Moel Hiraddug

Moel Hiraddug
Math	caer lefal
Daearyddiaeth
Lleoliad	Diserth
Sir	Sir Ddinbych
Gwlad	Cymru
Uwch y môr	265 metr
Cyfesurynnau	53.2947°N 3.407°W
Cod OS	SJ06327845
Statws treftadaeth	heneb gofrestredig, Henebion Cenedlaethol Cymru
Manylion
Dynodwr Cadw	FL012
	Ffeiliau perthnasol ar Comin
	[golygwch ar Wicidata]

Saif Moel Hiraddug (Cyfeirnod OS: SJ063785 ) gerllaw pentref Diserth yn Sir Ddinbych ac mae bryngaer ar ei gopa - y bryngaer mwyaf gogleddol o'r gadwyn sy'n ymestyn ar gopaon Bryniau Clwyd. Darganfuwyd plat copr wedi ei addurno yno, plat sy'n dyddio yn ôl i'r 2g C.C. ac sy'n cael ei ddefnyddio fel logo gan CPAT (Ymddiriedolaeth Archaeoleg Clwyd-Powys).^[1]

Bryngaer Moel Hiraddug

Cofrestrwyd y fryngaer hon gan Cadw a chaiff ei hadnabod gyda'r rhif SAM unigryw: FL012.^[2] Ceir tua 300 o fryngaerau ar restr CADW o henebion, er bod archaeolegwyr yn nodi bod oddeutu 570 ohonyn nhw i gyd yng Nghymru.

Mae'r waliau allanol yn fwy na'r cyffredin ac yn mesur oddeutu 2400 troedfedd o hyd a rhwng 240 - 480 troedfedd o led. Wynebu'r De-ddwyrain mae'r fynedfa i'r gaer a gellir gweld olion cylchoedd o'i mewn. Arwynebedd y fryngaer yw 12 ha.^[3]

Mae llawer o'r rhannau gogleddol o'r gaer wedi'i dinistrio gan fwyngloddio am nicl a cobalt.

Hiraddug

Yn nhrefgordd ganoloesol Hiraddug, ger y mynydd, ganed y bardd ac ysgolhaig Dafydd Ddu o Hiraddug (bu farw tua 1370).

Gweler hefyd

Cyfeiriadau

↑ "Gwefan CPAT". Archifwyd o'r gwreiddiol ar 2008-12-21. Cyrchwyd 2009-03-19.
↑ Cofrestr Cadw.
↑ Gwefan Coflein^{[dolen farw]}

Dolennau allanol

Llun o dlws haearn ac efydd a ddarganfuwyd yno Archifwyd 2008-12-21 yn y Peiriant Wayback
ffotograff o rannau o darian o 100CC a ddarganfuwyd yma^{[dolen farw]}

[1] "Gwefan CPAT". Archifwyd o'r gwreiddiol ar 2008-12-21. Cyrchwyd 2009-03-19.

[2] Cofrestr Cadw.

[3] Gwefan Coflein^{[dolen farw]}

[1]

[2]

[3]