Barbara Ayrton-Gould
| Barbara Ayrton-Gould | |||
|---|---|---|---|
.jpg) | |||
1945eko uztailaren 5a - 1950eko otsailaren 3a Barrutia: Hendon North (en)  Hautetsia: 1945 United Kingdom general election (en) | |||
| Bizitza | |||
| Jaiotza | Kensington, 1886ko ekaina | ||
| Herrialdea |  Erresuma Batua Britainia Handia eta Irlandako Erresuma Batua 1927ko apirilaren 12a) | ||
| Heriotza | Earl's Court, 1950eko urriaren 14a (64 urte) | ||
| Familia | |||
| Aita | William Edward Ayrton | ||
| Ama | Hertha Ayrton | ||
| Ezkontidea(k) | Gerald Gould (en) | ||
| Seme-alabak | ikusi
| ||
| Hezkuntza | |||
| Heziketa | Londresko University College Notting Hill and Ealing High School (en) | ||
| Hizkuntzak | ingelesa | ||
| Jarduerak | |||
| Jarduerak | politikaria eta sufragettea | ||
| Lantokia(k) | Londres | ||
| Kidetza | Emakumeen Batasun Sozial eta Politikoa | ||
| Sinesmenak eta ideologia | |||
| Alderdi politikoa |  Alderdi Laborista | ||
Barbara Boditon Ayrton-Gould, sortzez Ayrton (Kensington, 1886ko apirilaren 3a - Earls Court, 1950eko urriaren 14a) emakume politiko laborista eta sufragista britainiarra da.
Gaztaroa eta familia-bizitza
[aldatu | aldatu iturburu kodea]Ayrton-Gould Kensingtonen jaio zen, Londresen. Hertha Ayrton eta William Edward Ayrton ingeniari elektriko eta asmatzaileen alaba zen. Edith Ayrton ahizpa-erdia sufragista zen. Oinarrizko ikasketak Nothing Hillen egin zituen, eta, gero, kimika eta fisika ikasi zituen Londresko University Collegen. Gerlad Gould idazlearekin (1885–1936) ezkondu zen, eta seme bat izan zuten: Michael Ayrton artista (1921–1975). 1930 arte, Gould Daily Herald kazetako publizitatearen arduradun izan zen.
Sufragista
[aldatu | aldatu iturburu kodea]1906an, Women's Social and Political Unioneko (WSPU, Emakumearen Batasun Sozial eta Politikoa) kide bihurtu zen, eta, 1909an, bere ikerketa zientifikoak utzi zituen, lanaldi osoan militatzeko.[1] Sufragisten aldeko The Democratic Plea liburuxka idatzi zuen Men's League for Women's Suffrage-entzat.
1912ko martxoan, Ayrton-Gouldek Londresko West Endeko dendetako erakusleihoak suntsitzen parte hartu zuen, emakumeek boto-eskubidea lortzearen alde egiteko, eta horregatik, espetxe-zigorra bete behar izan zuen Hollowayn.[1] Askatu zutenean, 1913an, Frantziara joan zen, ikaslez mozorrotuta, atxilotu ez zezaten.
1914an, WSPU utzi zuen Ayrton-Gouldek, agintarien joera autokratikoekin izandako frustrazioagatik eta Christabel Pankhursten etengabeko absentziarengatik.[1] 1914ko otsailaren 6an bere senarrarekin eta Evelyn Sharplesekin United Suffragists (Sufragista Elkartuak) sortu zuen. Gizonak eta emakumeak onartzen zituzten kidetzat. Sufragista elkartuek 1918ko Herri Ordezkaritzaren Legeak Erresuma Batuan boto-eskubide mugatua eman zienean amaitu zuten haien kanpaina.
Ibilbide politikoa
[aldatu | aldatu iturburu kodea]Ayrton-Gould Alderdi Laboristako Batzorde Betearazle Nazionaleko kide bihurtu zen 1929an, eta, 1938an, lehendakariorde hautatu zuten, eta, ondoren, lehendakari 1939-1940 bitartean.[2] 1922tik aurrera, lau saiakera egin zituen diputatu izateko, eta denek huts egin. 1929ko hauteskunde orokorretan, lau botorengatik ez zuen garaipena lortu Northwichen.[3] Bosgarren aldian, Gould Hendon North barruti berriko diputatu hautatu zuten 1945eko hauteskunde orokorretan. Aurreko barrutian, Hendonen, nabarmen hazi zen 1935az geroztik biztanleria (eta, neurri batean, etxe kopurua), eta bitan banatuta zegoen. Hautagai kontserbadoreek sendo eutsi zioten 1910etik, baina iparraldeko banaketa 1945ean erori zen. Balentria hori ez zuen 1997ra arte errepikatu hautagai laborista batek. Parlamentuan, Barbara Ayrton-Goulden bi kezka-iturri nagusiak elikagaien hornidura eta haurren pobrezia ziren. Adibidez, haurren utzikeriari buruzko gobernu-ikerketa eskatzeko ebazpena aurkeztea lortu zuen.[4] Maryleboneko bake-epailea ere bazen.
Ayrton-Gould 1950eko hauteskunde orokorretara arte bete zuen bere aulkia, hots, Ian Orr-Ewingek irabazi zuen arte. Irailean erretiratu zen barrutirako hautagai potentzial gisa, osasun-arazoengatik. 1950eko urriaren 15ean hil zen, Londresko Earl's Court 74A Philbeach Gardens-eko bere etxean, Komunen Ganbera utzi eta zortzi hilabetera.
Erreferentziak
[aldatu | aldatu iturburu kodea]- ↑ a b c 'Suffragette': The Real Women Who Inspired the Film; Bio, 23 octobre 2015, par Sara Kettler.
- ↑ «Mrs Ayrton-Gould Withdraws» Dundee Evening Telegraph 5 septembre 1950.
- ↑ «Thirteen Women Members» Gloucestershire Echo 1 June 1929.
- ↑ Perera, Kathryn (3 January 2011).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]- Artikulu hau, osorik edo zatiren batean, {{{hizkuntza}}} Wikipediako «Barbara Ayrton-Gould» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
- Sufragistak
- Suffragette filma (2015)
| Autoritate kontrola |
|
|---|
Datuak: Q4858727
Multimedia: Barbara Ayrton-Gould / Q4858727