Wikipedia

Nafarroako Hiriarteko Garraioa

Nafarroa Garaiari zerbitzua ematen dion hiriarteko autobus sarea

Nafarroako Hiriarteko Garraioa −NBus estilizatua− Nafarroa Garaia euskal herrialdean dagoen hiriarteko autobus sarea. Nafarroako lurraldea egituratzen duen garraio publikoaren sarea da, baina bere mugak gainditzen ditu, Gipuzkoa eta Araba bezalako probintziekin eta Frantziar eta Espainiar Estatuetako herriekin lotuz. Orduan, 29 linea ditu, lau emakiden barruan: Iruñea-Soria, Erdialdea, Erribera eta Sakana.

Nafarroako Hiriarteko Garraioa

320 eta 350 lineen autobusak Iruñeko autobus geltokian
Datu orokorrak
Garraio motaHiriarteko autobusa
EskualdeakNafarroa Garaia,
 Euskal Herria
Line kopurua29
Geltokiak188
Bidaiariak2 540 954 (2018)
JabeaNafarroako Gobernua
Webguneawww.nbus.nafarroa.eus
Ustiapena
Hasiera2019ko azaroaren 13a (4 urte)
Eragileaklista ikusi
Ibilgailuak34
Datu teknikoak
Luzera1166,7 km
Abiadura maximoa120 km/h
 Mapa

Sare berria 2019ko azaroaren 13an inauguratu zen NAV-001 emakidarekin, Iruñeko eta Soriako autobus geltokien artean, eta 2022ko martxoaren 23an Erdialdeko 16 lineak gehitu zitzaizkion, Tafalla erdialdetzat hartuta. Azken zabalkuntza 2023an, Erriberako (martxoan) eta Sakanako (maiatzean) emakideetari zegozkion lineekin. Sarearen jabea den Nafarroako Gobernuaren aurreikuspenak foru komunitateko biztanleguneen ia % 100era zabaltzea dira. Hala ere, zenbait operadorek kudeatutako beste 50 linea baino gehiago daude, bidaiariak herriz kanpo errepidez garraiatzeko sarea osatzen dutenak, eta linea bateratu berriekin ordeztuko dira pixkanaka.

Sareak 188 geldialdi eta 29 linea ditu gaur egun. Lurralde Kohesiorako kontseilari Oscar Chivitek iragarri zuen 2024an Baztan-Bidasoa, Pirinioak eta Estellerria eskualdeetako emakidak jarriko zirela martxan, eta 2025ean Larraun-Leitzaldeakoa eta Iruñerrikoa.[1]

Identitatea

aldatu

Emakida zaharretako konpainiek erabiltzen zituzten autobusek ez zuten inolako baldintzarik bete behar, zerbitzua normaltasunez emateko aukera izateaz gain. Horregatik, proiektatutako irudia enpresa bakoitzarena zen, eta ez zuen ematen sare edo sistema berekoa zenik. Hala ere, emakida berriak indarrean sartzean, Nafarroako Gobernua kontratistak baldintza gisa eskatzen du autobusak Nafarroako Hiriarteko Garraioa sarearekin identifikatzeko elementu bisual batzuk betetzea, edozein konpainiarenak direla ere.[2]

Ikusizko identitatea

aldatu

Sarea identifikatzen duten koloreak gorria eta zuria dira. Hauen aukeraketa nabarmena da, gorria Nafarroako kolorea baita, bere banderan eta armarrian dagoen ia bakarra. Gainera, Nafarroako Gobernuaren logotipoak armarri gorriaren bertsioa erabiltzen du. Zuria elementu gorriak kolore horretako hondo baten gainean jartzeko erabiltzen da, ondo irakurtzeko moduan.

Beltza ez da identitate bisualaren kolore ofizial bat, idazkun gehienak kolore honetan egiten diren arren, hondo zuri baten gainean kontraste handia ahalbidetzen baitu.

Sarea ezagutzen den marka bisuala ez da « Nafarroako Hiriarteko Garraioa », baizik eta « NBUS » (NBus edo Nbus idatz daiteke, ofizialki letra guztiak letra larriz agertzen baitira), "Nafarroako autobusa" izen luzearen uzkurduratik datorrena.

Sarearen logotipoa Nafarroako armarriak osatzen du, zehazki Nafarroako Gobernuaren kolore bakarreko bertsioan, eta horrekin batera, « NBUS » inskripzioa eskuinean (n letra beltzez eta gainontzekoa gorriz) eta barra gorri bat ezkerrean, guztia hondo zuri baten gainean. Autobusetan, ezkerreko barra ez da logotipoan agertzen, hondoko margoan baizik.

Ibilgailuen identitatea

aldatu

NBus markarekin lan egiten duten ibilgailu guztiek Nafarroako Gobernuaren gidalerroak jarraitzen dituzte homogeneizatzeko. Kanpoaldeari dagokionez, autobusak gorriz margotuta daude aurrealdean, eta zuriz atzealdean. Bi zatiak, barra zuri batez eta gorri batez banatzen dira, autobusaren bi heren inguru, gorriz estalita daudelarik. Autobusaren alde zuriaren gainean, bi alboetan, sarearen logotipoa jarriko da, baina barrarik gabe, lehen aipatu bezala. Gainera, logotipoen gainean dauden leihatiletan, Nafarroako Gobernuaren logotipoa ageri da zuriz estanpatuta.

