Aixerrota

Aixerrota
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Getxo
Koordenatuak	43°21′34″N 3°01′09″W / 43.359322°N 3.019156°W
Historia eta erabilera
Eraikuntza	1727

Aixerrota Galea lurmuturrerako bidean dagoen haize-errota da, Getxoko (Bizkaia) Elexalde auzoan.

Errota 1727an eraiki zen, Bizkaiko Jaurerria XVIII. mendearen hasieran pairatzen ari zen lehortearen ondorioz. Antza denez, Edmundo de Shee (edo O'Shea) irlandarrak altxatu zuen, funtzionatzeko ura behar ez zuen haize-errota lortuta, aberasteko. Dena dela, handik gutxira euriak itzuli ziren eta ur-errotak berriro hasi ziren lanean: denboraren poderioz, Aixerrotakoa erabilpen gabe geratu zen.

Haren arkitektura Bizkaiko beste haize-errotenaren antzekoa da, hots, kono moztuaren forma du, Mantxako haize-errotek ez bezala, zeinak zilindrikoak diren. Bestalde, Mantxako errotak XVI. mendearen bukaeran eraiki zituzten eta Bizkaiko haize-errotak (Getxoko Aixerrota, Artxandakoa, Abadiñoko Azpazar eta Ispasterko Aixeder^[1]) XVIII. mendearen hasieran.

Egun, XX. mende bukaeran eginiko birmoldaketa dela medio, arte galeria bat dauka eta, alboko eraikinean, jatetxe bat.

Azkenik, Elexalde auzoko institutuak (Aixerrota BHI) haize-errotaren izena darama.

Aixerrotari buruzko nobela: Edmundo O'Shea irlandarraren historioa 2012. urteko amaieran nobelatu zuen Pedro Fernández Puig getxotar idazleak, Paúl Fernández de Areilza izenordearekin. Geroago, 2014an, Ediciones Cívicas argitaletxeak paperezko formatoan argitaratu zuen Aixerrota, el legado del irlandés izenburuarekin. Nobela horretan garai hartako zenbait gertakari historiko aipatzen dira, matxinada, besteak beste.