Aberdeenshire

Aberdeenshire
Erresuma Batua
Administrazioa
Estatu burujabe	Erresuma Batua
Herrialdea	Eskozia
ISO 3166-2	GB-ABD
Hiriburua	Aberdeen
Gobernuburua	Aberdeenshire Council (en)
Geografia
Koordenatuak	57°09′04″N 2°07′23″W
Azalera	6.312,5814 km²
Demografia
Biztanleria	261.210 (2019) −260 (2018)
Dentsitatea	41,38 bizt/km²
aberdeenshire.gov.uk

Aberdeenshire (gaeleraz Siorrachd Obar Dheathain) Eskoziako 32 konderrietako bat da. Gaur egun, konderri honek Aberdeen hiria bere barnean ez du hartzen nahiz eta bere egoitzan administratiboak bertan egon.

Mugakideak

Hegoaldetik Angus eta Perth eta Kinross konderriekin mugatzen du eta mendebaldetik berriz Highland eta Moray konderriekin.

Historia

Aintzinarotik populatua izan da eta Neolito zein Brontze Aroko aztarna ugari aurkitu dira bertan. K.a. 2000 urtearen inguruan iritsi omen ziren lehenengo populazioak eta muinoetan gotorlekuak eraiki zituzten. K.o. I mendean Taexali leinua bizi zen hemen baina 800-900 urtetik aurrera Piktoak dira nagusi. Kristautasuna goiz iritsi zen eta monasterio zeltak eraiki ziren.

Aberdeenshire eskualdeak eskoziar leinuen arteko istilu ugari bizi izan zituen, XV eta XVII mendeen artean erlijioen arteko borrokak eta jakobiten matxinadak.

Gaur egungo udalerriaren oinarria Aberdeeneko konderria da. 1973an banaketa administratibo berria egin zen. Orduan Aberdeen hiria banatzea erabaki zen eta Aberdeen konderriari, Kincardineshire konderria eta Banffshire konderriaren ipar-ekialdea batu zitzaizkion.

Herriak

Herri handienak

1. Peterhead / Ceann Phàdraig (17.790 biztanle)
2. Fraserburgh / A' Bhruaich (12.540 bizt.)
3. Inverurie / Inbhir Uraidh (11.529 bizt.)
4. Westhill (12.540 bizt.)
5. Stonehaven / Cala na Creige (10.820 bizt.)

Herri guztiak

Alford Ballater Banchory Banff Blackburn Boddam Chapelton Ellon Fraserburgh

Huntly Insch Inverbervie Inverurie Kemnay Kintore Laurencekirk Macduff Maud

Portlethen Peterhead Rosehearty Stonehaven Stuartfield Turriff Westhill

Politika

19 barrutitan 68 zinegotzi aukeratzen dira. Hona hemen 2012ko hauteskundetako emaitzak:

Alderdi politiko	Zinegotziak
Eskoziako Alderdi Nazionala	27
Alderdi Kontserbadorea	14
Alderdi Liberal Demokrata	13
Alderdi Independientea	11
Eskoziako Laboristak	2
Eskoziako Berdeak	1

Ekonomia

Tradizionalki lehenengo sektorean oinarrituriko ekonomia izan du, nekazaritza, arranta eta basogintza) baina azken 40 urtetan petrolioari loturiko industria garatu du eta populazioa nabarmen handitu da.

Ondasun nabarmenak

• 
  Balmoral gaztelua.
• 
  Dunnottar gaztelua.
• 
  Fetteresso gaztelua.
• 
  Peterhead.
• 
  Fraserburgh.
• 
  Stonehaven.
• 
  Dee ibaia (Cairngorms Parke Nazionala).
• 
  Forvieko dunak.
• 
  Strathbegeko aintzira.
• 
  Don ibaia.
• 
  Lochnagar mendia (1.155m).

Kanpo estekak

• Datuak: Q189912
• Multimedia: Aberdeenshire / Q189912