VÍF
![](http://upload.wikimedia.org/wikipedia/commons/thumb/3/31/Klaksvikingur_and_Vestmenningur_Faroese_Rowing_Boats.jpg/220px-Klaksvikingur_and_Vestmenningur_Faroese_Rowing_Boats.jpg)
![](http://upload.wikimedia.org/wikipedia/commons/thumb/6/68/Kapprodur_joansoka_2010_-_10-mannafor_menn.jpg/220px-Kapprodur_joansoka_2010_-_10-mannafor_menn.jpg)
VÍF er Vestmanna Ítróttarfelag, sum fevnir um ítróttargreinirnar hondbólt, badminton og kappróður. Felagið hevur bústað í Vestmanna.
Søgan
[rætta | rætta wikitekst]Vestmanna Ítróttarfelag varð stovnað 17. mai 1939. Tað hava sitið umleið 15 formenn í felagnum, harav tvær kvinnur [1].
Hondbóltur
[rætta | rætta wikitekst]VÍF byrjaði at hava kvinnuhondbólt longu tá felagið varð stovnað í 1939. Manshondbólturin byrjaði trý ár seinni í 1942. Tey fyrstu árini varð spælt inni á Fjarðasandi, síðan var farið niðan á Gomluplen. Seinni varð spælt á vøllinum við skúlan. Nøkur ár hevði felagið heimavøll í ítróttarhøllini á Skála, men í 1986 varð ítróttarhøll bygd í Vestmanna, og síðan tá hevur felagið havt venjingar har og spælt heimadystirnir har.
Kappróður
[rætta | rætta wikitekst]Vestmenningar fingu sín fyrsta kappróðrarbát áðrenn VÍF varð stovnað. Fyrsti báturin var 10-mannafarið Vestmenningur, sum felagið læt smíða í 1927. Tað var Jógvan í Skálum, sum smíðaði bátin. Seinni smíðaði hann eisini fyrstu Havfrúnna. Seinni fekk felagið nýggjar bátar, tá var tað Niclas í Koltri, bátasmiður, sum smíðaði bátarnar [2].
Vestmenningur hevur verið føroyameistari árini 1983, 1984, 1987, 1995, 1997 og 2000. Havfrúgvin gjørdist eisini føroyameistari. 5-mannafør kvinnur vunnu føroyameistaraheitið í 1999, 5-mannafør dreingir vunnu tað sama árið, tvs. í 1999 og so aftur í 2007 [3].
Inniróður
[rætta | rætta wikitekst]Seinastu árini hevur VÍF eisini verið virkið innan inniróður. Ein av ungu rógvarum felagsins, Torstein Brattaberg, hevur vunnið FM, DM og Norðurlandsmeistaraheitið.
Badminton
[rætta | rætta wikitekst]VÍF byrjaði at venja badminton seinast í 1980'unum. Tað datt niður fyri aftur stutta tíð seinni, men síðan 1995 hevur felagið spælt badminton relguliga. Umleið 80 fólk venja badminton í Vestmanna.
Hópurin hjá VÍF í Atlantic Airways kappingini 2011/12 (menn)
[rætta | rætta wikitekst]Venjarir hjá VÍF monnum í hondbólti eru Ingi Olsen og Dia Midjord.
|
|
Keldur
[rætta | rætta wikitekst]- ↑ "VIF.fo". http://www.vif.fo/?page_id=211. Heintað 2011-07-15.
- ↑ "VIF.fo". http://www.vif.fo/?page_id=211. Heintað 2011-07-15.
- ↑ "RSF.fo". http://www.rsf.fo/F%C3%B8roya_Meistarar.html. Heintað 2010-12-12.