Ibilgailuaren atzealdea zuriz margotuta dago eta autobus sarearen logotipoa ere badu. Gauza bera gertatzen da Nafarroako Gobernuaren logotipoarekin, salmentan logotipoaren gainean agertzen baita.

Aurrealdea, berriz, gorriz margotuta dago. Hemen, zerbitzua ematen duen konpainiaren logotipoa kolore zuriz ageri da, bai eta kontratatutako enpresaren berezko beste elementu batzuk ere, hala nola autobus-zenbakia. Logotipo hori autobusaren alboetako gune gorrian ere ageri da, zuriz margotuta.

Eskariaren zerbitzurako ibilgailuetan, txikiak direnez, iman plaka bat eramango dute, sarearen logotipoarekin eta Nafarroako Gobernuaren logotipoarekin, bi alboetan. Guztiak zuriak dira.

Historia

aldatu

Aurrekariak

aldatu

XX. mendearen erdialdetik, autobusa trena eta tranbia gainditzen hasi zen, herritarrek bidaiatzeko garraiobiderik gogokoena bihurtuz. Hala, Nafarroa Garaian, autobusak Iruñeko tranbia-Iratiko trena eta Plazaolako trena desagerrarazi zituen, besteak beste, 1955ean eta 1958an. Autobus lineak alternatiba azkarragoak bihurtu ziren, modernitatearen ikur eta merkeagoak, ez baitzen beharrezkoa azpiegiturarik mantentzea. Gainera, orokorrean zerbitzu hobea ematea ahalbidetzen zuten, tren geltokiak, sarri, herriguneetatik urrun baitzeuden (ikus Kaparrotsuko geltokia edo Uitziko geltokia).

Nafarroako Foruetan zehaztutako garraioen eta azpiegituren arloko eskumen historikoei jarraiki, Nafarroako Foru Aldundiak hiriarteko bidaiari-lineen emakidak eman zizkien zenbait garraio-enpresari, esklusiboki jarduteko. Hasiera batean, 55 emakida ere eman ziren, XX. mendearen amaieran 42 izan zirelarik, ezabaketa eta lineen bategiteen artean. Administrazioak, askotan, hogeita hamar urte inguruko aldirako ematen zituen. Ondoren, aurreikusita zegoen emakida unean uneko beharren arabera berriz diseinatzea eta lehiaketa bat egitea eskaintzarik onena bilatzeko, autobideekin gertatzen zen bezala.

Bidaiarien Garraiorako Plan Integrala

aldatu

2000ko hamarkadan, Euskal Herriko hainbat herrialdek berrantolatu zituzten errepide bidezko hiriarteko garraio-zerbitzuak, kontrol handiagoa eta irudi bateratua emateko. Hori da Bizkaibusen (Bizkaia) kasua 1998an eta Lurraldebusena (Gipuzkoa) 2005ean. Ipar Euskal Herrian, Bearnorekin partekatutako sare berri bat sortu zen 2013an, Lapurdi, Nafarroa Beherea eta Zuberoako hiri nagusiak lotzen zituena, baina ez, ordea, herri txikiak, batez ere Zuberoakoak eta, neurri txikiagoan, Nafarroa Beherekoak, garraio publikoko zerbitzurik gabe jarraitzen baitzuten.

Era berean, 2008ko krisi ekonomikoaren eztandak autobus-zerbitzuak murriztea eragin zuen, eskariak behera egin zuelako. Horiek erabiltzen zituzten bidaiari bakarrak beharragatik ziren, eta alternatiba hobea aurkitzen zutenek, aukeratu egiten zuten, zerbitzuak 1950eko hamarkadako ikuspegiarekin diseinatuta baitzeuden, ez XXI. mendekoak, kontzesio guztiak duela urte batzuk iraungi baitziren, baina inongo gobernuk ez zituen berritu.

Hori dela eta, Nafarroako Gobernuak Nafarroa Garaiko hiriarteko garraioaren egoera erabat berritzeko plan bat garatzea erabaki zuen, Gipuzkoa eta Bizkaiko arrakasta handiekin parekatuz, bakoitzak bere sarearekin. Horretarako, Nafarroako Bidaiarien Garraiorako Plan Integrala (NBGPI) dazten hasi zen, inplikatutako erakunde eta elkarteekin batera, sarearen estaldura foru komunitateko ia herri guztietara zabaltzeko asmoz.[3]

Plana 2018ko urtarrilean aurkeztu zitzaion Nafarroako Parlamentuari, eta hil berean onartu zen. Nafarroako Gobernuari agindu bat eman zitzaion bere agintepeko autobus-emakida guztiak berritzeko eta erkidegoan garraio publikoa hobetzeko.[4]

Inaugurazioa eta bilakaera

aldatu

2018ko maiatzaren 5ean, Lurralde Kohesioko departamentuaren eta NBGPIren lanarekin bat etorriz, Nafarroako Gobernuak, Garapen Ekonomikoko departamentuaren bidez, lizitaziora atera zuen NAV-001 sare berriaren lehen emakida, Iruñea Soriarekin lotuko zuena, VNA-019 emakida zaharra ordezkatuz.[5]

Azkenik, 2019ko azaroaren 13an, emakida berria jarri zen martxan, Nafarroako Gobernua NBGPIren arabera prestatzen ari den kontzesio serie berriko lehena. Enpresa esleipenduna Conda izan zen, Alsaren filiala. Emakida hori, Iruñea eta Soria artean, NBus markarekin lan egiten duen lehena da, eta, beraz, Nafarroa Garaia Euskal Herriko errepide bidezko hiriarteko garraio-sare bat duen azken herrialdea da, nahiz eta oraingoz osatu gabe egon.[6][7] Arabak 2015ean egin zuen Araba Busekin[8] eta Ipar Euskal Herriak sare bat izan arren, bere sarea hobetu zuen Transports 64 desagertu eta Txik Txaken Car Express sortu ondoren.[9]

