Andoni Zubizarreta

Andoni Zubizarreta
	; Irudi gehiago
Bizitza
Jaiotzako izen-deiturak	Andoni Zubizarreta Urreta
Jaiotza	Gasteiz, 1961eko urriaren 23a (63 urte)
Herrialdea	Araba, Euskal Herria
Hezkuntza
Hizkuntzak	gaztelania; euskara
Jarduerak
Jarduerak	futbolaria eta enpresaburua
Ibilbidea
	Parte-hartzailea 1998ko Munduko Futbol Txapelketa ; 1994ko Munduko Futbol Txapelketa ; 1990eko Munduko Futbol Txapelketa ; 1986ko Munduko Futbol Txapelketa ; UEFA Euro 1984 ; UEFA Euro 1988 ; UEFA Euro 1996 ;
Posizio edo espezialitatea	futbol atezaina
Pisua	86 kilogramo
Altuera	187 zentimetro
Jasotako sariak	ikusi kirol merezimenduzko errege ordenako urrezko domina ;

Andoni Zubizarreta Urreta (Gasteiz, Araba, 1961eko urriaren 23a) futbolari ohia da, eta Bartzelona Futbol Klubeko gaur egungo zuzendari teknikoa. Gasteizen jaioa bazen ere, Aretxabaletan igaro zuen haurtzaroa.

Bizitza

Deportivo Alaves taldeko harrobitik ateratako atezaina da, eta Athleticen zaildu zen Jose Angel Iribarren eskutik.

1981-1982 denboraldian egin zuen Athletic taldearekin debuta, Atletico de Madrid taldearen aurka. Guztira, bost denboraldi egin zituen taldean, 1981etik 1986. urtera bitarte. Athletic taldearekin bi Liga eta Errege Kopa bat irabazi zituen.

Bere arorik oparoena 1986tik 1994ra bitartekoa izan zen, FC Barcelona taldearekin, lau Liga eta bi Errege Kopa irabazi baitzituen, baita 1989ko Europako Errekopa, 1992ko Europako Kopa eta 1993ko Superkopa ere. 1994an Valencia taldeak fitxatu zuen.

Horrez gain, Espainiako selekzioarekin 126 aldiz jokatu zuen, hiru Munduko Txapelketa: Mexiko 86, Italia 90 eta AEB 94. Nazioartean ere bi Eurokopa jokatu ditu: Alemania 88 eta Ingalaterra 96. Espainiako Ligan errekor anitz ditu Zubizarretak: Ligan -622- eta selekzioarekin -123- partida gehien jokatu dituen jokalaria da. 1998. urtean erretiratu zen futbol profesionaletik.

Taldeak

1978-1979: Aretxabaleta KE
1979-1980: Deportivo Alaves
1980-1981: Bilbao Athletic
1981-1986: Athletic
1986-1994: FC Barcelona
1994-1998: Valencia FC

Erreferentziak

Wikimedia Commonsen badira fitxategi gehiago, gai hau dutenak: Andoni Zubizarreta

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q215963
Multimedia: Andoni Zubizarreta / Q215963