Natamycin
 | |
| Enghraifft o'r canlynol | math o endid cemegol  |
|---|---|
| Math | polyene macrolide |
| Màs | 665.305 uned Dalton |
| Fformiwla gemegol | C₃₃h₄₇no₁₃ |
| Enw WHO | Natamycin |
| Clefydau i'w trin | Llid y cyfbilen, cocsidioidomycosis, asbergilosis, clefyd heintiol ffyngaidd, blepharitis, microsporidiosis, blastomycosis, candidïasis, cryptococosis, sborotrichosis, histoplasmosis, llid y cornea, llid y cornea, llid y cyfbilen, blepharitis |
 Ffeiliau perthnasol ar Gomin Wicimedia | |
Mae Natamycin yn feddyginiaeth gwrthffyngol a ddefnyddir i drin heintiau ffwngaidd o gwmpas y llygad[1]. Mae'r rhain yn cynnwys heintiau'r amrantau, cyfbilennau, a'r gornbilen. Fe'i gweinir fel diferion llygad. Mae Natamycin hefyd yn cael ei ddefnyddio yn y diwydiant bwyd fel ychwanegyn cadwraethol.
Mae'n perthyn i deuluoedd macrolid a pholyin o feddyginiaethau. Mae'n lladd ffyngau trwy newid eu cellbilenni
Darganfuwyd Natamycin yn 1955. Mae ar Restr Meddyginiaethau Hanfodol Sefydliad Iechyd y Byd, y meddyginiaethau mwyaf effeithiol a diogel sydd eu hangen mewn system iechyd; er hynny nid oes trwydded i'w defnyddio gan y GIG yn y DU[2].
Defnydd
[golygu | golygu cod]Meddygol
[golygu | golygu cod]Defnyddir natamycin i drin heintiau ffwngaidd, gan gynnwys Candida, Aspergillus, Cephalosporium, Fusarium, a Penicillium. Fe'i gweinir yn argroenol fel hufen, mewn diferion llygad, neu (ar gyfer heintiau'r geg) fel losinen. Mae Natamycin hefyd yn cael ei rhagnodi i drin heintiau burum a llindag y geg.
Bwyd
[golygu | golygu cod]Mae natamycin wedi cael ei ddefnyddio ers peth amser yn y diwydiant bwyd i geisio rhwystro tyfiant ffwngaidd ar gynhyrchion llaeth a bwydydd eraill.
Yr Unol Daleithiau
[golygu | golygu cod]Yn yr Unol Daleithiau caiff natamycin ei ychwanegu'n gyffredin i mewn i gynhyrchion megis caws hufen, caws bwthyn, hufen sur, iogwrt, carpion caws, sleisys caws, a chymysgeddau salad wedi'u pecynnu.
Yr Undeb Ewropeaidd
[golygu | golygu cod]Yn yr Undeb Ewropeaidd mae gan natamycin yr E Rif ychwanegyn bwyd - E235[3]. Caniateir ei ddefnyddio yn yr UE fel ychwanegyn cadwraethol arwyneb, i rwystro ffwng datblygu ar groen rhai cynhyrchion selsig a chaws, lle na fydd y croen yn cael ei bwyta fel arfer.
Prydain wedi Brexit
[golygu | golygu cod]Pwy a wyr?
Cyfeiriadau
[golygu | golygu cod]- ↑ "Natamycin". The American Society of Health-System Pharmacists. Cyrchwyd 26 Ionawr 2018.
- ↑ South Tees Hospitals NHS Foundation Trust - Trust Formulary Natamycin 5% eye drops, Restricted Drug; Restricted unlicensed; Unlicensed product[dolen farw] adalwyd 26 Ionawr 2018
- ↑ EFSA The use of natamycin as a food additive <adalwyd 26 Ionawr 2018
| Cyngor meddygol |
|
Sgrifennir tudalennau Wicipedia ar bwnc iechyd er mwyn rhoi gwybodaeth sylfaenol, ond allen nhw ddim rhoi'r manylion sydd gan arbenigwyr i chi. Mae llawer o bobl yn cyfrannu gwybodaeth i Wicipedia. Er bod y mwyafrif ohonynt yn ceisio osgoi gwallau, nid ydynt i gyd yn arbenigwyr ac felly mae'n bosib bod peth o'r wybodaeth a gynhwysir ar y ddalen hon yn anghyflawn neu'n anghywir. Am wybodaeth lawn neu driniaeth ar gyfer afiechyd, cysylltwch â'ch meddyg neu ag arbenigwr cymwys arall! |