Amonia sulfamato

Amonia sulfamato, sulfamato de amonio aŭ NH₄SO₃NH₂ estas kemia komponaĵo de amoniako kaj sulfuro rezultanta el reakcio inter la "sulfamata acido" kaj amonia hidroksido. Ĝi estas blanka kristala solido, tre facile solvebla en akvo, kaj ordinare uzatas kiel herbicido, flamo-malakcelanto, kaj kompoŝto-akcelanto kune kun aliaj aldonaĵoj.

Sintezoj

Amonia sulfamido estiĝas pere de reakcio inter la "sulfura trioksido" kaj likva amoniako:

${\mathsf {SO_{3}+2\;NH_{3}{\;(likva)}\;{\xrightarrow {}}\;NH_{4}SO_{3}NH_{2}}}$

aŭ pere de reakcio inter la sulfamata acido kaj amonia hidroksido:

${\mathsf {NH_{2}HSO_{3}+NH_{4}OH{\xrightarrow {}}NH_{4}SO_{3}NH_{2}+H_{2}O}}$

Uzoj

Sulfamato de amonio estas konsiderita aparte taŭga pri la kontrolo de invadaj rezistaj fiherboj, dornarbustoj kaj damaĝaj plantoj, tiel kielFallopia japonica, Equisetum,Rhododendron ponticum kaj Hedera specie.

Ĝi ankaŭ uzatas kiel kompoŝto-pliboniganto kaj estas aparte efika pri detruado de rezistaj herbaĉoj akompanantaj la kompoŝton. Kiel aliaj amoniaj komponaĵoj, amonia sulfamato estas utila kiel flamo-malakcelanto. Ĉi-flamo-malakcelantoj surbaze de salo estas avantaĝaj super la flamo-malakcelantoj surbaze de metaloj aŭ mineraloj pro tio ke la antaŭaj estas akvo-procezeblaj. Ilia malalta malkomponiĝa-temperaturo igas ilin adekvataj kiel flamo-malakcelantoj por materialoj surbaze de celulozo. Amonia sulfamato kelkfoje uzatas kune kun magnezia sulfato aŭ amonia sulfato (kutime en proporcio 2:1) por plibonigi ilian proprecon kiel flamo-malakcelantoj.

Sekureco

Amonia sulfamato konsideratas iomete toksa al homoj kaj bestoj, kaj ĝi estas tre adekvata por amatoroj de hejmaj ĝardenoj, profesiuloj kaj arbaraj uzoj. Ĝi ĝenerale estas konsiderata sekura por uzoj en malgrandaj terpecoj kiuj estos uzataj por frukto- kaj vegetalo- kultivado kies celo estas propra konsumo. Ĝi same konsideratas vivmedie bona pro ĝia degradiĝo kiel ne-damaĝa restaĵo.