Gersleat

	Gersleat
	Emblemen
	Bestjoer
Lân	Nederlân
Provinsje	Fryslân
Gemeente	It Hearrenfean
	Sifers
Ynwennertal	310 (1 jannewaris 2023)
Oerflak	9,90 km², wêrfan ; - lân: 9,63 km² ; - wetter 0,27 km²
Befolkingsticht.	32 ynw./km²
	Oar
Tiidsône	UTC +1
Simmertiid	UTC +2
Koördinaten	53° 0' N 5° 57' E
	Offisjele webside
	webstee fan Aenjewier
	Kaart
	; Lokaasje Gersleat yn Fryslân
	Kaart
	Lokaasje Gersleat (grien) yn 'e gemeente It Hearrenfean

Gersleat is in doarp yn de gemeente It Hearrenfean. Gersleat-Polder is in buorskip fan it doarp.

It doarp hat 310 (1 jannewaris 2023)^[2] ynwenners.

Skiednis

It doarp wie yn de tiid fan de 18e en de 19e iuw in sintrum fan de feanterij. Op de gritenijkaart fan de Eekhoff-atlas healwei de 19e iuw docht bliken dat hast de hiele omkriten fergroeven binne en ûnder wetter lei. Allinne de ûnder Gersleat fallende Aldeweisterpolder is yn 1776 drûchmealle en wer yn kultuer brocht. Itselde wie doe krekt (yn 1851-1852) bard mei de wat gruttere polder súdlik dêrfan.

Oant 1834 stie op it begraafplak de tsjerke fan Gersleat. Dy wie yn of koart nei 1735 boud as ferfanging fan in âldere brekfallige tsjerke. De predikant wie tagelyk dûmny fan de oare doarpen fan Aenjewier. De befolking fan it Opsterlânske doarp Lúkswâld foel yn alle gefallen oant yn 'e 18e iuw tsjerklik ûnder Gersleat. Op it begraafplak stiet ek ien fan de klokkestuollen yn Fryslân.

Gersleat leit yn it noardwesten fan de gemeente, en foarme foar 1934 mei de doarpen Terbant, Lúnbert en Tsjalbert de gemeente Aenjewier. De fjouwer doarpen wurde noch altyd Aenjewier of De Streek neamd. De trije doarpen binne mei it noardeastlike part fan It Hearrenfean yn 1936 by de doetiidske gemeente Skoatterlân foege om sa de gemeente It Hearrenfean te foarmjen.

Gersleat foarmet it meast eastlike part fan de oan de Aenwirderwei frijwol ûnûnderbrutsen trochrinnende bebouwing fan de fjouwer doarpen. Oan de westlike ein fan Gersleat is de bebouwing minder ticht. Mei't der nei de Twadde Wrâldoarloch net folle mear boud is, is dêr de sfear te priuwen fan in mienskip middenmank it útfeante lân dat wer yn kultuer brocht is.

Mienskip

Gersleat docht in soad yn 'e mande mei Tsjalbert en Lúnbert. It doarp hat wol in eigen feriening foar Pleatslik Belang Gersleat-Polder. Mei grutte ynset fan de ynwenners hat Gersleat sûnt 2018 de DoarpsKeamer, dy't njonken kantine fan de fuotbalklub ek in doarpshûsfunskje hat.

Tsjerke

PKN Tsjalbert-De Knipe

Skoalle

De basisskoalle d'Aldewei fan Gersleat fusearre yn 2014 mei de kristlike basisskoalle Anjewier en de iepenbiere basisskoalle De Nijewei fan Tsjalbert ta de gearwurkingsskoalle De Nijewier.

Ferienings

Aenjewierster Senioaren Soas Under Ien Dak
Biljertklub Lúnbert
Kaartklub De Streek
Fuotbalferiening Gersleat
Keatsferiening Foarút
Kabaretploech RynkRank

Sportferiening Hercules (gymnastyk, tennis en follybal)
Stifting Natuerbad "De Wispel"
Iisklub Tegearre Fierder
Toanielferiening Dito
Toanielferiening Rjucht en Slucht

(De list is yn 2023 bywurke mei help fan de doarpsside. Sjoch foar de meast aktuele ynformaasje oer ferienings op de hiemside fan it doarp)

Befolkingsferrin

Jier	1840	1954	1959	1964	1969	1973	2004	2005	2010
Ynwenners	146	447	410	338	286	296	298	298	305
Jier	2015	2020
Ynwenners	300	305

(Boarnen: 1840: Plaatsengids.nl; 2015 en 2020: Alle Cijfers)

Eveneminten

Streekeinfestival

Gea

In pear kilometer benoarden De Streek leit it natuergebiet De Deelen, in lânskip mei in ôfwikseling fan petgatten en stripen.

Strjitten

De strjitten fan Gersleat mei de ferklearring fan de nammen.

Sjoch ek

Fryske doarpen.

Keppeling om utens

Webstee fan Aenjewier

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Gersleat fan Wikimedia Commons.

53° 0' NB, 5° 58' EL

	It Hearrenfean
Doarpen en útbuorrens: Aldeboarn • Aldhoarne • Aldskoat • Akkrum • Bontebok • Gersleat • Haskerdiken • Hoarnstersweach • It Hearrenfean • Jobbegea • Ketlik • De Knipe • Lúnbert • Mildaam • Nes • Nijbrêge • Nijhoarne • Nijskoat • It Oranjewâld • Terbant • Tsjalbert
Buorskippen: Aldskou • Annebuorren • Brongergea • Burstum • Easterboarn • Jinshuzen • Meskenwier • Pean • Poppenhuzen • Jobbegea-Skuorregea • Soarremoarre • Spitsendyk • Sythuzen • Warniahuzen
· ·

[1] ttps://opendata.cbs.nl/statline

[2] ttps://opendata.cbs.nl/statline

[1]

[2]