La Uganda ŝilingo estas la nacia valuto de Ugando. Unu ŝilingo estas teorie dividita je cent cendoj, kvankam pro inflacia malvaloriĝo de la valuto cendoj ekde la jaro 1987 ne plu havas praktikan signifon. La internacia valuta kodo laŭ la normo ISO 4217 estas UGX. Sian nomon la valuto dividas kun la kenja ŝilingo, la somalia ŝilingo, la tanzania ŝilingo kaj la eksa aŭstra ŝilingo en Eŭropo, nun anstataŭigita per la Eŭro.