2020ko abuztuan, Bernardo Ziriza Nafarroako Gobernuko Lurralde Kohesiorako kontseilariak iragarri zuen bere departamentuak laster lehiaketara aterako zuela NBus sarerako aurreikusitako hamar emakiden bigarren esleipena: NAV-002, Erdialdeari dagokiona. Kontzesio berrian Orbaibarreko herri ugari agertuko lirateke, orduan garraio publikorik gabe. 3 line nagusiak, 6 eskualdeko lineak eta 7 tokiko lineak sortuko lirateke. Tafallan, gainera, osasunetxeraino zabalduko litzateke zerbitzua, eta Tafallako hiribusa jarriko litzateke.[10]

2021eko maiatzean, Hermanos Arriaga eta Interbus enpresek osatutako Aldi Baterako Enpresa Elkartea NAV-002 emakidaren zerbitzuak 6 urtez emateko aukeratua izan zela iragarri zen. Emakida hori ustiatzen hasteko 2021eko abendua jarri zen epemuga gisa.[11][12]

Hilabete geroago, Nafarroako Gobernuak hirugarren emakida atera zuen lizitaziora: NAV-003, Erriberari dagokiona.[13] Gauza bera gertatu zen handik gutxira Sakanako NAV-004rekin, zehazki irailean.[14]

2022ko martxoaren 23an, azkenean, Erdialdeko NAV-002 emakida jarri zen martxan, zerbitzua ematen zuten lineak ordeztuz.[15]

2023ko martxoaren 1ean, azkenean, Erriberako NAV-003 emakida jarri zen martxan, zerbitzua ematen zuten lineak ordeztuz. Lehiaketa hori Hermanos Arriaga eta Interbus enpresei ere esleitu zitzaien, eta horiek Interes Ekonomikoko Elkarte (A.I.E.) gisa eratu ziren, Nafarroa Garaian modu bateratuan jarduteko eta etorkizunean emakida gehiago eskuratu ahal izateko.[16] NAV-004 emakidari dagokionez (2023ko martxorako ere iragarri zen), ez zen horren inguruko iragarkirik egin, eta, beraz, ez zen zerbitzuan sartu. Burutzapena La Burundesa, S. A. U. enpresari agindu zitzaion.[17] Azkenik, Sakanarako emakida 2023ko maiatzaren 4an inauguratu zen.[18]

Sarearen bilakaera 2019 eta 2023 artean
  •  
    2019ko urrian
  •  
    2022ko martxoan
  •  
    2023ko martxoan
  •  
    2023ko maiatzean

Eragileak

aldatu

Gaur egun, sarea 3 eragileek osatzen dute, eta guztira 4 enpresak osatzen dute.

Eragileak Enpresak Emakidak Lineak Ibilgailuak Erf.
Conda, S. A. Compañía Navarra de Autobuses, S. A. NAV-001 1 3 [7]
Líneas Interurbanas de Navarra, A.I.E. Autobuses Hermanos Arriaga, S. A. NAV-002 15 8 [19]
Interurbana de Autobuses, S. A.
Líneas Interurbanas de Navarra, A.I.E. Autobuses Hermanos Arriaga, S. A. NAV-003 6 15 [20]
Interurbana de Autobuses, S. A.
La Burundesa, S. A. U. La Burundesa, S. A. U. NAV-004 5 4 [21]
? ? NAV-005 ? ? ?
? ? NAV-006 ? ? ?
? ? NAV-007 ? ? ?
? ? NAV-008 ? ? ?
? ? NAV-009 ? ? ?
? ? NAV-010 ? ? ?

Sare berria

aldatu
 
Emakida berrietako mapa

Sareak Nafarroa Garaiko udalerri guztiei eman nahi die zerbitzua, Petilla Aragoiri izan ezik. Izan ere, gaur egun ez dago udalerria seribizatzen duen autobus-linearik, eta, Aragoiko lurraldeko barrendegia denez, han geldialdia duen edozein linek Aragoiko lurraldea zeharkatu beharko luke. Arazoa da garraio-linea batek bi herrialde edo probintzia zeharkatzen baditu, linearen zatirik handiena duen administrazioak administratzen duela, eta, nolanahi ere, Aragoiko Gobernua izango litzatekeela, ezinbestean, bere kargu hartuko lukeena.[22]

Nafarroa Garaiari ez ezik, Araba, Gipuzkoa, Lapurdi eta Nafarroa Beherea euskal herrialdeei eta espainiar Errioxa, Soria eta Zaragoza eta frantziar Bearno probintziei ere ematen die zerbitzua.

Sare berriak 10 emakida ditu, eta Nafarroako Gobernuak diseinatu ditu, Nafarroa Garaiko biztanleguneen % 100i estaldura emateko. Aurrekoek ez bezala, emakida berriek linea asko dituzte, NAV-001 emakidaren ildo bakarretik NAV-002 emakidaren 16 lineetara doazenak. Pixkanaka-pixkanaka jarri ziren zerbitzuan, 2019ko azaroaren 13tik, NAV-001 emakida zerbitzuan jarri zenetik 2023ra arte, NAV-003 eta NAV-004 emakidak egin ziren arte.

