Fenomèno
Un fenomèno est la maniére qu'una chousa, un fêt du mondo fesico (objèt, accion…), psichica (èmocion, pensâ…) ou social (produit d'entèraccions sociales) sè manifèste a la sensibilitât d'un étre vivent. Cèrtins fenomènos de la fesica, coment lo magnètismo, la lumiére ultraviolèta, los rayons X, etc. tochont pas de la méma façon la sensibilitât des difèrents étres vivents. Lo mot fenomèno vint du latin phaenomenon, emprontâ u grèco φαινόμενον, « aparence », dèrivâ du grèco ancian *φαίνω, « fâre aparêtre ».
Un fenomèno pôt être l'objèt d'ètudes scientifiques.
En lengâjo corent, un fenomèno est un fêt, un èvènament vêr un endividu anormal ou surpregnent.
Adjèctif dèrivâ: fenomènal.
