Bärschwil

Bärschwil
	Blazono de Bärschwil
	Blazono de Bärschwil
komunumo en Svislando
Kantono	Soloturno
Distrikto	Thierstein
Geografia situo	CH1903: 602642 / 248057 (mapo)47.3833333333337.4736111111111Koordinatoj: 47° 23′ N, 7° 28′ O; CH1903: 602642 / 248057 (mapo)
Nombro de loĝantoj	870
Areo	11,20 km²
Alteco	466 m super marnivelo
Poŝtkodo	4252
Komunumkodo	2611
	Mapo de Bärschwil
	Mapo de Bärschwil
	v • d • r

Pri la komunumo

Bärschwil estas komunumo en la distrikto Thierstein en Kantono Soloturno, Svislando. Ĝi havis 870 loĝantojn je la 31-a de decembro 2010.

Geografio

Bärschwil situas en la Soloturna Ĵuraso. La rivero Birs formas la nordan limon de la komunumo. Al la komunumo apartenas krom la Bärschwil la vilaĝo Wiler en nordo de la komunumo kaj diversaj izolitaj bienoj. Tra la komunumo fluas de sudo al nordo la rojo Modlenbach kiu apud la stacidomo de Bärschwil alfluas al Birs. La plej alta punkto de Bärschwil situas sur la monto Rechtenberg sur alteco de 947 m s.m. ĉe la limo al Kantono Ĵuraso. En sudo la monto Nider Fringeli havas altecon de 913 m s.m.

Najbaraj komunumoj

La komunumo Bärschwil limas en nordoriento al Laufen (BL), en oriento al Grindel, en sudoriento al Montsevelier (JU), en sudo al Corban (JU), en sudsudokcidento al Courchapoix (JU), en sudokcidento al Vicques (JU), en okcidento al Courroux (JU), kaj en nordokcidento al Liesberg (BL).

Trafiko

La kantona ĉefvojo n-ro 18 pasas laŭlonge de Birs ĉe la norda komunuma limo. Bärschwil mem atingeblas per flanka vojo de la kantona ĉefvojo. La stacidomo ĉe la fervojlinio de Bazelo al Delemonto ek de kelkaj jaroj jam ne plu estas servata de personaj trajnoj. La komunumo estas konektita al la publika transportreto per poŝataŭtolinio al Laufen.

Historio

La unua dokumenta mencio de Bärschwil datiĝas el la jaro 1194 kiel Bermeswile. En mezepoko la Monaĥejo Beinwil posedis bienojn en Bärschwil. En la jaro 1527 la episkopo de Bazelo koncedis la lokon Beinwil kun la alta kaj malalta jurisdikcio kaj la interezprivilegioj al Soloturno.^[1]