Ramon Ortiz de Zarate
Ramon Ortiz de Zarate Martinez de Galarreta (Arriola, Asparrena, Araba, 1817ko martxoaren 22a - Gasteiz, Araba, 1883ko abuztuaren 12a) idazlea, legegizona, hizlaria eta euskaltzalea izan zen.[1] Gasteizen egin zituen Zuzenbide ikasketak. Arabako kontseilari izendatu zuten 1845. urtean, eta Gasteizko udaleko prokuradore sindiko nagusi 1848an.
| Ramon Ortiz de Zarate | |||||
|---|---|---|---|---|---|
 | |||||
1861 - 1864
Barrutia: Araba | |||||
| Bizitza | |||||
| Jaiotza | Asparrena, 1817ko martxoaren 22a | ||||
| Herrialdea |  Araba, Euskal Herria | ||||
| Heriotza | Gasteiz, 1883ko abuztuaren 12a (66 urte) | ||||
| Hobiratze lekua | Santa Isabel hilerria | ||||
| Hezkuntza | |||||
| Heziketa | Sancti Spiritus Unibertsitatea Zaragozako Unibertsitatea Unibertsitate Zentrala | ||||
| Hizkuntzak | gaztelania | ||||
| Jarduerak | |||||
| Jarduerak | politikaria, legelaria eta iritzi-kazetaria | ||||
| Lan nabarmenak | |||||
.svg){kind=small}
Consejos al pueblo vascongado argitaratzen hasi zen, Arabako tradizioak jendaurrean ezagutarazteko asmoz. Harrera ezin hobea aurkitu zuen argitalpen horrek Ortiz de Zarateren herrikideen aldetik, baina foruen aldeko idatziok kontserbadoreen eta Madrilgo Gobernu Zentralaren haserrea piztu zuten, eta argitalpenak erretiratzeko agindua eman zioten. Halere, ez zuen etsi, eta Hego Euskal Herriko foruen eta interesen alde egin zuen. El Boletín del Comercio Bilboko aldizkarian hasi zen idazten.
1858. urtean Gorteetako diputatu hautatu zuten, eta 1861ean Arabako diputatu nagusi izendatu zuen Herrialdeko Batzordeak. 1867. urtean El Fuerista egunkaria sortu zuen. Arabako matxinada karlistaren ondorioz, 1873. urtearen hasieran Frantziara erbesteratu zen, eta Karlos erregegaiaren mendeko jarri zen. 1874. urtean Oñatiko Auzitegi Goreneko lehendakari izendatu zuten.
Gerraren amaieran (1876), foruak indargabetu zituztenean, haien defentsan hasi zen berriro ere, eta diputatu hautatua izan ondoren, Madrila jo zuen. Baina Gorteetan zela, konortea galdu zuen eta Gasteiza itzuli behar izan zuen. Handik gutxira hil zen, 66 urte zituela. Lan ugari idatzi zituen, lege eta historia gaien ingurukoak.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ (Gaztelaniaz) Auñamendi Eusko Entziklopedia. .
Kanpo estekak
aldatu
Datuak: Q21333955
Multimedia: Ramón Ortiz de Zárate / Q21333955
