Florentziako Errepublika

Florentziako Errepublika; Repubblica Fiorentina
	1115 – 1532
	Errepublika (Oligarkia)
	Florentziako Errepublika 1494an
Geografia
Hiriburua	Florentzia
Ekonomia
Dirua	Florina (1252–1533)
Kultura
Hizkuntza(k)	Toskanera eta latina
Erlijioa	Eliza Katoliko Erromatarra
Historia
	Toskanako Marka
Florentziako Dukerria

Florentziako Errepublika edota Florentziar Errepublika (italieraz Repubblica Fiorentina) gaur egungo Toskana eskualdean zegoen eta Florentzia hiriburu zuen Erdi Aroko estatu bat izan zen. 1115ean, Matilde Canossakoa markesa hil zenean, florentziarrek Florentziako Dukerria desegin eta komuna bat eratu zutenean sortu zen. Errepublika gonfaloniere (hiriko agintari titularra) batek hautatutako Florentziako Signoria izeneko kontseiluak gobernatzen zuen; aldi berean, gonfalonierea florentziar gremioetako kideek hautatzen zuten.

Errepublika hartako historia borrokaz eta liskarrez beteta dago. 1434an Cosimo Medicik egindako estatu kolpe baten bitartez, Errepublikaren eta hiriburuaren kontrola Medicitarren eskuetara igaro zen. 1494. urtea arte, hiria familia haren menpe egon zen, baina denboraldi labur batez Girolamo Savonarola fraideak kanporatu egin zituen, 1512an, Joan Medicik (gerora Leon X.a Aita Santua izan zenak) hiriaren kontrola berreskuratu zuen arte. 1527an, Medicitarren agintea bigarren aldiz iraulia izan zen, Cognaceko Ligaren Gerran zehar, baina 1531n, Florentzia hamaika hilabetean setiatu ondoren, Medicitarrek berriz ere bereganatu zuten. 1532an Errepublika behin-betiko desegin zen, Klemente VII.a Aita Santuak Alexandro Medicikoa Florentziako duke izendatu eta ordu arte Errepublika zena Oinordetzako monarkia izatera iragan zenean.

Ikus, gainera

Kanpo estekak

Datuak: Q148540
Multimedia: Republic of Florence / Q148540