Amegrove Club de Remo

Amegrove Club de Remo
Sorrera	1980
Herria	O Grove, Pontevedra
Lehendakaria	Manuel Fandiño Camiña
Entrenatzailea	Diego Cabaleiro
Patroia(k)	Estela Fieiro Otero Jesús Montes Otero
Kolorea(k)	horia eta beltza
Trainerua	Pabliño
Palmaresa	0 Kontxako Bandera 0 TKE Liga 4 Galiziako A Liga 0 Galiziako B Liga 0 Espainiako Txapelketa 0 Galiziako Txapelketa
2023: Liga	3.a (Galiziako B Ligan)
2024	ez
Webgunea	www.facebook.com

Amegroveko trainerua Kontxako Banderarako Sailkapen estropadan, 2010ean.

Amegrove Club de Remo Galiziako Pontevedrako probintziako O Grove herrian dauden bi arraun klubetako bat da, bestea Club de Remo Mecos delarik. Ipar-mendebaldeko Traineruen Ligako azken hiru ekitaldietako txapelduna da.

Historia

1980. urtean herriko muskuilu lantegiak (Asociación de Mexilloeiros “AMEGROVE” de O Grove) bilera egin zuen herrian arraunketa bultzatu asmoz eta 1982. urtean bateletan eta trainerillatan lehiatzen hasi ziren.

Traineru mailan 1996. urteko Espainiako Traineru Txapelketako hirugarren postuarekin jauzia eman zuen Amegrovek, 1999. urtean postua errepikatu zuenean Kontxako Banderaren sailkapen estropadara etorri ziren 10. postua lortuz. 2002an arraunlari eskasia zela eta Rianxorekin batera atera zuen trainerua eta emaitza bikainak izan zituzten elkarrekin, izan ere Espainiako Txapelketan laugarren postua eskuratu baitzuten eta Kontxako Banderara sailkatzear ere izan ziren, 8. postuan gelditu baitziren sailkapen estropadan.

2003. urtean sortu zenetik Galiziako Traineruen Ligan aritu da, 2004, 2005 eta 2006 urteetan bigarren postua lortu zuen. Aipatzekoa da 2006. urtea Espainiako Traineru Txapelketan bigarren izan baitzen eta Teresa Herrera Bandera irabazi baitzuen.

Azken urteak bikainak izan dira. 2010tik aurrerako Liga guztietan txapelduna izan da, 2011. urtean Ligako estropada guztiak irabazi zituen gainera. 2012an Chapelarekin puntuz berdinduta gelditu da baina estropada gehiago irabazi izanak eman dio garaipena. Igoera play-offa jokatzera animatu dira baina ez dute TKE Ligara igotzerik lortu. Kontxako Banderara ere etorri nahi izan zuten baina antolatzaileek ez zuten gonbidatu, izena emateko unean Ligako bigarren postuan baitzeuden.

2013an apalago ibili ondoren 2014an berriz ere bigarren egin zuen Galiziako Ligan eta berriro igoera play-offak jokatu zituen. 2015ean laugarren aldiz irabazi zuen Galiziako Liga baina TKE Ligarako play-offari uko egin zion. 2016an klubak birmoldaketa bat egitea erabaki zuen eta talde berria dezente apalago ibili zen, azkenean 9. eginez. 2019an azkena gelditu arren maila mantendu zuen baina azkenean uko egin zion 2020ko ligan parte hartzeari. 2021ean B Ligan hartu zuen parte eta seigarrena izan zen.

2024an ez zuen trainerua osatzerik izan eta lehorrean gelditu zen. Bitxia bada ere lehenengo aldiz emakumekoen trainerua atera zuen Cesantesekin elkarlanean, eta bigarren egin zuten Galiziako Ligan.

Palmaresa

Kontxako Bandera

• Sailkatua (0), 2002an 8.a sailkapen estropadan.

Ligak

• Galiziako Traineruen Liga (4): 2010, 2011, 2012 eta 2015.

Espainiako Traineru Txapelketa

• Txapelduna (0):
• Hirugarrena (2): 1996 eta 1999.

Galiziako Traineru Txapelketa

• Txapelduna (0)
• Bigarrena (6): 1996, 1999, 2002*, 2010, 2011 eta 2012.

Gainontzeko estropadak

• Teresa Herrera Bandera (5): 1999, 2006, 2011, 2012 eta 2015.
• Conde de Fenosa Bandera (0): bigarren 1989an.
• Gijongo Bandera (1): 2006.

Trainerillak

• Espainiako Trainerilla Txapelketa (0): hirugarren 1996 eta 1997an.

Azken denboraldiak

Urtea	Liga	Espainiako Txap.
2003	Galiziako Liga, 5.a
2004	Galiziako Liga, 2.a
2005	Galiziako Liga, 2.a
2006	Galiziako Liga, 2.a	2.a
2007	Galiziako Liga, 6.a
2008	Galiziako Liga, 10.a
2009	Galiziako Liga, 6.a
2010	Galiziako Liga, 1.a	8.a
2011	Galiziako Liga, 1.a	8.a
2012	Galiziako A maila, 1.a	8.a
2013	Galiziako A maila, 4.a	8.a
2014	Galiziako A maila, 2.a
2015	Galiziako A maila, 1.a
2016	Galiziako A maila, 9.a
2017	Galiziako A maila, 6.a
2018	Galiziako A maila, 9.a
2019	Galiziako A maila, 11.a
2020	ez
2021	Galiziako B maila, 6.a
2022	Galiziako B maila, 3.a
2023	Galiziako B maila, 3.a

Emakumezkoen trainerua

Cesantes-Amegrove
Entrenatzailea	?
Patroia(k)	Damián Pérez
Kolorea(k)	hori-berdexka
Trainerua	Pabliño
Palmaresa	0 Kontxako Bandera 0 Euskotren Liga 0 Espainiako Txapelketa 0 Galiziako Liga
2024: Kontxa	ez
2024	2.a (Galiziako Liga)

2024an lehenengo aldiz emakumezkoen trainerua atera zuen Cesantesekin batera, eta bigarren egin zuten Galiziako Ligan. Euskotren Ligarako play-offak jokatzeari uko egin zioten.

Urtea	Liga	Galiziako txap.
2024	Galiziako Liga, 2.a	4.a

Kanpo estekak

• (Galizieraz) Web gune ofiziala
• (Galizieraz) Liga Galega de Traiñeiras-en webgunea

• Datuak: Q11193486