Terra Eo-Navia
| Terra Eo-Navia | |
|---|---|
| Localización | |
| |
| Datos | |
| Capital | Navia |
| Comunidade Autónoma |  Asturias
|
| Superficie | 1.645 km² |
| Poboación (2007) | 36.208 hab. |
| Densidade de poboación | 22,01 hab./km² |
A Terra Eo-Navia (en castelán e oficialmente Eo-Navia)[1] é unha rexión que se atopa no occidente do Principado de Asturias, limítrofe con Galicia e que comprende 19 concellos situados entre os ríos Eo e Navia (máis concretamente o río Frexulfe). Trátase dunha denominación de recente creación que non se corresponde con ningunha división territorial oficial ou de uso cotián tradicional. Xunto co Bierzo occidental na provincia de León e As Portelas na provincia de Zamora considérase este territorio como parte da Galicia estremeira.
Orixe
O termo naceu en sectores do galeguismo[Cómpre referencia], e en primeira instancia correspóndese cunha realidade lingüística e cultural, xa que fai referencia aos concellos do Principado nos que se fala o galego.
En segunda instancia, o termo fai referencia a aspiracións políticas defendidas por parte do nacionalismo galego, que reivindica esa comarca cultural como parte do dominio lingüístico galego e fala dunha necesidade de cooficialización do galego nesa área[2]. En troques, algunhas publicacións como La Nueva España ou a propia Academia Asturiana negan e rexeitan[3] frontalmente o galeguismo desta zona limítrofe coa provincia de Lugo.
Datos
Segundo un estudo do profesor da Universidade Complutense de Madrid Alberto Gómez Bautista, na Galicia estremeira (que abrangue as zonas de Eo-Navia, Ancares Leste, Bierzo Occidental e As Portelas) existen entre 70.000 e 100.000 galegofalantes, é dicir un 50% da poboación ten o galego como lingua de uso cotián. Así mesmo, algúns falantes do Eo-Navia e tamén do Bierzo tamén falan astur-leonés[Cómpre referencia].[4]
Notas
- ↑ "Informe lingüístico sobre a terra Eo-Navia". Andel Virtual. Arquivado dende o orixinal o 04 de marzo de 2016. Consultado o 06 de maio de 2009.
- ↑ "Carlos Varela, académico da RAG, fala dun tabú a se referir á lingua como galego na zona Eo-Navia". Arquivado dende o orixinal o 18 de setembro de 2019. Consultado o 06 de maio de 2009.
- ↑ "Plataforma Cultural Eonaviega contra o galeguismo no Occidente de Asturias". Arquivado dende o orixinal o 05 de setembro de 2014. Consultado o 06 de maio de 2009.
- ↑ 2004, 7 63-66 (páxina II) Arquivado 03 de abril de 2010 en Wayback Machine. Madrygal. Revista de Estudios Gallegos
Véxase tamén
Bibliografía
- Informe lingüístico sobre a nosa terra Eo-Navia (Occidente de Asturias) (2.ª ed.). Navia: Asociación Abertal del Eo-Navia. 2010 [2007].
- Costas González, Xosé-Henrique (2008-2009). "A deturpación da toponimia galega do Eo-Navia". Cadernos de Lingua (A Coruña: Real Academia Galega) (30-31): 5–25. ISSN 1130-5924.
- Regueira, Xosé Luís (2006). "Informe lingüístico sobre a nosa terra Eo-Navia (Occidente de Asturias). Navia: Asociación Abertal del Eo-Navia, 2007". Cadernos de Lingua (A Coruña: Real Academia Galega) (28): 191–195. ISSN 1130-5924.
- Varela Aenlle, Carlos Xesús (2010). Repertorio toponímico e xentilícico da terra Eo-Navia. Universidade de Vigo.
Outros artigos
Ligazóns externas
- A situación do galego no Eo-NaviaArquivado 18 de setembro de 2019 en Wayback Machine.
- Explicación polo miúdo da situación e a problematica lingüística e cultural no Eo-Navia
- A lingua galega na Franxa Leste
- Historia das terras Eo-Navia dentro do Reino de Galiza
- Mesa prá Defensa del Galego de Asturias
- A asociación cultural ABERTAL pola defensa da lingua e cultura galegas da comarca del Eo-Navia
- O relativo do continuum entre galego e asturiano en Asturias, a cargo de Xavier Frías Conde