Loa loa
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/5/5d/L_loa_whole_HBa.jpg/230px-L_loa_whole_HBa.jpg)
![](http://upload.wikimedia.org/wikipedia/commons/thumb/d/da/Adult_Loa_Loa_Parasite_%288905176106%29.jpg/240px-Adult_Loa_Loa_Parasite_%288905176106%29.jpg)
![](http://upload.wikimedia.org/wikipedia/commons/thumb/4/4a/Loa_loa.jpg/240px-Loa_loa.jpg)
La Loa loa l'è 'n bêg nematôd parasìta d'l óm e 'd àtar mamìfar grand ch'al viṿ specialmènt in Àfrica e in Ìndia. In gènar 'l è anc ciamâ vérum d'l òć parchè al gh finìs da spés esénd che là al cata dla ròba bòna da magnàr par lò. S'a n s fà minga quèl in présia a s và in a risć 'd armàgnar òrub.
'L è òṅ di bêg, insém a 'l Uncucérca vòlvulus e a la Munsunèlla streptusérć, ch'al fà vgnir un brut mâł ciamâ „Filariàśi sót-pèla“. Al sò larvi i èṅ ciamàdi micrufilàri.
Descrisiòṅ
Al còrp ad chi vérum chè 'l è fat da 'n cô, da 'n còrp e da na cóa. I masć in gèn'r i èṅ lung da i vint a i trénta-quàtar milimétar e larg fra i tarśènt-sinquànta e i quatarsènt-trénta μm. Al fémni i èṅ più grandi parchè i pōlan rivàr a sinquànta milimétar ad lunghésa par 425 µm ad larghésa.
La Loa loa la s móṿ bèṅ sót-pèla faghénd-as strada magnànd al gras ch'la s cata davànti ma la s cùcia anc in dal sangṿ, in di tesû e in dal sistéma linfàtig. Quànd al bêg 'l armàgn férum 'l è 'l mumènt ch'al fà più mâł dònca 'l è méj, p'r a n sintìr briśa dulōr, ch'al girìs lìbar.
Al sò ciclo 'd vita al taca quànd 'n insèt, na mósca, 'n tavàṅ o na sinsàla, la mòrśga 'n óm infèt. Al bêg al finìs in dal sò budèli in dua al taca a far dal larvi ch'i crésan e pò quànd i èṅ madùri i finìs'n incóra in dla sò bóca acsè i èṅ prònti par turnàr in d'l óm durànt al past a vgnir. In dal còrp umàṅ al larvi i dvèntan di vér'm adûlt.
Par tiràr via chi bêg lè a gh'è da far 'n intervènt chirùrgic e pò tōr di fàrmag.
Àtar prugèt
Wikiquote contiene citazioni di o su Loa loa
Wikimedia Commons contiene file multimediali su Loa loa