Imanol Pradales
Imanol Pradales Gil (Santurtzi, 1975eko apirilaren 21a) unibertsitate irakasle eta politikari jelkidea da. 2011tik Bizkaiko Foru Aldundian hainbat ardura izan eta gero[1], 2024ko Eusko Legebiltzarrerako hauteskundetan EAJren hautagaia izan zen. 2024ko ekainaren 22tik aurrera Eusko Jaurlaritzako lehendakaria da[2].
Ibilbidea
[aldatu | aldatu iturburu kodea]Deustuko Unibertsitatean zientzia politikoak eta soziologia ikasi zuen, eta bertan irakasle da, nahiz eta 2007tik eszedentzian dagoen[1]. 2007an Deustuko Unibertsitatean ardurak hartu zituen, eta 2007tik 2011ra bitarte Bizkaiko Foru Aldundiak bultzatutako Bizkaia:Xede elkarteko zuzendari-gerente izan zen[3][1].
2011an Ekonomia Sustatzeko diputatu izendatu zuten, eta 2015etik aurrera Azpiegiturak eta Lurralde Garapeneko diputatu izan da Bizkaiko Foru Aldundian. 2023an I. Etxanobe Foru Korporazioaren parte da[4].
2023ko azaroaren 25ean EAJk jakinarazi zuen Imanol Pradales izango zela lehendakari izateko proposatutako izena, Iñigo Urkulluren ordez[5]. 2024ko Eusko Legebiltzarrerako hauteskundetan EAJren hautagaia izan zen. 2024ko ekainaren 20tik aurrera Eusko Jaurlaritzako lehendakaria da.
Bizitza pertsonala
[aldatu | aldatu iturburu kodea]Aitaren aldeko familia Burgosen du jatorria, eta bere aititetik hasita, bertan jaiotakoak ziren. Bere gaztaroan arraunlaria izandakoa, Laura izena duen andra batekin ezkonduta dago eta alaba baten aita da[6].
Erreferentziak
[aldatu | aldatu iturburu kodea]- ↑ a b c «Imanol Pradales Gil - Gardentasuna - Bizkaia Gardena» gardentasuna.bizkaia.eus (Noiz kontsultatua: 2023-11-25).
- ↑ «Imanol Pradales hautatu dute lehendakari» Berria 2024-06-20 (Noiz kontsultatua: 2024-06-20).
- ↑ «Imanol Pradales: "Estamos deseando conocer profesionales que residiendo en cualquier parte del mundo, estarían interesados en trabajar en Euskadi" — EuskoSare» web.archive.org 2009-01-06 (Noiz kontsultatua: 2023-11-25).
- ↑ «Elixabete Etxanoberen Gobernuan emakumeek gehiengoa izango dute, eta bost diputatu berri izango dira» EITB 2023-07-05 (Noiz kontsultatua: 2023-11-25).
- ↑ «Imanol Pradales izango da lehendakarigai, EAJren EBBko presidenteak baieztatu duenez» EITB 2023-11-25 (Noiz kontsultatua: 2023-11-25).
- ↑ https://www.eaj-pnv.eus/es/adjuntos-documentos/21167/pdf/24-01-27-imanol-pradalesen-hitzaldia
Kanpo estekak
[aldatu | aldatu iturburu kodea]
![](http://upload.wikimedia.org/wikipedia/eu/timeline/e7jtzsnycojfwrvrcocnzj83huccwg9.png)
![]() |
Eusko Jaurlaritza (2024-2028) | ![]() |
---|---|---|
Imanol Pradales (Lehendakaritza) |
![]() |
Eusko Jaurlaritzako lehendakariak | ![]() |
---|---|---|
Jose Antonio Agirre (1936-1960) • Jesus Maria Leizaola (1960-1979) • Carlos Garaikoetxea (1980-1985) |