Malleus Maleficarum

Malleus Maleficarum
	1669ko argitalpen baten azala.
Datuak
Idazlea	Henri Institoris eta Jacob Sprenger (en) (1486)
Argitaratze-data	1487
Generoa	Erlijioa eta Zuzenbidea
Jatorrizko izenburua	Malleus Maleficarum
Hizkuntza	latina
Herrialdea	Alemania
Euskaraz
Izenburua	Sorginen Mailua

Malleus Maleficarum (euskaraz Sorginen Mailua, alemanez Der Hexenhammer) ziurrenik Pizkundean garaian sorginkeriari buruz idatzitako tratatu garrantzitsuena izan zen. Inozentzio VIII.a aita santuak 1485. urtean Inkisizioari emandako eskumen zabalen pean, 1486an idatzia eta 1487an lehenbizikoz Alemanian argitaratua izan zen.

Gerora Europa osora hedatu eta argitalpen berri ugari izan zituen, baita Inkisizioaren eskuliburu nagusia bilakatu ere. Hurrengo 200 urtean baino gehiago iraun zuen sorgin ehizan sekulako eragina izan zuen. Aldirik gorenean, XVI-XVII. mendeetan jazo zen sorgin ehiza hori.

Gaur egun idazlanaren egilea orain arte uste zen Heinrich Kramer dominikar apaiza edota Jacob Sprenger apaiza ote zen eztabaidan dago, biak ere alemaniarrak ziren.