Aranondo

Aranondo
	Irudi gehiago
Iraute egoera
	; Daturik gabe (IUCN 3.1)
Sailkapen zientifikoa
Erreinua	Plantae
Ordena	Rosales
Familia	Rosaceae
Leinua	Amygdaleae
Generoa	Prunus
Espeziea	Prunus domestica; L. Zerrenda Druparia insititia Clairv.; Druparia prunus Clairv.; Prunus communis Huds.; Prunus insititia L.; Prunus italica Borkh.; Prunus oeconomica Borkh.; ;
Datu orokorrak
Gizakiak ateratzen dizkion produktuak	plum wood (en)

Aranondoa (Prunus domestica) Rosaceae familiako fruta-arbola da. Zurtoin zuzena dauka, azal leuna eta adaburu globularra. Loreak goiztiarrak dira eta bakarka edo binaka hazten dira. Fruituak aranak dira.

Prunus terminoa latinetik dator, eta basaranaren izena da; domestica terminoak "etxekoa" esan nahi du.

Ezaugarriak

Hosto erorkorreko fruta-arbola da, eta 10 m garai izan daiteke. Adaburu zabala eta irregularra du.

Zurtoina – Azala

Aranondoaren zurtoina zuzena eta estua da, eta azala leuna eta marroia. Kimu gazteak berdeak eta pubeszenteak dira; adar helduak, berriz, arreak eta leunak -arantzatsuak, batzuetan-.

Hostoak

Aranondoak hosto obalatu eta meheki horzdunak ditu.

Loreak

Zuri-berdexkak dira loreak, eta multzo txikitan sortzen dira, hostoak baino lehenago.

Fruituak

Fruitua -drupa erakoa- arana da: biribildua edo luzanga, eta horia, gorria, purpura edo berdea izan daiteke.

Habitata

Jatorriz Kaukasokoa dela uste dute adituek, baina, antzinatik, fruta-arbola modura kultibatzen da herrialde askotan.

Erabilera

Aranak fresko, siku, konfitatu edo marmeladan kontsumitzen dira. Aranondoaren mamia laxantea da.

Erreferentziak

Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.

Datuak: Q44120
Multimedia: Prunus domestica / Q44120
Espezieak: Prunus domestica