Alejandra Bueno

Alejandra Bueno
	;
Bizitza
Jaiotza	Gasteiz, 1987 (36/37 urte)
Herrialdea	Araba, Euskal Herria
Hezkuntza
Heziketa	Euskal Herriko Unibertsitatea ; Valentziako Unibertsitate Politeknikoa
Jarduerak
Jarduerak	artista eta unibertsitateko irakaslea
	alejandrabueno.art

Alejandra Bueno (Gasteiz, 1987) artista bisuala, ikertzailea eta kultura-kudeatzailea da.

Biografia

Arte Eder gradua gauzatu zuen Euskal Herriko Unibertsitatearen Leioa-Erandioko kanpusean eta Ikusizko Arteei eta Multimediari buruzko masterra egin zuen ondoren Valentziako Unibertsitate Poiteknikoan.^[1] Gainera, artean doktoratua da unibertsitate berean, Experiencias artísticas en el espacio público izenburua duen tesiarekin.^[2]

Bere ibilbide artistikoan zehar, nazioarteko arte erakusketa eta jaialdi ugaritan parte hartu du eta, gaur egun, bideo, argazki eta performance irakaslea da Ekuadorreko Arteen Unibertsitatean.^[1] Gainera, Fem Tour Truck jaialdiaren sortzailea eta zuzendaria da, 2016. urtetik aurrera martxan dagoen bideoarte feministaren inguruko jaialdi ibiltaria. Era berean, Gerrilla Kulturala plataformaren sortzaileetako bat ere bada.^[3] Halaber, esperientzia handia du ikus-entzunezko ekoizpenean eta arte eta teknologia bidezko hezkuntza didaktikoan.

Bere proiektuen baitan, gizartearen eta genero-ikasketen alde eratutako ekimenak nabarmentzen dira, besteak beste. Horrela, artea eraldaketa sozialerako tresna gisa erabiltzea da Alejandra Buenoren xedea.^[4]