AG-64

A Autovía Ferrol - Vilalba ou AG-64 é unha vía de altas prestacións autonómica galega, que une as cidades de Ferrol e Vilalba pasando polas Pontes de García Rodríguez.

AG-64 Autovía Ferrol - Vilalba
Rotonda de inicio, na estrada Catabois-Valdoviño.
Tipoloxía	Autovía
Rede	Rede de estradas de Galicia
Lonxitude	56,3 km
Localización
Inicio	AC-116  Narón
Fin	A-8   LU-861  Vilalba

Empeza na AC-116 no límite entre os concellos de Narón e Ferrol, e liga coa AC-861 nas Pontes de García Rodríguez, continúa a prolongación ata Vilalba e alí liga coa Autovía do Cantábrico (A-8). Ten nove ligazóns, das que oito son totais e unha parcial.

Esta autovía foi construída en catro fases: a primeira Ferrol - A Casanova entre 2003 e 2004; a segunda A Casanova - Igrexafeita en 2004, a terceira Igrexafeita - As Pontes, na que as obras concluíron finalmente en setembro de 2007 con máis dun ano de atraso debido á inestabilidade dun talude; e a cuarta As Pontes - Cabreiros entre 2005 e 2008, onde enlaza coa LU-540 cara a Muras e Viveiro. Houbo gran polémica pola destrución dos restos dun Círculo Lítico que se achaban en pleno trazado da autovía^{[Cómpre referencia]}.

En febreiro do 2010 foi posta en servizo o treito ata Vilalba, no treito Cabreiros - Vilalba, onde liga coa Autovía do Cantábrico, a A-8

Saídas

Número de Saída	Nome de Saída	Estrada que liga
	Ferrol por  AC-116	AC-116
1	Porto Exterior de Ferrol	N-655
3	O Val Meirás Polígono Río do Pozo	AC-116
6	Castro
7	Valdoviño Cedeira	AC-566
13	Ortigueira Viveiro Ferrol	AC-862
17	San Sadurniño	AC-125
18	Igrexafeita	AC-861   AC-125
26	Espiñaredo Somozas	AC-861
31	Saa Polígono industrial de Penapurreira	AC-142
33	As Pontes (Oeste) Polígono industrial de Penapurreira A Capela	AC-861
36	As Pontes (Sur) Polígono Os Airíos	AC-7003   AC-7001
42	Cabreiros Muras Xermade Viveiro	LU-540   LU-861   LU-170
	Vilalba	A-8