Carlos Sastre

Carlos Sastre Candil (Leganés, 1975eko apirilak 22) espainiar txirrindulari ohia da, lorpen nagusi bezala 2008ko Frantziako Tourra irabazi izana duena.

Carlos Sastre
Irudi gehiago
Bizitza
Jaiotzako izen-deiturak	Carlos Sastre Candil
Jaiotza	Leganés, 1975eko apirilaren 22a (49 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	txirrindularia
Ibilbidea
Taldeak	Urteak
ONCE	1997-2001
Saxo Bank-Sungard	2002-2008
Cervélo Test	2009-2010
Saunier Duval-Prodir	2011-2011
Parte-hartzailea Espainiako Vuelta Frantziako Tourra 2008ko Udako Olinpiar Jokoak 2010eko Frantziako Tourra 2010–11 UCI Europe Tour (en) (267.) 2009 UCI World Ranking (en) (37.) 2010 UCI World Ranking (en) (30.) 2002 UCI World Road Rankings (en) (101.) 2003 UCI Road World Rankings (en) (79.) Q53844942 (57.) 2005 UCI ProTour (en) (40.) 2006 UCI ProTour (en) (17.) 2007ko UCI ProTour (12.)
Posizio edo espezialitatea	igotzailea
Pisua	61 kilogramo
Altuera	173 zentimetro
Jasotako sariak	ikusi [[]]  (2009) kirol merezimenduzko errege ordenako urrezko domina
carlossastre.com

Profesionala 1997tik, Frantziako Tourrean hiru etapa garaipen ere lortu zituen, eta zenbait aldiz sailkatu zen proba honetako eta Espainiako Vueltako lehen hamarren artean, hiru handietan podiumera igotzea lortu zuelarik.

José María Jiménez txirrindulari ohiaren arrebarekin ezkonduta dago, eta, gaur egun, Ávilan bizi da.

Biografia

Etapa gazte eta zaletu mailan

Carlos Sastre 2008ko Frantziako Tourreko maillot horiarekin, Parisko helmugan sartuz garaipena lortu ondoren.

Leganés hiri madrildarrean hazi zen, eta, 18 urterekin, Ávilako probintziako El Barraco herrira joan zen txirrindulari bezala prestatzera Fundación Provincial Deportiva Victor Sastre txirrindularitza eskolan, bere aitak 1980ko hamarkadan sortu zuena drogomenpekotasunaren aurka borrokatu eta herriko gazteei kirol honen bidez itxaropena emateko.

1997-2001: ONCE

Profesional bezala Manolo Saizek zuzendutako ONCE taldean debutatu zuen, talde honetan, nagusiki, txirrindulari laguntzaile lana egin zuelarik, bere lehen garaipena ere lortuz 2000ko Espainiako Itzulian mendiko sailkapena irabaziz eta sailkapen nagusiko zortzigarren postuan amaituz.

2002-2008 CSC

2002an CSC taldera joan zen, 1996ko Frantziako Tourraren irabazlea izan zen Bjarne Riisek zuzentzen zuena. Sastre taldeko liderra izan zen Espainiako Vueltan, eta, 2005 arte, independente bezala Tourrean, 2003ko Frantziako Tourreko 13. etapan garaipena lortuz (Toulouse-Ax3 Domaines). Alabaina, 2005eko Frantziako Tourrean Ivan Bassoren laguntzaile bezala aritu zen, italiarra Tourrean taldeko liderra izan zelarik.

2002-2007

Espainiako Vuelta

Bere emaitzarik hoberena Espainiako Vueltan bigarren postua izan da, 2005 eta 2007ko edizioetan lortu zuena, aurretik, 2004koan jada seigarren izan zen arren.

Frantziako Tourra

Frantziako Tourrean beti partehartze bikaina izan du. CSCrekin korritu zituen lehen Tourretan, Ivan Basso bezalako beste txirrindulari batzuentzat laguntzaile bezala aritu zen, baina, hala eta guztiz ere, lehen 10 postuetan zenbait aldiz amaitu zuen: 8. 2004ko edizioan, 9. 2003koan eta 10. 2002koan.

Hirugarren izan zen 2006koan, Floyd Landis kanporatua izan ondoren, etapa bikainak egin zituen, 17.a kasu, Saint Jean de Maurienne eta Morzine artekoa, non eraso egin zuen eta Floyd Landisen ondoren bigarren izan zen, baina estatubatuarra kanporatua izan ondoren etapa garaipena Carlos Sastrerentzat izan zen.

4. amaitu zuen 2007ko edizioan, non erregulartasun handia erakutsi zuen mendian, baina erlojupekoetan hutseginez, esparru honetan trebeagoak ziren Alberto Contador, Cadel Evans eta Levi Leipheimer bezalako txirrindularien atzetik geratuz.

2008: Frantziako Tourraren Irabazlea eta podiuma Vueltan

Carlos Sastre 2007ko Romandiako Tourraren sarrera etapan.

Bere partehartzerik hoberena 2008koa izan zen, non Tourra irabazi zuen. Edizio honetan, Embrun-Alpe d'Huez etapa irabazi zuen mendatean zehar eginiko bakarkako ihesaldi baten ondoren, hala maillot horia jantzi zuelarik, bere atzetik zegoen Frank Schlecki 1'24" ateraz. Abantaila hau nahikoa izan zen Parisera garaile iristeko, azkenaurreko etapako erlojupeko gogorrean bere areriorik indartsuena zen Cadel Evansek denbora gutxi jan ahal izan zion arren. Etapa amaitzean bere familiaz eta bere koinatua zen Jose María Jimenezez gogoratu zen: "Hau biok nahi genuen amets bat da, ziur, dagoen tokitik, lagundu egin didala".

