《江西省輿圖》嗰總圖
《江西省輿圖》係一本江西到清朝時間嗰地圖集。佢係到1732年-1743年之間拕繪製完成嗰。每頁40公分莽,54.5公分闊。繪製手法係絹本彩繪。
《江西省輿圖》攏共有一十四頁,頭幅圖係江西嗰全境總圖,後背係江西十三府嗰列圖,佢俚係南昌府、瑞州府、袁州府、臨江府、吉安府、撫州府、建昌府、廣信府、饒州府、南康府、九江府、南安府、贛州府。各圖嗰主要內容係全贛嗰山川、津梁、城鎮、塔寺觀庵同得亭閣等風景人文建築。
《江西省輿圖》採用嗰地理標示方向不同於而今嗰製圖慣例,佢係「南上北下」。𠵹也表現出江西嗰地理走勢——「南高北低」,贛江嗰水由贛南一徑流進贛北嗰鄱陽湖。