Emakida Izena Hasiera Lineak Eragilea
NAV-001 Iruñea ↔ Soria 2019ko azaroaren 13a 2 Conda, S. A.
NAV-002 Iruñea ↔ Tafalla (Erdialdea) 2022ko martxoaren 23a 16 Líneas Interurbanas de Navarra, A. I. E.
NAV-003 Iruñea ↔ Tutera ↔ Zaragoza (Erribera) 2023ko martxoaren 1ean 6 Líneas Interurbanas de Navarra, A. I. E.
NAV-004 Iruñea ↔ Altsasu ↔ Gasteiz (Sakana) 2023ko maiatzaren 4an 5 La Burundesa, S. A.U.
NAV-005 Iruñea ↔ Lizarra ↔ Logroño (Estellerria) ? ? ?
NAV-006 Iruñea ↔ Irun (Baztan-Bidasoa) ? ? ?
NAV-007 Iruñea ↔ Donostia (Larraun-Leitzaldea) ? ? ?
NAV-008 Iruñea ↔ Mendebaldeko Pirinioak ? ? ?
NAV-009 Iruñea ↔ Ekialdeko Pirinioak ? ? ?
NAV-010 Iruñerria ? ? ?

Lineak

aldatu

Hiru line mota daude: nagusiak, eskualdekoak eta tokikoak. Line nagusiak Iruñea eta "hiri nagusiak" lotzeko diseinatuta daude, horiek baitira Nafarroako eskualdeetarako erreferentziazko hiriak. Eskualdeko lineak "hiri nagusi" horiek eskualdeko herriekin lotzen dituzte, eta Iruñera joateko enborreko lineekin konektatzea ahalbidetzen dute. Azkenik, tokiko lineak eskariaren araberako lineak dira, eta, beraz, noizbehinka baino ez dute zerbitzua. Herri txikiak beren erreferentziazko herriekin lotzen dituzte, "hiri nagusiak" izan daitezkeenak edo ez.

Linea Ibilbidea Hasiera Emakida Eragilea Luzera (km) Geldialdiak
300 Iruñea ↔ Soria (errepidetik) 2019ko azaroaren 13a NAV-001 Conda 196,0 13
301 Iruñea ↔ Soria (autobidetik) 2019ko azaroaren 13a NAV-001 Conda 203,9 7
320 Iruñea ↔ Tafalla (autobidetik) 2022ko martxoaren 23a NAV-002 Líneas Interurbanas de Navarra 37,0 6
321 Iruñea ↔ Erriberri 2022ko martxoaren 23a NAV-002 Líneas Interurbanas de Navarra 43,6 8
322 Iruñea ↔ Tafalla (errepidetik) 2022ko martxoaren 23a NAV-002 Líneas Interurbanas de Navarra 39,4 14
323 Tafalla ↔ Martzilla 2022ko martxoaren 23a NAV-002 Líneas Interurbanas de Navarra 42,2 6
324 Tafalla ↔ Figarol 2022ko martxoaren 23a NAV-002 Líneas Interurbanas de Navarra 48,3 11
325 Tafalla ↔ Arrada 2022ko martxoaren 23a NAV-002 Líneas Interurbanas de Navarra 37,2 8
326 Tafalla ↔ Mendigorria 2022ko martxoaren 23a NAV-002 Líneas Interurbanas de Navarra 20,1 3
327 Tafalla ↔ Miranda Arga 2022ko martxoaren 23a NAV-002 Líneas Interurbanas de Navarra 28,8 5
328 Tafallako hiribusa 2022ko martxoaren 23a NAV-002 Líneas Interurbanas de Navarra 2,5 4
329 Tafalla ↔ Etxague 2022ko martxoaren 23a NAV-002 Líneas Interurbanas de Navarra 21,6 7
330 Tafalla ↔ Olleta 2022ko martxoaren 23a NAV-002 Líneas Interurbanas de Navarra 15,6 5
331 Tafalla ↔ Uzkita 2022ko martxoaren 23a NAV-002 Líneas Interurbanas de Navarra 24,6 8
332 Tafalla ↔ Amatriain 2022ko martxoaren 23a NAV-002 Líneas Interurbanas de Navarra 21,4 6
333 Tafalla ↔ Uxue 2022ko martxoaren 23a NAV-002 Líneas Interurbanas de Navarra 18,5 3
334 Gares ↔ Arrizabalaga 2022ko martxoaren 23a NAV-002 Líneas Interurbanas de Navarra 25,9 10
335 Larraga ↔ Lerin 2022ko martxoaren 23a NAV-002 Líneas Interurbanas de Navarra 13,9 2
350 Iruñea ↔ Tutera ↔ Zaragoza 2023ko martxoaren 1a NAV-003 Líneas Interurbanas de Navarra 177,5 23
351 Tutera ↔ Tarazona 2023ko martxoaren 1a NAV-003 Líneas Interurbanas de Navarra 32,2 11
352 Tutera ↔ Fiteroko bainuetxeak 2023ko martxoaren 1a NAV-003 Líneas Interurbanas de Navarra 35,0 7
353 Tutera ↔ Cortes 2023ko martxoaren 1a NAV-003 Líneas Interurbanas de Navarra 38,9 8
354 Tutera ↔ Alesbes 2023ko martxoaren 1a NAV-003 Líneas Interurbanas de Navarra 32,3 6
355 Tutera ↔ Milagro 2023ko martxoaren 1a NAV-003 Líneas Interurbanas de Navarra 36,5 7
370 Iruñea ↔ Gasteiz (herrietatik) 2023ko maiatzaren 4a NAV-004 La Burundesa 115,9 26
371 Iruñea ↔ Gasteiz (zuzenekoa) 2023ko maiatzaren 4a NAV-004 La Burundesa 100,3 3
372 Iruñea ↔ Ziordia 2023ko maiatzaren 4a NAV-004 La Burundesa 66,7 21
373 Irurtzun ↔ Satrustegi 2023ko maiatzaren 4a NAV-004 La Burundesa 18,4 9
374 Altsasu ↔ Lizarraga 2023ko maiatzaren 4a NAV-004 La Burundesa 27,1 5

