El Villar de Arnedo

El Villar de Arnedo
	Errioxako udalerria
	Irudi gehiago
Administrazioa
Estatu burujabe	Espainia
Autonomia	Errioxa
Alkatea	Sara García Ruiz
Izen ofiziala	Villar de Arnedo, El
Posta kodea	26511
INEk ezarritako kodea	26170
Herriburua	El Villar de Arnedo (en)
Geografia
Koordenatuak	42°19′14″N 2°05′43″W / 42.320555555556°N 2.0952777777778°W
Azalera	18,25 km²
Altuera	429 m
Mugakideak	Arnedo, Tudelilla, Ocón, Ausejo eta Pradejón
Demografia
Biztanleria	616 (2023); 23 (2022)
Dentsitatea	34 bizt/km²
Informazio gehigarria
Ordu eremua	UTC+01:00
Matrikula	LO
	elvillardearnedo.org

El Villar de Arnedo Errioxako udalerri bat da, 2005ean 651 biztanle zituena. Mahastiak, almendrondoak, olibondoak eta laboreak lantzen dituzte.

Bilakaera historikoa

Adituek diotenez, El Villar de Arnedo oso-oso zaharra da. Herri hura, hots, El Villar de Arnedo, Erdi Aroan sortu zuten; Arnedoko kolonoek, hain zuzen ere. Sortu ondoren, Fuero Arnediano deitu zuten. Fernandez de Velascotarren jaurerrian sartuta zegoen.

1689ko abuztuaren 15an, Karlos II.a Espainiakoak hiribildu izendatu zuen. Ordutik 1775. urte arte Burgosko probintziakoa izan zen. Handik aurrera, 1883. urte arte, Soriako probintzian izan zen. Urte hartan, Logroñoko probintzian sartu zuten, eta geroztik Errioxakoa da.

Nola heldu

El Villar de Arnedora heltzeko, N-232 eta L-123 dira errepide nagusiak.

Badaude beste herri batzuk El Villar de Arnedoren ondoan daudenak. Hauexek dira: Arnedo, Calahorra, Alfaro, Ausejo, Logroño eta Haro.

Ondare arkitektonikoa

ANUNCIACION DE LA SANTA MARIA ELIZA: XVI.mendean harriz egin zuten. Oraingo Anunciación Aste Santuan ateratzen dute.
CRISTO DE LOS BUENOS TEMPORALES BASELIZA: XVII.mendean adreiluz egin zuten. Egunero, kanpaiak goizez, eguerdiz eta seietan jotzen dute.
EL CHOZO DEL CURA: XIX.mendean. Atearen gainean San Isidroren irudia dago.
LA FUENTE: 1923urtean eraiki zuen Olabarriak.
LA AMPUDIA: Harriz egin zuten. 1948 urtean iturri guztiak sikatu ziren, iturri hau izan ezik. Beraz, Udalak ate bat eta giltza bat jarri zuen eta gauez ixten zuten.
LA CAPILLA DEL PILAR: Kapera hura hondatu zuten errepide bat egin zutelako.
UDALETXEA: Herriko plazan dago. Udaleko eraikinean hauxe dago jarrita: «ARNEDOS Y MERINOS DE PESQUERA 1649».
MEDIKUAREN ETXEA: 1953urtean ateak ireki zituzten.

Jaiak

El Villar de Arnedoko biztanleek bi festa nagusi dituzte:

Andre Maria Martxokoaren jaia (fiesta de Nuestra Señora de la Anunciación), martxoaren 25ean.
Denborale Onen Kristo Santuaren jaia (fiesta del Bendito Cristo de los Buenos Temporales), irailaren 14an.