Vittorino da Feltre
| Vittorino Ramboldini (1378-1446) | ||
|---|---|---|
 humanista Italicus
| ||
| Persona informo | ||
| Naskiĝo | 1378 en Feltre,  Italio
| |
| Morto | 2-a de februaro 1446 en Mantovo, Italio
| |
| Lingvoj | latina • itala vd | |
| Alma mater | Universitato de Padovo | |
| Profesio | ||
| Okupo | edukisto filozofo instruisto renesanca humanisto humanisto  vd
| |
| Laborkampo | Humanismo, humanistic education (en)  kaj pedagogio vd
| |
| vd | Fonto: Vikidatumoj | |
Vittorino da Feltre (1378-1446) (naskiĝis en Feltre, 1378 - mortis en Mantovo, en la 2-a de februaro 1446) estis itala humanisto, latinisto, helenisto kaj pedagogo.
Biografio
[redakti | redakti fonton]Li studis en la Universitato de Padovo, unu el liaj profesorol estis Gasparino Barzizza kaj pli malfrue li profesoris tie, sed la Markizo de Mantovo lin invitis por la edukado de sia filaro. En Mantovo, li starigis lernejon kie li instruis la infanojn de la Markizo krom la filaron de aliaj elstaraj familioj, kune kun multaj malriĉaj infanoj, kaj ĉiuj ricevis egalan traktadon. Li instruis ne nur objektoj rilate al homaj sciencoj, sed ankaŭ donis specialan emfazon rilate al religia kaj fizika edukadoj. Tie Vittorino instruis la grekan, la latinan, matematikon, muzikon, artojn, religion, historion, poetikon kaj filozofion, kaj lia lernejo estis tiel plaĉa ke ĝi estis konata kiel La Casa Gioiosa: La domo de la ĝojo. Baldaŭ ĝia famo etendiĝis al ĉiuj regionoj en Italio, kaj la infanaro de la nobelaro el aliaj urboj venadis al Mantovo por studi kun li. Verdire, tiom da junaj nobeloj edukiĝis en La Casa Gioiosa ke ĝi estis nomata La Lernejo de la Princoj.
Li estis unu el la unuaj modernaj edukistoj ekaperintaj dum la Renesanco. Multaj el liaj metodoj estis novaj, ĉefe dank'al la intima kontakto inter la instruisto kaj la lernantaro, kiun li lernis kun Gasparino Barzizza rilate al la adaptiĝo de la instruado al la kapableco kaj bezono de la infanaro. Li vivis plentempe kun la lernantaro kaj enamikiĝis al ili en la unua sekulara internulejo. La lernejo de Vittorino estis bone lumigita kaj konstruita per kvalita materialo pli bona ol aliaj tiamaj edukcentroj. Aldone al tio, li faris pli interesa la taskojn de la lernejo, kaj inkludis kamparajn ekskursojn en ties lernoprojekto, kaj tio levis alte la estimon de la instruistaro. Lernejoj el la tuta Eŭropo, ĉefe en Anglio, kopiis la modelon de Vittorino. Multaj el la plej famaj kleruloj de la 15-a jarcento, inter ili, Guarino da Verona, Poggio Bracciolini, kaj Francesco Filelfo sendadis ties filaron por studi en lia lernejo. Aliaj lernantoj de Vittorino troviĝis Federigo da Montefeltro kaj Gregorio Correr. Teodoro Gaza, lia disĉiplo, plibonigis siajn latinajn konojn kaj speciale sin dediĉis al la grekaj studoj.
Verkoj
[redakti | redakti fonton]- Elogio di Vittorino da Feltre letto in Livorno per la distribuzione dei ... - 1861
- L'Istituto semi-convitto Vittorino da Feltre nel 25.mo anno di vita nella sua nuova sede: 1900-1925 : Ĝenovo, 24-a de majo - 1925
Literaturo
[redakti | redakti fonton]- Encyclopaedia Britannica
- Biography, Your Dictionary
- Answers
- TheFreeDictionary
- Dicionário da Idade Média Henry R. Loyn
- Enciclopedia Italiana
- Personensuche
- WorldCat Identities
- Virtual International Authority File
Vidu ankaŭ
[redakti | redakti fonton]- Francesco Filelfo (1398-1481)[1]
- Gasparino Barzizza (1360-1431)[2]
- Θεόδωρος Γαζῆς (1398-1475)
- Guarino Veronese (1374-1460)[3]
- Poggio Bracciolini (1380-1459)[4]
- Basinio Basini (1425-1457)[5]
- Federico da Montefeltro (1422-1482)[6]
- Teodoro Gaza (1398-1475)
Literaturo
[redakti | redakti fonton]- Encyclopaedia Britannica
- Biography, Your Dictionary
- Answers
- TheFreeDictionary
- Dicionário da Idade Média Henry R. Loyn
- Enciclopedia Italiana
- Personensuche
- WorldCat Identities
- Virtual International Authority File