Sarearen mapa

aldatu

Jarraian, gaur egun indarrean dauden emakida berri guztien ildoak jasotzen dituen mapa ageri da, linea nagusiak, eskualdekoak eta tokikoak bereizita:

 
 
 

Flota

aldatu

NBus sarekin lan egiten duten ibilgailu guztiek Nafarroako Gobernuaren gidalerro hauek jarraitzen dituzte homogeneizatzeko. Gaur egun, 26 ibilgailu aritzen dira sarean, eta honako hauek dira:

Eraikitzailea Eredua Zenbakia Urtea Luzera (m) Ateak Edukiera Emakidak
Sunsundegui Sc5 3 2019 10,350 2 43 NAV-001
Irizar i3 Ie 4 2021 12,050 2 51 NAV-002
Iveco Sunrise Semiurban 4 2021 8,468 2 24 NAV-002
Irizar i3 Ie 4 2022 12,050 2 51 NAV-003
Iveco Sunrise Semiurban 11 2022 8,468 2 24 NAV-003
Sunsundegui Sc5 3 2022 10,350 2 63 NAV-004
Sunsundegui - 1 2022 - 2 16 NAV-004

Tarifak

aldatu

Nafarroako Hiriarteko Garraioaren tarifak egindako distantziaren arabera zehazten dira; gutxieneko prezioa 1,35 €. Txartelaren prezioak plaza bat bermatzen du ibilbidea egiteko behar diren linea guztietan, hau da, line-aldaketak barne.

Horrela, Nafarroako Gobernuak emakida bakoitzeko kilometro bakoitzeko gehieneko kostua zehazten du, txikiagoa edo berdina izan daitekeena, baina inoiz ez handiagoa. Prezio hori orientagarria baino ez da, azken prezioari eragiten dioten iraunkortasun-irizpideetara ere egokitu behar baita.

Emakida Gehieneko kostua Erf.
autobidetik bertzeak
NAV-001 0,083086 €/km 0,083086 €/km [23]
NAV-002 0,081201 €/km 0,080016 €/km [24]
NAV-003 0,080016 €/km 0,083018 €/km [25]
NAV-004 0,080016 €/km 0,080016 €/km [26]
NAV-005 zehazteke zehazteke ?
Emakida Gehieneko kostua Erf.
autobidetik bertzeak
NAV-006 zehazteke zehazteke ?
NAV-007 zehazteke zehazteke ?
NAV-008 zehazteke zehazteke ?
NAV-009 zehazteke zehazteke ?
NAV-010 zehazteke zehazteke ?

Prezio finkoak bi deskontu posible baino ez ditu: familia ugaria eta gazte-txartela. Familia ugariaren txartela aurkeztuz gero, prezio finkoaren % 20ko (orokorra) edo % 50eko (berezia) deskontua lor daiteke. Nafarroako Gobernuaren garraio-txartel gaztea aurkezten bada, prezio finkoaren gaineko % 20ko deskontua emango da. Bi aukerak konbinagarriak dira, eta % 70eko deskontua ere lor daiteke.

Ordainbideak

aldatu

Gaur egun, honako ordainleku hauek onartzen dira sarean:

Ordainlekua Ordainbideak
Eskudirua Kreditu-txartela Herritar Txartela MUGI BAT BARIK
Autobusetan            
Autosalmenta makinak            
Interneten            
Telefono bidez            
Txarteldegiak            

Nafarroako Gobernua txartel bakar intermodal bat garatzen ari da Nafarroa Garaian, BARIK Bizkaian eta MUGI Gipuzkoan bezala. Hori dela eta, autobus guztiak prest daude etorkizunean kontakturik gabeko ordainbide bat ezartzeko. Hasieran, haririk gabeko txartela izango da.[27]

Bernardo Ziriza Lurralde Kohesioko kontseilariak 2021eko martxoan Nafarroako Parlamentuan adierazi zuenez, bere departamendua txartel bakarra instalatzeko aukera ezberdinak aztertzen ari zen.[28] Prozesu hori, gutxienez, 2016koa da, garai hartan Ekonomiaren Garapen eta Lehiakortasun sailburu zen Manu Aierdik garraio-txartel bakarraren proiektua lizitatuko zuela iragarri zuenean. 2017rako prest egongo zela esan zuen, inoiz gertatu ez zena.[29]

Nolanahi ere, txartela bateragarria izango da Herritar Txartelarekin, Eskualdeko Hiri Garraioaren autobusetan erabiltzen denarekin, baldin eta ez bada hobetzen. Era berean, hainbat ahotsek eskatu dute Nafarroa Garaia osorako ordainketa bakarreko bide berriaren ezarpena aprobetxatzea Euskal Herriko gainerako herrialdeetako txartelak ere onartzeko, hala nola MUGI, BAT eta BARIK.[30]

