Edema

O edema ou hídrops refírese a unha acumulación anormal de líquido no compartimento extracelular intersticial ou nas cavidades corporais por mor do aumento da presión hidrostática, diminuición da presión coloidosmótica, aumento da permeabilidade vascular (inflamación) e diminución da drenaxe linfática. Está constituído dunha solución acuosa de sales e proteínas do plasma e a súa composición varía conforme a causa do edema. Cando o líquido se acumula no corpo enteiro denomínase edema xeneralizado ou anasarca. O edema na cavidade abdominal denomínase ascite.

Aviso médico

Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Signo clínico de edema.

Causas

Edema na perna causado por problemas vasculares.

Seis factores poden contribuír á formación do edema:

• Aumento de presión hidrostática;
• Redución da presión oncótica (presión por osmose xerada polas proteínas do plasma) dentro dos vasos sanguíneos;
• Aumento da presión oncótica) nos tecidos;
• Aumento da permeabilidade da parede do vaso sanguíneo (por exemplo durante unha inflamación);
• Obstrución da depuración de fluídos polo sistema linfático;
• Mudanzas na auga de retención dos tecidos propiamente ditos;
• Retención de auga e sodio polo ril.

Doenzas

Pode ser causado, entre outros motivos, por doenzas:

• Cardíacas como a insuficiencia cardíaca;
• Hepáticas como a cirrose;
• Circulatorias como hipovolemia;
• Linfáticas como obstrución do fluxo do sistema linfático;
• Urinarias como insuficiencia renal;
• Endócrinas como hipotiroidismo ou;
• Sistémicas como desnutrición proteica grave.

Drogas

Poden ser causados por algúns tipos de:

• Antidepresivos
• Antihipertensivos
• Esteroides
• Diuréticos
• Laxantes

Outras

Existen aínda outras causas:

• Comer moito sal ou sodio;
• Queimaduras de sol;
• Gravidez

Véxase tamén

Outros artigos

• Linfedema
• Mixedema
• Anasarca