SA-prizono Feldstraße (Erfurt)
SA-prizono Feldstraße (germane: SA-Schutzhaftlager) estis brutala internigejo administrita de Sturmabteilung en Erfurto, Germanujo (Feldstraße nr 18).
Priskribo
[redakti | redakti fonton]Tuj post la potencakiro de la nazioj en januaro 1933 komenciĝis arestadoj pro esploro sub la respondeco de anoj de Sturmabteilung (SA) en tuta Germanio. Ili nombriĝis inter la plej brutalaj flankaĵoj de la tiama politika ŝanĝo. Kontraŭuloj de Adolf Hitler arestitis kaj ofte torturitis. Precipe temis pri komunistoj kaj socialdemokratoj: tri el ili mortis en tiu ĉi prizono. Kontraŭuloj de la reĝimo originantaj el aliaj (politikaj/ideologiaj) grupoj aliloke en Erfurto malbontraktitis.
Fabriktereno en la malantaŭa korto de Feld-strato nr 18 funkciis kiel centra internigejo. De aprilo ĝis septembro 1933 vivaĉis surloke ĝis 100 personoj. Disde ĉi tie aŭ la polica malliberejo de sur Peter-monteto la nenazioj estis transportitaj por specialaj pridemandadoj ekz. al la porhunda trejnejo ĉe la gastejo Zum Blumenthal (hodiaŭ: Oschatzer Weg) aŭ en la Steiger-arbaron. Sed ankaŭ en la internigejo Feldstraße mem okazis nehomaĵoj fare de SA-sbiroj. La tuto pasis meze de loĝeja zono proksime de Ilversgehovener-placo. Sekve postmilitaj asertoj de najbaroj pri kompleta nescio de tiaj skandalaj rompoj de homaj rajtoj ne estas tro kredindaj.
Oficialigo kiel memorigloko
[redakti | redakti fonton]Dum la GDR-tempo muntitis memorigtabulo dekstre de la enirejo al la korto. Sur ĝi menciatas la nomoj de la sekvantaj rezistmovadanoj: Heinz Sendhoff, Josef Ries, Waldemar Schapiro, Fritz Büchner. Kontraŭfaŝismo ja estis oficiala GDR-doktrino kaj oni substrekis antaŭ ĉio la suferojn de komunistaj viktimoj. Tamen indas ankaŭ post la Turniĝo fari ĉion eblan por plue esploradi pri la malhela tempo de nacisocialisma teroro en Germanlando inter 1933-45.
Literaturo
[redakti | redakti fonton]- Steffen Raßloff: 100 Denkmale in Erfurt. Geschichte und Geschichten. Mit Fotografien von Sascha Fromm, (Thüringen Bibliothek. Bd. 11), p. 182-183, Essen 2013.
- Sascha Münzel/Eckart Schörle: Erfurt Feldstraße. Ein frühes Lager im Nationalsozialismus, Erfurt 2012 (Landeszentrale für politische Bildung Thüringen).