Bidaiariak

aldatu

Hemen jasotzen dira Nafarroako Gobernuak garraio-linea ezberdinetako bidaiariei buruz emandako datuak. Emakida berrien arabera multzokatzen dira, nahiz eta berritu aurreko egunetan emakida-zerbitzu zaharraren datuak apuntatzen diren:

NAV-001 NAV-002 NAV-003 NAV-004 NAV-005 NAV-006 NAV-007 NAV-008 NAV-009 NAV-010 Guztira
2013 126 113 806 318 668 757 ? ? ? ? ? ? ? 1 601 188
2014 104 390 781 018 667 415 ? ? ? ? ? ? ? 1 552 823
2015 105 061 777 315 519 278 ? ? ? ? ? ? ? 1 401 654
2016 105 204 771 635 627 651 ? ? ? ? ? ? ? 1 504 490
2017 110 600 765 902 621 489 273 844 ? ? ? ? ? ? 1 771 835
2018 114 481 783 052 630 108 275 970 ? ? ? ? ? ? 1 803 611
2019 119 193 ? 659 900 271 347 ? ? ? ? ? ? 1 050 440
2020 ? ? 452 239 105 849 ? ? ? ? ? ? 558 088
2021 ? ? ? ? ? ? ? ? ? ? ?

Oharra: atal hau osatu gabe dago.

Sare zaharra

aldatu

Sare zaharra 39 emakidetan egituratzen zen, XX. mendearen erdialdean Nafarroako Foru Aldundiak garraio konpainia ezberdinei emandakoak. Hasiera batean, 30 urte inguru irauteko pentsatuak izan ziren, baina hauek bi alditan berrituak izan ziren, sekula iritsi ez ziren kontzesio berri batzuk idazteko zain. Pixkanaka desagertu ziren, Nafarroako Gobernuak prestatutako 10 emakida berriak zerbitzuan jarri ahala.

