Ikurriña
![](http://upload.wikimedia.org/wikipedia/commons/thumb/2/2d/Flag_of_the_Basque_Country.svg/220px-Flag_of_the_Basque_Country.svg.png)
La Ikurriña al è un simbul dai Bascs e la bandiere uficiâl dal Paîs Basc, une des Comunitâts Autonomis de Spagne.
La bandiere e fo disegnade dai fondadôrs dal Partît Nazionalist Basc EAJ-PNV, Luis and Sabino Arana, su la base de bandiere britaniche, la Union Flag e je par solit viodude come simbul nazionâl ma no uficiâl dal Euskal Herria, teritori che al comprent dutis lis tieris storichis baschis. Si viôt spes ancje tal Paîs Basc Francês e je ancje part de bandiere no uficiâl di Saint Pierre e Miquelon, une comunitât di oltrimâr de France, logade inte Americhe dal Nord e che e dulà che si sistemarin marinârs bascs francês. La Ikurriña e je ancje il simbul dal Partît Nazionalist Basc (EAJ-PNV). Une polemiche esist sul so ûs par vie che al inizi e jere il simbul dome di une sezion dal partît, che de Biscaglie (Gipuzkoa ) e un grum di int e je convinte che e sedi miôr une altre bandiere par rapresentâ il teritori. Cuintri vers al è ancje l'ûs de svastiche prime dal 1930. Al esist ancje un altri simbul tradizionâl basc, il lauburu, che al dì di vuê al ven doprât dome di partîts minôrs.
La bandiere e fo designade intal 1894 par rapresentâ la provincie de Biscaglie (Vizcaya in spagnûl, Bizkaia in basc) jenfri di une colezion di siet bandieris, une par ogni provincie basche e une par dut il paîs. Purpûr, viodût che la ativitât dal PNV e jere pocje fûr de Biscaglie, dome la bandiere di chê provincie e fo ricognossude publicamentri. E fo tirade su pe prime volte intal "Euzkeldun Batzokija", une associazion che antenade dal EAJ-PNV. Il partît la adotà intal 1895 e, tal 1933, la proponè come bandiere par dut il Paîs Basc storic. La influence de bandiere britaniche e je probabilmentri dovude ai fuarts leams che in chê volte a jerin tra Bilbao e la Grande Bretagne.
Intal 1936, in graciis al fat che i Bascs a vevin acetât la "ikurriña" e su sugjeriment dal conseîr socialist Aznar, il Guvier Basc la adotà come bandiere de Regjon Autonome Basche. Il regjim dal Gjenerâl Franco la proibì tal 1938 (e fo invezit ancjemò doprât tai dipartiments bascs de France. E deventà un simbul di sfide – lis primis azions dal grup clandestin ETA e forin la esposizion di bandieris in puescj publics. Dilunc la transizion spagnule vierç la democrazione, e fo legalizade intal 1977. Doi agns dopo, il guvier basc la adotà come bandiere dal Paîs autonom Basc. E fo adotade ancje dai nazionaliscj intal rest des tieris baschis.
Il daûr ros al è simbul de int de Biscaglie (la raze); la crôs verde e pues rapresentâ il rôl di Guernica, un simbul des vieris leçs de Bizkaia, o Fueros; e parsore, une crôs blancje, simbul de devozion catoliche dai Bascs. Ros, blanc e vert a son deventâts i colôrs nazionâls bascs.
Non
[cambie | modifiche il codiç]Il non al è un neologjisim creât dai fradis Arana di ikur ("mark, sign", confronte cun il Catalan senyera). E fo pensade come peraule gjeneriche par "bandiere", ma ae fin e cjapà un significât precîs; vuê la peraule par basc par bandiere e je bandera, derivade dal spagnûl. Un procès simil si lu viôt ancje par altris neologjisims nazionaliscj bascs, come lehendakari e ertzaintza, creâts al inizi come tiermins gjenerâi, ma dopo aplicâts pratichementri dome pal President Basc e la Polizie Autonome Basc. La grafie origjinâl doprade dai Aranas e jere ikuŕiñ (la -a finâl al è l'articul definît basc); la grafie moderne e je ikurrin.
Figuris
[cambie | modifiche il codiç]-
Il daûr ros e lis riis verticâls, orizontâls e diagonâls a son similis al embleme dal Ream di Navarre.
-
Cavalîr cun la bandiere de Navarre, la ikurrina e la Arrano Beltza intun omaç ai membri dal ETA.
-
Il partît nazionalist basc di çampe Herri Batasuna al dopre un logo ispirât de Ikurriña.