Česká Kamenice

	Česká Kamenice
	germane Böhmisch Kamnitz
	urbo
	Urbodomo kaj fontano en Placo de Paco en Česká Kamenice
Flago	Blazono
	Oficiala nomo: Česká Kamenice
Ŝtato	Ĉeĥio
Regiono	Regiono Ústí nad Labem
Distrikto	Distrikto Děčín
Administra municipo	Česká Kamenice
Historia regiono	Bohemio
Montaro	Luzacia montaro, Bohema Svislando, Elba Grejsmontaro, Bohemia mezmontaro
Parto(j)	PPR Luzacia montaro
Rivero	Kamenice
Situo	Česká Kamenice
- alteco	301 m s. m.
- koordinatoj	50° 47′ 00″ N 14° 17′ 00″ O / 50.78333 °N, 14.28333 °O (mapo)
Areo	38,76 km² (3 876 ha)
Loĝantaro	5 082 (2024)
Denseco	131,11 loĝ./km²
Fondo	11-a jarcento
Horzono	MET (UTC+1)
- somera tempo	MET (UTC+2)
Poŝtkodo	407 21
NUTS 3	CZ042
NUTS 4	CZ0421
NUTS 5	CZ0421 562394
Katastraj teritorioj	6
Partoj de urbo	10
Bazaj setlejunuoj	22
	Situo enkadre de Ĉeĥio Situo enkadre de Ĉeĥio
	Vikimedia Komunejo: Česká Kamenice
	Retpaĝo: www.ceska-kamenice.cz
	Portalo pri Ĉeĥio

Por aliaj signifoj, bv. rigardi la apartigilan paĝon: Kamenice

Koordinatoj: 50° 47′ 00″ N 14° 17′ 00″ O / 50.78333 °N, 14.28333 °O (mapo)

Česká Kamenice estas ĉeĥa urbo, kiu situas en la valo de la rivereto Kamenice proksimume 30 km oriente de Děčín. Ĉirkaŭas ĝin arbar-kovritaj montoj de Bohemia mezmontaro, Luzacia Montaro kaj Elba Grejsmontaro (respektive ties parto Ĉeĥa Svislando - Labské pískovce). Laŭ la stato de 2024 en la urbo vivis 5 082 loĝantoj sur areo de 38,77 kvadrataj kilometroj, kio rezultigas loĝdenson de 131 loĝantoj/km². Al ĝi apartenas ankaŭ Pekelský Důl, Dolní Kamenice, Filipov, Huníkov, Horní Kamenice, Kamenická Nová Víska, Kerhartice kaj Líska.

La najbaraj municipoj de la setlejo estas Prysk, Kytlice, Volfartice, Janská, Chřibská, Kunratice, Velká Bukovina, Veselé, Kamenický Šenov kaj Nový Oldřichov.

Historio

Česká Kamenice ekestis en arbaroriĉa regiono, kie verŝajne jam en la 11-a jarcento vivis soraboj. Ĉirkaŭ la mezo de la 13-a jarcento alvenis germanaj setlantoj. Kie la bohemia-luzacia komerca vojo krucas la rivereton Kamenice ili fondis samnoman vilaĝon. Sub la regado de reĝo Přemysl Otakar la 2-a el la dinastio de la Přemyslidoj (1253-1278) la meza parto de la vilaĝo ricevis urbajn rajtojn. La ekstremaj partoj poste fariĝis la setlejoj Horní kaj Dolní Kamenice (Supra kaj Malsupra Kamenice).

La hodiaŭan aspekton de la urbo karakterizas barokaj konstruaĵoj. La kastelo de Česká Kamenice origine ekestis en la 16-a jarcento en renesanca stilo. En la jaro 1652 okazis baroka plilarĝigo. La urba preĝejo estis konstruita en 1562 laŭ la stilo de malfrua gotiko. En la konstruaĵon estis integrita turo el la jaro 1555, kiu estis alikonstruita en la jaroj 1604 kaj 1605. La okcidenta pordego devenas de la 14-a jarcento. Krome en la urbo troviĝas pilgrima preĝejo, baroke konstruita en la jaroj 1736 - 1739. Sur altaĵo apud la urbo videblas la ruinoj de gotika burgo el la 13-a jarcento, kiun oni forlasis en la 16-a jarcento.