Sare zaharreko lineak
Linea Ibilbidea Emakida Luzera (km) Geldialdiak Eragilea
01a Otsagabia ↔ Iruñea VNA-001 85,4 16 Conda, S. A.
01b Orbaizeta ↔ Iruñea VNA-001 68,7 21 Conda, S. A.
01c Irunberri ↔ Iruñea VNA-001 49,8 19 Conda, S. A.
01d Sagaseta ↔ Iruñea VNA-001 16,3 10 Conda, S. A.
02 Kaseda ↔ Iruñea VNA-002 63,4 14 La Veloz Sanguesina, S. A.
02b Zangoza ↔ Tafalla VNA-002 43,9 8 La Veloz Sanguesina, S. A.
03 Iruñea ↔ Donostia VNA-003 91,2 24 Conda, S. A.
04 Iruñea ↔ Gasteiz VNA-004 103 29 La Burundesa, S. A.
04b Altsasu ↔ Gasteiz VNA-004 52,5 8 La Burundesa, S. A.
05 Iruñea ↔ Zarautz VNA-005 92,3 3 La Burundesa, S. A.
06 Uztarroze ↔ Iruñea VNA-006 117 15 La Tafallesa, S. A.
10a Logroño ↔ Donostia ↔ Irun VNA-010 194 7 La Estellesa, S. A.
10b Kalagorri ↔ Iruñea ↔ Donostia VNA-010 189 11 La Estellesa, S. A.
11a Iruñea ↔ Logroño VNA-011 93,2 22 La Estellesa, S. A.
11b Iruñea ↔ Kalagorri VNA-011 101 13 La Estellesa, S. A.
11c Sartaguda ↔ Iruñea VNA-011 94,5 15 La Estellesa, S. A.
11d Arranotegi ↔ Lizarra VNA-011 49,5 13 La Estellesa, S. A.
11e Mendabia ↔ Lizarra VNA-011 38,6 4 La Estellesa, S. A.
11f Mues ↔ Azedo ↔ Lizarra VNA-011 28,2 10 La Estellesa, S. A.
11g Mues ↔ Otiñano ↔ Lizarra VNA-011 52,4 17 La Estellesa, S. A.
12 Larragoa ↔ Lizarra VNA-012 41,2 19 Autocares Urederra, S. L.
16a Lodosa ↔ Kaparrotsu ↔ Iruñea VNA-016 136 25 Conda, S. A.
16b Lodosa ↔ Funes ↔ Iruñea VNA-016 109 10 Conda, S. A.
17 Iruñea ↔ Tutera VNA-017 97,9 3 Conda, S. A.
18 Faltzes ↔ Tutera VNA-018 70,5 10 Conda, S. A.
19 Iruñea ↔ Soria VNA-019 200 11 Conda, S. A.
20 Doneztebe ↔ Iruñea VNA-020 76,4 26 Leizaran Mariezcurrena, Hnos; S. L.
20b Leitza ↔ Areso VNA-020 4,4 2 Leizaran Mariezcurrena, Hnos; S. L.
21 Aguilar del Río Alhama ↔ Tutera VNA-021 50,0 11 Automóviles Río Alhama, S. A.
22a Eugi ↔ Iruñea VNA-022 28,1 18 Autocares Artieda, S. A.
22b Jaurrieta ↔ Iruñea VNA-022 77,3 32 Autocares Artieda, S. A.
23 Barillas ↔ Tutera VNA-023 18,3 7 Alberto Elcarte, S. L.
24 Tafalla ↔ Iruñea VNA-024 64,4 10 Conda, S. A.
25a Azagra ↔ Logroño VNA-025 61,9 12 Autobuses Jiménez, S. L.
25b Sartaguda ↔ Logroño VNA-025 40,6 7 Autobuses Jiménez, S. L.
26a Nobiellas ↔ Tutera VNA-026 40,8 9 Conda, S. A.
26b Aturiazu ↔ Tutera VNA-026 31,6 7 Conda, S. A.
27a Iruñea ↔ Donostia VNA-027 106 31 La Baztanesa S. A.
27b Elizondo ↔ Iruñea VNA-027 64,9 17 La Baztanesa S. A.
27c Elizondo ↔ Donostia VNA-027 72,3 18 La Baztanesa S. A.
28a Iruñea ↔ Donostia VNA-028 110 27 La Burundesa, S. A.
28b Iruñea ↔ Irun VNA-028 92,5 23 La Burundesa, S. A.
28c Lesaka ↔ Donostia VNA-028 41,3 13 La Burundesa, S. A.
29 Biana ↔ Logroño VNA-029 11,9 5 La Vianesa, S. A.
30a Goizueta ↔ Hernani VNA-030 26,3 10 Ceferino Apezetxea eta Semeak, S. L. L.
30b Goizueta ↔ Leitza VNA-030 19,6 4 Ceferino Apezetxea eta Semeak, S. L. L.
31 Funes ↔ Kalagorri VNA-031 36,4 7 Autobuses Olloqui, S. L.
32 Aldatz ↔ Iruñea VNA-032 39,1 16 La Mugiroarra, S. L.
32b Baraibar ↔ Lekunberri VNA-032 4,4 3 La Mugiroarra, S. L.
32c Madotz ↔ Lekunberri VNA-032 9,4 6 La Mugiroarra, S. L.
35a Iruñea ↔ Oltza ↔ Iruñea VNA-035 39,7 19 La Pamplonesa, S. A.
35b Iruñea ↔ Etxauri ↔ Iruñea VNA-035 45,7 20 La Pamplonesa, S. A.
35c Ororbia ↔ Iruñea VNA-035 13,1 5 La Pamplonesa, S. A.
35d Etxauri ↔ Iruñea VNA-035 18,1 7 La Pamplonesa, S. A.
35e Bidaurreta ↔ Iruñea VNA-035 23,3 10 La Pamplonesa, S. A.
36 Garraioaren Hiria ↔ Iruñea VNA-036 10,8 3 Conda, S. A.
37 Ubarmin Klinika ↔ Iruñea VNA-037 10,3 10 La Burundesa, S. A.
38 Azagra ↔ Kalagorri VNA-038 20,7 6 Autobuses Parra, S. L.
39 Sartaguda ↔ Kalagorri VNA-039 45,3 12 Autobuses Parra, S. L.
42 Kalagorri ↔ Gasteiz VNA-042 112 27 Autobuses Pinedo, S. A.
55 Iruñea ↔ Arraitz-Orkin ↔ Iruñea VNA-055 75,0 49 La Pamplonesa, S. A.
Linea Ibilbidea Emakida Luzera (km) Geldialdiak Eragilea
TAXI Arteta ↔ Iruñea ? 44,7 16 ?
TAXI Beraskoain ↔ Iruñea ? 23,5 11 ?
TAXI Arranotegi ↔ Urantzia ? 32,4 11 ?
TAXI Aizkoa ↔ Lizarra ? 28,7 8 ?
TAXI Genbe ↔ Lizarra ? 31,6 12 ?
TAXI Garisoain ↔ Lizarra ? 25,8 10 ?
TAXI Muniain ↔ Lizarra ? 51,0 14 ?

