Neŭropediatrio
La neŭropediatrio (ankaŭ nomata infana neŭrologio) estas la medicina fako kiu traktas la nervajn malsanojn de infanoj.
Specialaj trajtoj
[redakti | redakti fonton]Dum la neŭrologio de plenkreskuloj traktas malsanojn de la anatomie kaj funkcie matura nerva sistemo, la spektro de neŭropediatrio inkluzivas la malsanojn de homoj, kies nerva sistemo estas en tre malsamaj stadioj de evoluo aŭ matureco depende de sia aĝo. Depende de la nivelo de matureco de la cerbo, la sama damaĝo povas havi malsamajn sekvojn. La kontakto de la kuracisto kun la paciento kaj la ekzamenteknikoj uzataj devas esti adaptitaj al la diversaj aĝoj kaj evoluniveloj. La normalaj intervaloj aplikeblaj al la diversaj aĝoklasoj (trefrue naskitaj kaj novnaskitaj beboj, beboj, infanetoj, lernejanoj, adoleskantoj) devas esti konsiderataj en la ekzamenado kaj diagnozado. Nenormala neŭrologia trovo povas aŭ ne esti akompanita de evolua prokrasto. Aliflanke, multaj infanoj montras evoluajn prokrastojn sen montri neŭrologie nenormalajn trovojn samtempe.[1]
Neŭropediatro bone konas la kampon de neŭrometabolaj malordoj (ekz. la Refsum-sindromo), heredodegeneraj malordoj de la neŭromuskola aparato (ekz. spina muskola atrofio), misformiĝoj de la nerva sistemo (ekz. Chiari-misformiĝo), la epilepsion de infanaĝo kaj adoleskeco same kiel tumoroj kaj vaskula, inflama kaj traŭmata damaĝo al la nerva sistemo.
Vidu ankaŭ
[redakti | redakti fonton]Referencoj
[redakti | redakti fonton]- ↑ K.F.Swaiman: 'Pediatric Neurology. Principles and practice, angle: "pediatria neŭrologio: principoj kaj praktiko", eldonejo C.V. Mosby, Baltimoro 1989, paĝoj 3-114; Franco Vasella: Besonderheiten des Fachgebietes Neuropädiatrie, germane: "Specialaj trajtoj de la fako neŭropediatrio" en: Fuat Aksu: "Neuropädiatrie" 2008, paĝoj 40–43.
