Shorty Rogers

Shorty Rogers
Bizitza
Jaiotzako izen-deiturak	Milton Rajonsky
Jaiotza	Berkshire konderria, 1924ko apirilaren 14a
Herrialdea	Ameriketako Estatu Batuak
Lehen hizkuntza	ingelesa
Heriotza	Van Nuys (en) , 1994ko azaroaren 7a (70 urte)
Hobiratze lekua	Mount Sinai Memorial Park Cemetery (en)
Heriotza modua	berezko heriotza: minbizia
Hezkuntza
Heziketa	Fiorello H. LaGuardia High School (en)
Hizkuntzak	ingelesa
Jarduerak
Jarduerak	jazz musikaria, aktorea, tronpeta-jotzailea, musika-moldatzailea eta musikagilea
Genero artistikoa	jazza; Cool jazza
Musika instrumentua	tronpeta; fliskornoa
Diskoetxea	Atlantic Records; RCA Records; Reprise Records

Shorty Rogers (Jaiotza-izena: Milton Michael Rajonsky ; Great Barrington, Massachusetts, 1924ko apirilaren 14a - Los Angeles, 1994ko azaroaren 7a) estatubatuar tronpeta-jotzailea eta musikagilea izan zen.

New Yorkeko Musika eta Arte Eskola Nagusian ikasi zuen tronpeta. Jimmy Giuffrerekin konposizioa ikasi zuen Los Angeleseko Kontserbatorioan, eta eskolako orkestran parte hartu zuen. 1942an Will Bradleyren orkestrarekin aritu zen, eta hurrengo urtean Red Norvoren taldearekin. 1945ean Cozy Coleren zazpikotean sartu zen, Red Norvoren zortzikotean aritu zen, eta Earl Lamond, Emmett Carls, Chubby Jackson eta Don Lamondekin Lennie Tristanoren lehenengo diskoa egin zuen. Urte horretan bertan Woody Hermannen lehenengo taldean sartu zen, eta harentzat hainbat lan ondu zuen. Kai´s Krazy Cats taldearekin ere disko bat egin zuen 1946an. 1947an Charlie Barneten orkestran aritu zen, eta urte horren amaieran Woody Hermanen bigarren taldean sartu zen. 1950. urtean Stan Kentonek deitu zion bere Innovations in Modern Music taldean parte hartzeko. 1951n Los Angelesen hartu zuen bizilekua, eta Giants taldea sortu zuen han. Garai horretan bi filmetarako musika osatu zuen: Ekipo basatia (1954, Laslo Benedeck) eta Urrezko besoko gizona (1955, Otto Preminger). 1963. urtetik aurrera Rogersen karrerak gorantz egin zuen, eta zinema-estudioetan aritu zen batez ere. Starsky and Hutch telesaileko musika osatu zuen, besteak beste. 1982an bira bat egin zuen National Youth Orchestrarekin, Japonian izan zen West Coast Giantsekin (1983), eta Nizako jazz-jaialdian ere parte hartu zuen (1985).

Diskografia

Modern Sounds, Shorty Rogers & His Giants (1951; Capitol Records H-294)
Popo (1951; Xanadu Records)
Short Stops (1953; Bluebird Records)
Infinity Promenade (1953; RCA Victor 20-5503)
Tale of an African Lobster (1953; RCA Victor Records 20-5503)
Shorty Rogers Courts the Count (1954; RCA Victor Records LJM-1004)
The Swinging Mr. Rogers (1955; Atlantic Records ALS-1212)
Martians Come Back (1955; Atlantic Records SD-1232)
Martians Stay Home (1955; Atlantic Records, K50714, 1980)
Clickin with Clax (1956; Atlantic Records, K50481, 1979)
Wherever the Five Winds Blow (1956; RCA Victor LPM-1326)
The Big Shorty Rogers Express (1957, RCA Victor CD 74321 18519 2)
Shorty Rogers Plays Richard Rodgers (1957; RCA Victor LPM-1428)
Way Up There (1957; Atlantic Records SD-1270)
Portrait of Shorty (1957; RCA Victor LPM-1561)
Chances Are It Swings (1958; RCA Victor LPM-1975)
The Wizard of Oz and Other Harold Arlen Songs (1959; RCA Victor)
Bossa Nova (1962; Reprise R/R9 6050)
Jazz Waltz (1963; Reprise R/R9 6060)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q722303