Angora ac Ancyra), sy'n brifddinas Talaith Ankara yn ogystal. Yn 2007 roedd tua 4,455,453 o bobl yn byw yn y ddinas. Lleolir Ankara 938 medr uwchben lefel y môr. Mae hinsawdd cyfandirol, gyda hafau tymherol ac eira yn y gaeaf. Ankara yw canolfan masnach a diwydiant bwysicaf y wlad ond cyn ei dyfod yn brif ddinas roedd hi'n enwog yn bennaf am ei geifr blew hir ynghyd â'r gwlân arbennig a geir ohonynt, sef gwlân Angora.

Ankara

Math	bwrdeistref fetropolitan Twrci
Poblogaeth	5,803,482
Pennaeth llywodraeth	Mansur Yavaş
Cylchfa amser	UTC+03:00
Gefeilldref/i	Minsk, Miami, Pavlodar, Ashgabat, Astana, Beijing, Bishkek, Bwcarést, Chişinău, Hanoi, Kyiv, Kuala Lumpur, Dinas Coweit, Nicosia, Manama, Moscfa, Tirana, Kinshasa, Bissau, Ufa, Mogadishu, Sana'a, Washington, Sofia, Tbilisi, Islamabad, Bangkok, Khartoum, Santiago de Chile, Damascus, Amman, Seoul, Dushanbe, Sarajevo, Prishtina, Gogledd Nicosia, Budapest
Iaith/Ieithoedd   swyddogol	Tyrceg
Daearyddiaeth
Lleoliad	Rhanbarth Canoldir Anatolia
Sir	Ankara
Gwlad	Twrci
Arwynebedd	25,632 km²
Uwch y môr	938 ±1 metr
Gerllaw	Çubuk, Hatip
Cyfesurynnau	39.9358°N 32.8387°E
Cod post	06000–06999
Swydd pennaeth   y Llywodraeth	Maer Ankara
Pennaeth y Llywodraeth	Mansur Yavaş
Ffeiliau perthnasol ar Comin

Cafodd y ddinas ei chodi yng nghanol ucheldir Anatolia ac mae'n groesffordd cludiant bwysig iawn i ffyrdd a'r rheilffyrdd fel ei gilydd. Prifysgolion y ddinas yw Prifysgol Technoleg y Dwyrain Canol (Middle East Technical University; METU), Prifysgol Hacettepe, Prifysgol Bilkent a Phrifysgol Ankara ei hun. Mae Llyfrgell Genedlaethol Twrci a'r Amgueddfa Ddaearegol i'w cael yn Ankara yn ogystal.

Ers y dewiswyd hi fel prifddinas Twrci gan Kemal Atatürk yn lle Istanbul, mae'r ddinas wedi datblygu ac erbyn hyn mae'n cynnwys hen ardal o'r enw Ulus ynghyd ag ardal newydd o'r enw Yenisehir. Mae adeiladau Rhufeinig, Bysantaidd ac Otomanaidd yn y strydoedd cul yn yr hen chwarter, a cheir gwestai mawr, theatrau, canolfannau siopio ac ati yn yr ardal newydd. Mae Cynulliad Cenedlaethol Mawr Twrci a swyddfeydd y llywodraeth, ynghyd â llysgenhedaethau gwledydd tramor i'w cael yn yr ardal newydd hefyd.

Adeiladau a chofadeiladau

• Palas Ankara
• Çankaya Köşkü (palas Arlywydd Twrci)
• Mosg Kocatepe
• Tŵr Atakule
• Tŷ Opera

Enwogion

• Vehbi Koç (1901-1996), dyn busnes
• Ali Babacan (g. 1967), gwleidydd

Eginyn erthygl sydd uchod am Dwrci. Gallwch helpu Wicipedia drwy ychwanegu ato.