Euskal familia langile batean sortua da Donostiako Alde Zaharrean eta euskara eta euskal kultura txikitatik etxean jasotakoa. Bi urterekin eskolatu eta sei urtera arte Donostiako Alde Zaharreko Itziar Arzelus andereñoak etxean antolatuta zuen ikastolan jardun zuen. Jarraian, sei urterekin Santo Tomas LizeoakAmaran zuen ikastolan hasi, eta irakasle ikasketak hasi artean bertako ikasle izan zen. 1970-79 tartean Donostiako Musika kontserbatorioan musika ikasketak eta txistua musika tresna ikasketak egindakoa. 1979-82 bitarte Donostiako Elizbarrutiko Irakasle Eskolan OHOko irakasle izateko ikasketak euskaraz egindakoa.[1] Eta bertan, 1979-80 ikasturtean irakasle izateko ikasketak hasi zituzten euskararik ez zekiten ikasleak euskalduntzeko “Euskal gramatika, idazketa eta mintzapraktika arlotan” irakasle lanak egindakoa.
Donostiako Gros eta Egiako auzoetako gau eskolan ikasleak euskalduntzeko lanetan irakasle 1978-82artean; baita AEK-k antolatutako udako ikastaro trinkoetan irakasle ere Donostiako Amara auzoan eta Hernanin.
1979-82 AEK-ko Hernaniko didaktika OKILA taldeko kide eta urte horietan zehar makina bat ikastaro emandakoa: euskalduntze-alfabetatze lanetan ari ziren irakasleei, Euskal Telebista sortzear zela aurkezle eta esatari gai izango zirenei (“Ozenki nola irakurri” gaia)... Taldeko beste kideren batekin: “Glotodidaktika ikastaroa“ Udako Euskal Unibertsitatean, “Euskararen didaktika eta metodologia” Iruñeko Larraona ikastetxean , "Adarra"k antolaturiko “euskararen irakaskuntzarako metodologia".
1981-82 Donostiako AEK-ko Rikardo Arregi euskaltegiko talde didaktikoko arduradun. “AEKren historia Gipuzkoan. Argitara beharrekoa”(1982) liburuan.[3][4]
1982ko irailaren 1etik Donostiako Egia auzoko Aitor ikastolan irakasle lanetan dabil. Hasi eta ikasturte horretan astebeteko grebako partaide izatea tokatu zitzaion, izan ere, ordura arte nominan agertzen ez zen errenta atxikipena soldata garbitik deskontatu nahi zieten langileei. Legez ordaintzen hasi behar zela-eta, ikastola berak (enpresak) kostua bere gain hartu beharrean irakasleen (emakumeak izaki) kontura egin nahi izan zuten, “zuen etxeetan senarraren soldata ere sartzen da” aitzakiapean. Grebari esker lortu zuten asmo baztertzaile horri buelta ematea.
Bide luze honetan makina bat ardura bete ditu: haur hezkuntzako koordinatzaile, hizkuntza normalkuntza teknikaria (HNT 2001-2002), ikasketa buru, euskara arduraduna, zuzendari.[5]
Udal departamendu bihurtu zen ordura arte euskararen Udal Patronatua izan zena bertan hartutako erabakiek zuzeneko eragina izan zezaten udaleko egitura osoan.[7]
“Euskararen erabilera normalizatzeko plana Donostiako udalean (5.plangintzaldia 2013-17), zeinak bermatzen zuen, besteak beste, udalak hiritarrari euskarazko zerbitzua jasotzeko eskubidea, udalak lehen hitza euskaraz egitea, euskara lan eta harremanetarako hizkuntza izatea eta euskara udal zerbitzuetan zehar lerro.[9][10][11]
“Parketarrak” egitasmoa. 3-9 bitarteko haurrek euren aisialdian auzoetako parke eta plazatan euskaraz jolas daitezen jolas proposamenak eskaintzen zaizkie.[17]
Donostiako 295 kaleren euskarazko izenak onartu ziren 2015ean Euskaltzaindiaren arauetan eta euskararen erabileraren normalizazioan oinarrituta.[18]
“Kaixo!” kanpaina merkataritzan eta ostalaritzan 2013 (lehen hitza euskaraz).[19]
Donostia Kulturak 2014an "Adarra Saria" sortu zuen euskal musikarien ibilbidea omentzeko, urtero ematen den saria da.
“Euskararen erabilera normalizatzeko 5. Planak (2013-17) Zuzenbide pribatuko erakunde publikoak ere, Donostia Kultura esate baterako, barne hartzen zituen. Beraz, bi hizkuntza ofizialak zerbitzu hizkuntza eta lan hizkuntza modura bermatzea eta horretarako onartutako jarraibideak betetzea jasotzen du.[21]
Kultur Etxeak kultura sortzeko guneak eta herritarren zerbitzura.[22]Aitor ikastolaren txanda
2016ko urtarrilaren 8an abiatu zen “Egian euskaraz bizi nahi dugulako” ekimena, zeinak ahalduntze kolektiboa bilatzen zuen euskararen erabileran; Lehen hitza euskaraz esatearen konpromisoa hartuta (Bilbon Lutxo Egia idazle eta euskaltzaleak hilabetez euskaraz soilik hitz egiteko “performancean” oinarrituta.) Ekimen hau eredu hartuz antzeko esperientziak abiatu ziren gerora. “Euskaraldia” bera esperientzia hauen guztien ondorio.[30]
Otsailaren 26a bitarte, Egia auzoko 40ren bat eragilek parte hartu zuten. Astero eragileek txandaka lekukoa hurrengo eragile taldeei ematen zieten. Aitor ikastolak ere parte hartu zuen eta Nerea Txapartegik ekimena antolatzeko batzorde antolatzailean ikastolaren izenean parte hartu zuen.
Otsailaren 26tik martxoaren 4ra norbanakoen txanda izan zen lekukoa hartuaz euskararen erabileran norbanakotik kolektibora.
Gipuzkoa, Euskal Herria
Bildu
Datuak: Q12264796