Erreferentziak

aldatu
  1. ↑ (Gaztelaniaz) Echarte, Sagrario Zabaleta. (2023-09-27). «Nafarroako Gobernuak Baztanerako, Pirinioetarako eta Lizarrarako autobus emakidak lizitatuko ditu 2024an» Diario de Noticias de Navarra (Noiz kontsultatua: 2023-12-31).
  2. ↑ (Gaztelaniaz) NAV-002 Iruña-Tafalla emakida. «Irudi Koorporatiboa» Nafarroako Gobernuaren Lurralde Kohesioko departamentua.
  3. ↑ (Gaztelaniaz) 2010eko Memoria. «Nafarroako Bidaiarien Garraiorako Plan Integrala» Nafarroako Gobernuko Lan Publiko, Garraio eta Komunikazioetako departamentua.
  4. ↑ (Gaztelaniaz) SER, Cadena. (2019-06-18). «Autobusa, mugikortasun iraunkorrerako alternatiba» Cadena SER (Noiz kontsultatua: 2021-07-26).
  5. ↑ (Gaztelaniaz) «Iruñea eta Soria arteko errepideko erabilera orokorreko bidaiarien garraio publiko erregularreko zerbitzua (NAV-001)» Nafarroako kontratazio ataria.
  6. ↑ (Gaztelaniaz) «Autobusak berritu eta Iruña-Soria linearen prezioa jaitsi egin da» NAVARRA INFORMACIÓN 2019-10-10 (Noiz kontsultatua: 2021-07-26).
  7. ↑ a b (Gaztelaniaz) EFE. (2019-11-12). «Iruñea eta Soria arteko garraio publikoaren zerbitzu berria abian da» diariodenavarra.es (Noiz kontsultatua: 2021-07-26).
  8. ↑ (Gaztelaniaz) «Aiaraldeko autobusetako line berria 22 astelehena hasiko da» Gasteiz Hoy 2015-06-19 (Noiz kontsultatua: 2020-04-30).
  9. ↑ (Frantsesez) «Euskal Herria: Txik txak sareak garraiobide guztiak estaliko ditu.» Ville, Rail et Transports 2019-04-01 (Noiz kontsultatua: 2020-04-06).
  10. ↑ «Iruña-Tafalla autobus kontzesio berriak garraio publikorik ez zuten 18 herri zerbitzatuko ditu» www.noticiasdenavarra.com (Noiz kontsultatua: 2021-01-19).
  11. ↑ (Gaztelaniaz) Noticias, Diario de. «Tafalla-Iruñea: autobus publikoa Orbaibarreko 18 herritara iritsiko da, lehenago deskonektatuta» www.noticiasdenavarra.com (Noiz kontsultatua: 2021-07-26).
  12. ↑ (Gaztelaniaz) Noticias, Diario de. «Autobus bat Orbaibarrentzat» www.noticiasdenavarra.com (Noiz kontsultatua: 2021-07-26).
  13. ↑ Albisteak. (2021-06-03). «Tuterak Iruñearekiko konexioa hobetuko du autobus bidezko garraio publikoko zerbitzu berrien bidez» Nafarroako Gobernua.
  14. ↑ «Iruña eta Gasteiz arteko garraio publikoa, orain arte zerbitzurik ez zuten, Sakana eta Arakil Ibarreko 12 herrietara iritsiko da» Nafarroa.eus (Noiz kontsultatua: 2023-03-02).
  15. ↑ «Tafalla eta Iruña arteko autobus zerbitzu berria martxoaren 23an hasiko da martxan» Nafarroa.eus (Noiz kontsultatua: 2022-03-14).
  16. ↑ «Ingurumenaren aldetik eraginkorragoak diren, egokituta dauden eta Wifi sarea duten hamabost autobus berrirekin Erriberako garraio publikoko zerbitzu berrien bidaia-kalitatea hobetuko da» Nafarroa.eus (Noiz kontsultatua: 2023-03-02).
  17. ↑ (Gaztelaniaz) Gatón, Natxo. (2022-12-13). «Gasteiz-Agurain autobusak 18 konexio izango ditu egunero martxotik aurrera» Gasteiz Hoy (Noiz kontsultatua: 2023-03-02).
  18. ↑ (Gaztelaniaz) 20minutos. (2023-05-03). «Iruña-Gasteiz autobus zerbitzu berria: bost linea, 12 eserleku gehiago eta deskontuak txarteletan» www.20minutos.es - Últimas Noticias (Noiz kontsultatua: 2023-12-31).
  19. ↑ (Gaztelaniaz) Iruñea, Europa Press. (2020-08-18). «Iruñea-Tafalla autobus emakida berriak garraio publikorik ez zuten 18 herri zerbitzatuko ditu» diariodenavarra.es (Noiz kontsultatua: 2021-07-26).
  20. ↑ (Gaztelaniaz) Manrique, Jesús. (2022-11-17). «Tuterak eta Iruñeak 4 hilabete barru hobetuko dute autobus-konexioa» diariodenavarra.es (Noiz kontsultatua: 2022-12-23).
  21. ↑ «Sakanako autobus zerbitzu publiko berriak maiatzaren hasieran jarriko dira abian, Irurtzun eta Altsasun erreferentziako herri gisa» Nafarroa.eus (Noiz kontsultatua: 2023-03-28).
  22. ↑ (Gaztelaniaz) Pons Izquierdo, Juan José. «Bidaiarien hiriarteko garraio publikoaren lurralde-irisgarritasuna Nafarroan» Nafarroako ekonomiari buruzko bosgarren biltzarra.
  23. ↑ NAV-001. «1. Eranskina: ustiapen proiektua» Nafarroako Gobernuaren Lurralde Kohesioko departamentua.
  24. ↑ NAV-002. «1. Eranskina: ustiapen proiektua» Nafarroako Gobernuko Lurralde Kohesioko departamentua.
  25. ↑ NAV-003. «1. Eranskina: ustiapen proiektua» Nafarroako Gobernuko Lurralde Kohesioko departamentua.
  26. ↑ NAV-004. «1. Eranskina: ustiapen proiektua» Nafarroako Gobernuko Lurralde Kohesioko departamentua.
  27. ↑ NAV-002. «5. Eranskina: modernizazio sistemaren operatiboa» Nafarroako Gobernuko Lurralde Kohesioko departamentua.
  28. ↑ (Gaztelaniaz) Press, Europa. (2021-03-25). «Nafarroa garraio txartel bakarra ezartzeko alternatibak aztertzen ari da» diariodenavarra.es (Noiz kontsultatua: 2021-07-26).
  29. ↑ (Gaztelaniaz) Nexotrans. «Nafarroak garraio txartel bakarraren proiektua lizitatuko du» Nexotrans (Noiz kontsultatua: 2021-07-26).
  30. ↑ Albisteak. (2021-03-16). «Nafarroa eta Araba elkarlanean arituko dira bi herrialdeak lotzen dituen garraio publikoa hobetzeko» Nafarroako Gobernua.

Ikus, gainera

aldatu

Kanpo estekak

aldatu
"https://eu.wikipedia.org/w/index.php?title=Nafarroako_Hiriarteko_Garraioa&oldid=9536812"(e)tik eskuratuta