2008a Espainiako Vueltan lortutako hirugarren postuarekin biribildu zuen, profesionaletara pasa zenetik bere denboraldirik hoberena betez. Gainera, Vuelta irailean ospatzen denetik, Tourraren irabazleak Vueltan parte hartu eta podiumera igotzen den lehen aldia izan zen.

2009-2010: Cervélo

2008ko irailak 5ean, 2008ko Espainiako Vueltako lehen atseden egunean, Cervélo Test Team taldeagatik fitxatzen zuela iragarri zuen hurrengo bi denboraldietarako, bere kirol zuzendaria zen Bjarne Riisekin ez baitzegoen ados.

2009an Italiako Giroan parte hartu zuen mendiko bi etapatan garaipena lortuz, baita sailkapen nagusian bigarren postuan geratuz ere, Danilo Di Luca eta Franco Pellizotti italiarrak kanporatuak izan ondoren. Lasterketa honekin hiru itzuli handiak amaitu zituen urte bete baino gutxiagoan, Tourra irabaziz, Vueltan hirugarren amaituz eta Giroan bigarren.

Beranduago, Frantziako Tour kaxkarra egin zuen, non 17. postuan amaitu zuen. Orduan eman zuen amaitutzat bere denboraldia, neke fisiko eta mentala argudiatuz lau Itzuli Handi jarraian eta Olinpiar Jokoak korritu ondoren.

2010ean lehiaketa egun gutxirekin joan zen Italiako Girora, oso gogor eta ikusgarria izan zena. Zenbait erorketaren ondoren eta sekula gustora egon ezinik, 8. postuan amaitu zuen. Min handiak eragiten zizkion hernia bat ikusi zioten. Azkenik, Frantziako Tourrera joan zen, non sekula ez zen gustora egon azken asterarte. 20. amaitu zuen. Tourraren ondoren Donostiako Klasikan parte hartu zuen, non 3. amaitu zuen. Hau izan zen klasiko batean lortu zuen emaitzik hoberena.

Espainiako Vuelta hasi zuen, bere 2006ko partehartzea errepikatuz, Giroan, Tourrean eta Vueltan parte hartu zuenean. 3 Itzuli Handietan parte hartu eta hirurak amaitu dituen txirrindulari gutxietako bat da.

2011: Team Geox

2010eko abuztuak 16an Team Geox taldeagatik fitxatzen zuela iragarri zuen. Urte bete beranduago, 2011ko irailak 15ean, txirrindularitza profesionaletik erretiratzen zela iragarri zuen.

Palmaresa

Amateurretan

1997

• Gorlako Igoera
• Bidasoko Itzulia eta etapa 1
• Loinaz Proba
• 3. Nafarroako Itzulian

Profesionaletan

1999

• 4. Ordiziako Klasikan
• 10. Urkiolako Igoeran

2000

• 2. Narancoko Igoeran
• 4. Clásica a los Puertos de Guadarrama
• 4. Manuel Galera Memoriala
• Espainiako Vueltako mendiko sailkapena

2001

• Burgosko Itzuliko etapa 1

2002

• 5. Romandiako Tourrean
• 5. Züricheko txapelketan
• 10. Frantziako Tourrean

2003

• 6. Romandiako Tourrean
• 9. Frantziako Tourrean eta etapa 1

2004

• 4. Alpeetako Klasikoan
• 6. Espainiako Itzulian
• 8. Frantziako Tourrean

2005

• 2. Montjuïceko Igoeran eta sektore 1
• 2. Espainiako Vueltan

2006

• Udaberriko Klasikoa
• 3. Frantziako Tourrean eta etapa 1

2007

• 2. Espainiako Vueltan
• 3. Montjuïceko Igoeran

2008

• Frantziako Tourra, mendiko sailkapena eta etapa 1
• 3. Espainiako Vueltan.

2009

• 2. Italiako Giroan eta 2 etapa

2010

• 3. Donostia Klasikoan
• 8. Espainiako Vueltan
• 8. Italiako Giroan

2011

• 3. Austriako Itzulian

Emaitzak Itzuli Handietan eta Munduko Txapelketan

Tour 2005: Sastre.

Itzuli Handia	1999	2000	2001	2002	2003	2004	2005	2006	2007	2008	2009	2010	2011
Italiako Giroa	101	—	—	38	—	—	—	43	—	—	2	8	30
Frantziako Tourra	—	—	20	10	9	8	21	3	4	1	17	20	—
Espainiako Vuelta	—	8	UT	—	35	6	2	4	2	3	—	8	20
Munduko Txapelketa	—	—	—	—	—	—	—	49	UT	—	—	—	—

Legenda

—	Ez zuen parte hartu
DSK	Deskalifikatua
UT	Utzi

Taldeak

• ONCE (1997-2001)
• CSC (2002-2008)
• Cervélo (2009-2010)
• Geox (2011)

Errekonozimenduak

• 3. Urrezko Bizikletan (2008)

Kanpo estekak

Carlos Sastre - ProCyclingStats

• Datuak: Q105228
• Multimedia: Carlos Sastre / Q105228

Aurrekoa Alberto Contador

Frantziako Tourraren irabazlea 2008

Ondorengoa Alberto Contador