T.A.T.u.

C'l artìcul chè 'l è scrit in Miranduléś

Al logo dal grup

La Julija e la Lena tòlti śò in dal 2003

«

Night will come down, our guardian angel, we rush ahead, the crossroads are empty, our spirits rise, they're not gonna get us, my love for you, always forever, just you and me, all else is nothing, not going back, not going back there, they don't understand.»

(EN)(Not Gonna Get Us, 2002)

«

A farà nòt, al nòst'r àngil custôd, a 'ndém a bala, gl'incróś i èṅ lìbar, i nòstar spìrit i s lév'n in sù, i n s ciaparàṅ minga, al mè amōr par tè, sicûr par sèmpar, sōl tè e mè, tut al rèst a n cònta gnint, a n turnarém minga indrē, a n turnarém briśa là, i n capìsan minga.»

(MUD)

Al T.A.T.u. (ciamàdi Тату in Rus, a s lèś [tɐˈtu], scólta'l chè), i èṅ un duo pop rock letrònic rus mis in pē in dal 1999 a Mósca p'r al cantànti Lena Katina (la rósa) e Julija Volkova (la bruna). Al sò nóm al mìsćia insém i prunóm rus dal fémni “ТА” (Chi lē a 'l numinatìṿ) e “ТУ” (Lì lē a 'l acuśatìṿ).

Al sò prim lavōr, 200 Po Vstrečnoj pò publicâ anc in ingléś 'l an dòp c'n al tìtul ad 200 km/h in the Wrong Lane, 'l è stâ 'l prim àlbum rus a èsar sertificâ 'd òr a livèl internasiunàł.

In dla sò caréra i aṅ vindû da piò ad vint-sinc migliòṅ ad disc in tut al mónd. Fra i sò pès più cgnusû a 'rcurdém All the Things She Said (prim pòst in dal clasìfichi austragliàni, tedéschi, irlandéśi, śvisri e britànichi), Not Gonna Get Us, All About Us e Friend or Foe.

Da 'l 2011 al dū cantànti i s èṅ mulàdi par tacàr na caréra da par lōr. In alóra a curìva vōś che lì lōr i fùsan lèśbichi ma in dal ducumentàri Anatomy of t.A.T.u. i aṅ dit ch'a n éra minga véra.

Discugrafìa

Àlbum

2001 - 200 Po Vstrečnoj
2002 - 200 km/h in the Wrong Lane
2005 - Dangerous and Moving
2005 - Ljudi Invalidy
2008 - Vesëlye Ulybki
2009 - Waste Management

Racòlti

2003 - t.A.T.u. Remixes
2006 - The Best
2011 - Waste Management Remixes

Culegamènt estéran