John Hefin
| John Hefin | |
|---|---|
| Ganwyd | 14 Awst 1941  Tre Taliesin |
| Bu farw | 19 Tachwedd 2012 o canser |
| Dinasyddiaeth |  Cymru |
| Alma mater | |
| Galwedigaeth | cyfarwyddwr teledu, cyfarwyddwr ffilm |
| Cyflogwr | |
| Gwobr/au | MBE |
Cyfarwyddwr a chynhyrchydd ffilm, teledu a drama o Gymru oedd John Hefin MBE (14 Awst 1941[1] – 19 Tachwedd 2012).[2] Un o Dre Taliesin oedd John Hefin. Cafodd ei addysg yn Ysgol Ramadeg Ardwyn, Aberystwyth ac yna aeth i Goleg y Drindod a chafodd yno y cyfle i ddangos ei ddawn dan hyfforddiant Norah Isaac.[3]
Chwaraeodd ran bwysig yn sefydlu Comisiwn Ffilm Cymru a’r cwrs ffilm a theledu ym Mhrifysgol Aberystwyth.[4]
John Hefin a David Meredith a baentiodd Craig Elvis ym 1962.[5]
Gyrfa
[golygu | golygu cod]Ymysg ei waith mwyaf adnabyddus oedd The Life and Times of David Lloyd George a’r ffilm gomedi Grand Slam. Roedd John Hefin, ar y cyd â Gwenlyn Parry, yn gyfrifol am greu cyfres Pobol y Cwm.
Fel pennaeth Drama y BBC yng Nghymru bu'n gyfrifol am Bus to Bosworth lle mae Kenneth Griffith yn mynd â llond bws o blant ysgol i ymweld â maes Brwydr Bosworth. Bu hefyd yn gyfrifol am Tough Trade (gyda Anthony Hopkins fel y prif actor), OM am fywyd O.M. Edwards, a Mr Lollipopn MA
Mae'n debyg mai ei gynhyrchiad mwyaf dadleuol oedd The Mimosa Boys (1985) sy'n herio fersiwn swyddogol ar fomio y Sir Galahad adeg Rhyfel y Falklands.[6]
Gwobrau ac anrhydeddau
[golygu | golygu cod]- Derbyniodd Wisg Wen a dod yn rhan o'r Orsedd yn 2003.[7]
- Derbyniodd MBE am ei wasanaeth i fyd y ffilm yng Nghymru yn 2009.
- Cafodd ei anrhydeddu am ei gyfraniad at ddrama teledu yng ngwobrau Bafta Cymru yn 2012.
- Gwobr Cyfrwng am ei gyfraniad i fyd cyfryngau Cymru yn 2012.[8]
Cyfeiriadau
[golygu | golygu cod]- ↑ (Saesneg) John Hefin (1941-2012): An Appreciation. Prifysgol Morgannwg. Adalwyd ar 22 Tachwedd 2012.
- ↑ John Hefin wedi marw. Golwg360 (19 Tachwedd 2012).
- ↑ Barn Rhif 599/600 Rhagfyr/Ionawr 2012/1213 td 31
- ↑ Y cynhyrchydd a'r cyfarwyddwr John Hefin wedi marw. BBC (19 Tachwedd 2012). Adalwyd ar 20 Tachwedd 2012.
- ↑ Galw am 'adfer' craig Elvis. BBC (31 Ionawr 2005). Adalwyd ar 20 Tachwedd 2012.
- ↑ John Hefin: Film-maker whose work celebrated Wales and its people Archifwyd 2012-12-06 yn y Peiriant Wayback Ysgrif Goffa gan Meic Stephens yn The Independent 5.12.12 Adalwyd 4 Rhagfyr 2012]
- ↑ Y Tincer: Llwyddiant ym Meifod. BBC Cymru (Medi 2003).
- ↑ Gwobr Cyfrwng i'r cynhyrchydd a'r cyfarwyddwr John Hefin. BBC (1 Gorffennaf 2012). Adalwyd ar 20 Tachwedd 2012.